想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。今次重遊第一篇文章的麗都灣，真係好有FEEL!!!~
今次我係無嗱嗱上網，諗住搵下有咩地方去玩，心血來潮諗不如去番當年第一篇文章的地方玩玩，所以就去訂咗帝景酒店一晚住宿。
俾我撞正7月1日有平房，只係$400蚊咋，加埋行政雜項都係＋$60蚊，總共$460埋單～咁就可以一家人在酒店過番晚。
你可能會問點解咁平，其實真係咁平囉，原來未踏入八月，暑假剛開始，我仲要係揀7月1日入住(因第朝係星期五) 所以特別平！同埋$460只係包住唔包食，夜晚要自己踏酒店shuttlebus出去搵嘢食。
但係我一D都唔介意冇得食，因為最緊要係想搵個方便去沙灘玩，我哋一出發就先到酒店 Check-in，然後就行5分鐘路程到酒店下面的麗都灣，玩得幾污糟都唔驚，因為酒店就在附近，所以玩得特別放～
今日嚟到都算幾多人，過咗咁多年，呢D唔算熱門的泳灘都開始多人留意到，可能都係怪自己介紹得多，結果由少人變多人！哈哈～
麗都灣在汀九一帶算係比較大的一個，而且配套都算完善，起碼有救生員，沖身，更衣室，連士多都有，可以租充氣玩具等。
唯一冇咁靚係D沙，真係幾粗幾大粒，同埋海入面都多石頭。
不過對小朋友嚟講一D問題都冇啦！
想當年在同一位置影過張相，今日重遊舊地一定要同一個Pose影多次！
今日D水相當清，至少唔會見到有垃圾在水面浮下浮下，始終汀九呢邊人唔多，污染機會都較細。
玩到夠哂皮先至番酒店，唔駛擔心冇車或交通問題，又怕太夜等等～
房間寛敞都好舒適。
2張床都算大，望住樹景，仲見到酒店泳池。呢個住宿都唔包早餐，我哋預先買咗D麵包同朱古力奶，可以聽朝起身食少少，先至再Check-out出去食豐富D咪得囉～
唔怕攰的話，其實都可以再去多次游早水，因為行兩步番酒店沖涼真係好方便！呢個價錢真係超值，大家都可以袋定第日考慮吓！
Photo & Video by Sony A7III FE 16-35mm F/2.8 + iPhone11 Pro
想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。