秋高氣爽，天朗氣清，最適合一家大細去野外露營呀！今次嚟到「四季休閒農莊」，一個又大又靚景觀的露營地區。
今次得我同呀芊，仲有佢幾個好好的同學朋友，一齊嚟玩番晚，我哋大約3點到達。如果冇開車嘅朋友，喺粉嶺火車站搭52B小巴，在流水響公眾燒烤場附近落車，就會搵到㗎啦！詳細地圖
一扁超大草地，可以俾小朋友瘋狂任跑任玩，我哋就先搵個靚位去起營紮番個帳幕。
大人可以好悠閒坐低傾計，望住小朋友自己玩，呢個Moment真係好寫意。
絕對唔駛擔心小朋友冇嘢玩，只要有空間，隨手拎起一樣嘢，佢哋就可以發揮創意，自己諗遊戲俾自己玩。
到咗差唔多日落嘅時侯，個天真係幾節顏色，由天藍轉去紫，再由紫轉去橙黃，呢個係咪就叫做Magic Moment呀～
到夜晚小朋友周圈一齊玩「狼人殺」睇住佢哋玩，做MC嗰個又成日講錯次序，笑死我哋班大人。
食飽飽後大家仲圍埋一齊睇電影㖭～
大人就當然在旁邊嘆下咖啡，繼續傾吓湊囝湊囡經～
真係好耐都未試過，可以咁樣望住個天空，見到咁多星星，突然之間又回想起那些年～
幾個小朋友自己一齊瞓，芊起初仲話要陪我起帳幕一齊瞓，依家已經唔要老豆了。
可以同班朋友仔一齊瞓，傾住計慢慢瞓着...第朝起身擘大眼又係見到同學仔，係開心嘅～
芊見到個同仔瞓到碌咗落地，就不停咁笑～
第朝一起身天氣會有少少涼，草地上都充滿露水。
我同芊起身周圍行下散步，發現咗D好得意嘅嘢！
原來天氣凍得濟，在雜草之間形成好多露水堆，用手指一篤就會即刻散去。
食過早餐之後，又再繼續玩到癲咗～
其實朋友仔當中有一個要移民，大家都好唔捨得，呢段友誼好珍貴！
其中一個露營友架車超靚，借咗俾好多人打咭～
如果學校架校巴真係咁型就好囉！
Photo & Video by iPhone11 Pro
想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2
四季休閒農莊
位於粉嶺流水響水塘附近，佔地近160,000呎。鄰近流水響水塘，天然景色四面環山，更可以去流水響水塘行山、秋季賞紅葉。私人收費露營場地，您可以選擇自攜營帳或租用有空調的蒙古包！營地設超大草地，提供足夠的露營空間，適合家庭、情侶、朋友、團體聚會，營地是寵物友善，毛孩可以入營。四季休閒農莊設有露營區、燒烤區、停車場區，以及兒童遊樂設施。
地址 : 流水響公眾燒烤場附近
電郵 : [email protected]
電話 : 98827219
入營時間 : 下午2時
離營時間 : 上午11點30分
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。