親子戶外

【親子好去處】錦田 錦田鄉村俱樂部

27 Dec, 13

今日我哋又嚟咗呢度啦,差唔多一年我哋都會嚟一次既錦田鄉村俱樂部, 今次係我哋第3次嚟,又係妹妹第1次嚟, 因為每年既12月-3月係最佳摘士多啤梨既日子,所以我哋都要嚟一嚟!





唔知係上次見唔到定係新開既遊樂場,有動物電動車!

不過都幾貴成$40玩一個圈, 如果親子(即坐2個人的話就$50)

佢都好識計數,因為坐多個大人,架車就會開得慢D,所以會遲D先繞完一個圈,所以要加$10



既然俾咗錢就梗係慢慢開架車,開吓停吓,落車影吓相...哈哈!



 睇吓下面2張相,1年前我企過係度影相!




1年前我做過同一個動作(錯咗手tim!) 



呀芊第一次嚟,1歲多D,未識得摘士多啤梨,所以係側邊攪吓笑不停跳!







呀哥就熟哂環境,一落場就拎住交剪不停剪...好似唔駛錢咁



粒粒又大又甜!不過大家要快D食,或者洗完唔好濕住,要抹乾,如果唔係好易爛!





之後見到好大棵菜,媽咪話想買一棵番去食,話哂有機,好似好健康咁!

跟住呀仔想試吓自己摘,佢用好大力都抆唔到出嚟!

跟住教佢要扭扭扭,慢慢扭佢出嚟!



從來我都覺得唔抵玩既吹氣彈彈床,今次破例一次俾佢玩吓啦!



Photo by CANON 5D Mark III, Len | EF 35mm f/1.4L USM



呀劍評分: 8分


呀劍評語: 有動物, 有嘢玩, 有得跑, 有得食! 又易去, 實在係一個幾啱親子一家去既地方, 所以先會每年都去一次!

錦田鄉村俱樂部簡介
錦田鄉村俱樂部是一個集多項遊樂設施的超大型戶外場地。位於錦田水頭村的錦田鄉村俱樂部佔地100萬平方尺,設有一個全港最大、可容納2000多人的全天候天幕燒烤場。還有親親大自然的釣魚場、有機農莊、兔仔樂園,尤其適合親子樂;若要動感一點,錦田鄉村俱樂部亦War Game場,射箭場及康體活動場地等。附近的「有機士多啤梨自摘園」更是不能錯過。錦田鄉村俱樂部有玩不完的設施;超廣闊的大草地,除了可欣賞一望無際的怡人景色外,最適合放風箏及進行各項親子活動,亦可以攜帶寵物入場。 「有機士多啤梨自摘園」是免費入場的,只是摘來的士多啤梨會以重量收費,遊人要將摘下來的士多啤梨到收銀處付錢後,才可以即場品嚐。 

地址
新界錦田水頭村 684 地段109

開放時間

星期一至五 10:00-6:00pm
星期六日假期 10:00-10:00pm

費用

免費入場, 場內設施個別收費

交通
-西鐵錦上路站C出口轉乘的士
-601特別線 (假日) 綠頂小巴
-18號 紅頂小巴/64K 巴士, 錦田蒙養小學下車、然後在蒙養小學路口步行入內、沿途經過紅綠燈、便會見到斜路開始起有彩色旗仔、沿途跟著旗仔直入約15分鐘

電話

2442 0909  

www.YL.hk/ktcc



(以上資料更新至文章當日)




搜尋

文章分類

RELATED POST