【親子好去處】上水富琴有機火龍果生態農莊

今日我哋去咗一個火龍果園, 出咗名出產紅肉火龍果的農場, 今日天氣麻麻地, 但係我哋都抱埋呀女一齊嚟玩, 呢個農場唔係好多人嚟, 佢一般都係接待旅行團, walkin的較少

我哋搭的士好快就到, 但係到我哋落車個陣已經超級大雨!

我哋好快咁跑咗去去避個雨先,

可能因為落雨啦, 所以一個人都冇,

我哋先周圍行吓, 見到好幾隻恐龍係度!

原來係呢度借個位俾主辦團體存放喺度

慢慢開始多起人上嚟, 有D人踩單車經過呢度都停低食碗豆腐花,

呢度只需俾1次錢就可以任食,

我哋先諗住跟農夫叔叔上山摘火龍果先, 玩完先落番嚟食!

見到有團嚟咗, 農夫姨姨教團友整茶粿, 我哋都係側邊學埋一分!

因為地下太濕太滑, 所以只係我同呀仔行上去,

其實唔係話D咩山, 只係行上去一個高D既平原上面,

太概2-3分鐘, 嗰度有好多火龍果樹, 仲有好多其他既水果

Hysan接咗個大菠蘿, 西瓜同好多火龍果! 咁重點拎走呀

摘完落番嚟休息吓, 等食豆腐花, 呢個時侯老婆再去揀其他蔬果,

最後買咗幾百蚊嘢番屋企, 佢話有機健康喎!

呀妹有得睇冇得食! 可憐....

熱到成頭汗, 仲要食碗熱豆花....最後我哋call的士直搭番屋企!

我們的戰利品....食之前同佢哋日番張合照先

Photo by CANON 5D Mark III, Len | EF 35mm f/1.4L USM

呀劍評分: 7分

呀劍評語: 其實呢度仲有羊同馬睇, 不過唔俾餵! 地方雖然大, 但係仲未有好完善計劃, 我諗如果將來再開發多D, 有埋小朋友玩樂既地方會好D, 唯一得意既呢度係上咗個山度摘嘢, 唔係溫室之類的室內地方摘

富琴有機火龍果生態農莊簡介

農莊內各項配套設施齊全，可舉行幾百人的大型活動，並建有特色蔬菜園區、火龍果園、燒烤場、野趣園、木瓜园，釣魚場等特色服務與活動區域。內有自種有機果蔬基地，每年12月到次年6月，有士多啤梨，大茴香，車厘茄、粟米玉米等……各種有機蔬菜，大家可以一起遠離城市的喧囂，體驗農家生活的樂趣。6月到11月火龍果，西瓜、荔枝，龍眼，羅漢果，百香果等……成熟，大家可以親手採摘各種水果，歡迎您與親朋好友分享大自然的饋贈，共用健康生活的喜悅。還有戶外運動，爬山，釣魚，親自下廚製作剛採摘的新鮮有机蔬菜，讓您大飽口福。(其實我又唔覺得佢有咁多嘢囉, 其實都係視乎人數啦, 少人既話咩都冇得玩)

地址

上水古洞鐵杭村

交通

- 巴士 76K號線，往返上水(清河邨)總站 /元朗(朗屏邨)總站，於白石凹下車
- 紅色小巴 17號線，往返元朗(水車館街) / 上水(新發街)，於洲頭站下車
- 巴士及小巴下車後步行30分鐘至農場
- 的士由上水鐵路站上車，車費約$50

電話

65909268/26684822

網址
http://www.hkpitaya.com/web/pitaya/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。