就在一兩年前，主教山底下的前深水埗配水庫，本被拆䣃準備重建，邊個估到反而今日成為一個遊歷景點，終於在暑假最後一日到此一遊啦～
由於依家都仲係好多人預約嘅關係，水務署導賞團網頁暫時仲係早一個月先開始預約下一個月的導賞團，好似10月的團就9月1日開始接受預約。
所以大家要留意住官網的宣佈，準時搶預約名額。我哋當日就預約咗10至11點半個節導賞團。我哋準時在聖芳濟各小學門口的櫈仔集合，導賞員派我哋每人一個貼紙。
以前上山嘅舊樓梯都已經改咗道
可能我哋由細行到大，當其他團友都行到攰冇晒力，我哋一D都唔覺得攰。
沿路我哋發現一樣好攪笑嘅現象，就係好多乒乓波枱。
一張又一張，聽講係有間學校願意將D舊乒乓波枱捐出。
可以俾老人家做吓運動，不過一張張波枱咁重，真係人手搬上去？
終於行到去配水庫入口位
從前嘅大沙地，依家變咗做配水庫嘅導賞團，一棵棵大樹都已經被斬下。
配水庫做咗D活化工程，等各位巿民都可以參觀。
有好多展板介紹，等大家認識香港的配水庫及水塘歷史。
沿樓梯行落嚟，覺得自己好似去咗個寶藏地庫咁。
真係好有尋寶Feel，全部都係歷史嘅痕跡。
導賞姐姐同我哋講解好多配水庫嘅歷史。
每一處裂痕、轉孔、磚牆，都有故事。
因為今日天氣都算好熱，所以兩個滿頭大汗。
講解完後，導賞員都會俾大家時間自由影相打卡。
只有芊芊仲好乖跟住我一齊行同影相，哥哥已經自己走咗去自己周圍行。
越睇就越發覺以前的人好勢利
實在好值得大家去參觀一次，大家快D上網預約啦！
Photo & Video by Sony A7III iPhone11 Pro
想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2
前深水埗配水庫導賞團
2021年6月，前深水埗配水庫獲古物諮詢委員會確認為一級歷史建築。水務署早前已推出了配水庫的虛擬導覽，本署現有限度開放配水庫予市民參觀，參觀活動以導賞團形式舉行，希望藉此讓市民可以認識前深水埗配水庫的歷史背景和欣賞其內部結構，從而提升公眾對水務歷史建築及文物保育的意識。本署歡迎市民（個人及團體）預約參與「前深水埗配水庫導賞團」
(以上資料更新至文章當日)
