最近哥哥都長大了, 開始想養小動物! 見到叔嬸既狗仔, 又話想養狗仔，去到雀仔街睇雀, 又話想養雀仔，睇電視見到花鼠, 又話想養倉鼠, 結果最後...
其實我自己一向都唔太贊成養寵物
一來自己未必有能力照顧好佢哋, 另一方面又好驚佢哋離開
所以我好介意D父母為咗自己小朋友, 想培養佢哋愛心
就養小動物俾小朋友學習照顧, 變相好似利用咗隻小動物.....
原因係呢D父母若果唔係有小朋友佢哋自己本身就未必會養寵物
(只係個人見解, 唔一定要你buy)
所以最後我同哥哥講, 到有一日你有能力而且可以負起呢個責任照顧先去領養動物
雖然佢未必明白咩叫「責任」, 但係都要同佢解釋清楚...等佢慢慢明白過嚟!
但係我都因為咁試吓養一缸魚(本身有計劃過), 只係揀養一D小魚!
(本來有諗過養龜, 但係怕好臭)
因為上一年嫲嫲曾經帶哥哥去甚麼嘉年華撈金魚(極之反對的活動)
然後不到一個星期全部歸西! 所以今次選擇養魚, 始終係佢接觸過的!
第一天我先買了一個連濾水器的魚缸, 價值$330
第二晚我再到金魚街買了第一包小金魚仔試試缸,
佢哋叫「瑩光斑馬」$20 有9條
魚仔落缸後, 小朋友超興奮! 即刻喺魚缸前望佢哋游嚟游去
之後叔叔提醒我要買暖管, 如果唔係佢哋好易死...
而且魚仔太細條, 一定要買一D粉沫狀既魚糧等佢哋個咀仔食到
結果第三晚我放工再去買埋, 同埋換水器, 網仔等其他工具
魚糧$38; 換水揼$20; 小網仔$8; 暖管(德國貨)$185
佢哋兩個望住D魚仔好開心
周不時都會過去魚缸望吓佢哋
夜晚瞓覺前又會祈禱希望佢哋唔好(咁快)死...
後來覺得好似養得唔錯就諗緊不如加多幾個朋友仔
於是買咗米奇$15有10條同埋波子(正名：朱鄰) $30 兩條
因為成員多咗, 擔心個缸唔夠氧氣俾佢哋
所以再過咗兩日到咗Weekend我帶埋佢哋兩個落金魚街
再買埋氣揼(日本貨)$125 + 呎膠喉$3 + 氣石$8
跟住仲買埋一棵小水榕, 俾番少少大自然Feel D魚, 終於大功告成!!!
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
15 Jul, 20
【親子分享】Drink MoveBe Strong 每日飲2杯 身體自然好
#菲仕蘭香港將「#世界牛奶日」帶來香港，「#香港世界牛奶日」已經嚟到第八屆，並繼續以「Drink Move Be Strong」為主題，鼓勵小朋友每日攝取兩份奶類及進行適量運動，保持身心健康。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
23 Jun, 19
【親子分享】小孩應該學習自理，還是大人幫助才好？
自兩個小孩上到小學，跟同學家長交談當中，就開始出現兩種教派，自理派及輔助派，有家長以「懂得放手」來教小孩每事學懂自理，不然處處幫忙就會養成他們倚賴及懶惰的習慣。
11 Sep, 18
【親子有感】10件不要Hea回孩子的事情
孩子剛出生時，作父母的就是希望他們快快長大能跟自己說一聲「爸」及「媽」，當他們長大後，開始陸陸續續有很多問題發生要處理，有些時侯還覺得很煩人，但是面對各種情況作父母的又應如何處理。