親子戶外

【親子旅遊】澳門 Macau DAY2 大潭山滑草場

29 Jul, 14

今次同埋公公婆婆表哥一家一齊嚟玩3日2夜, 行程 Q立方 > 大潭山滑草場 > 澳門科學館



上一站>>CLICK HERE!

[親子旅遊] 澳門 Macau DAY1 威尼斯人酒店的歷險Q立方




到咗第2日,我哋今日既行程先去大三巴, 然後下晝去大潭山滑草!

因為一早未食早餐,所以我哋行去大三巴沿途去咗間餃小店食水餃飲豆漿,之後係大三巴影吓相,買吓手信, 真係唔係度影番張相唔似嚟過澳門


所有呀媽都去咗買嘢, 剩番d男人喺出面, 所以我同芊芊去周圍行吓影吓相, 連途人都覺得佢好得意要望吓佢!


去完大三巴買咗手信之後, 我哋就去玩滑草了, 

我哋行番出去同人逼巴士, 其實我就主張搭的士, 不過公公就話「好快好易之嘛」,

結果去同人逼, 因為呀仔又瞓著咗, 我抱住佢幾鬼重, 最唔好彩係同人逼既時侯, 呀仔跌咗隻鞋, hahaa....

結果我哋去到大潭山, 呀仔就唯有赤腳去玩, 因為落咗車之後都要再轉的士, 跟住仲要行一段路, 

所以我一路抱到去滑草場度, 真係唔容易, 佢哋就玩得開心, 我仲要即刻拎部相機出嚟係咁影!!!




起初我以為係真草, 原來係人造草, 不過都好好玩, 滑咗落去之後要自己帶住個盆行樓梯上番去, 

如果好肥既朋友(即係我)千祈唔好玩, 因為滑得快唔快就視乎坐係上面既人, 好危險架! 

同埋如果想煞掣, 千祈唔好搵隻腳去踩地下, 真係腳都斷, 要用腳踭磨地減速!



Hysan玩咗超級多次都唔厭! 超大膽自己一個又上又落....玩個不停


夜晚我哋落番官也街度食晚飯, 就番酒店了...

最慘呀, 走既時侯冇的士, 我抱住冇鞋著既Hysan慢慢行落山, 

因為接近入夜, 所以超級大風, 最後行咗差唔多20-30分鐘, 終於見到機場搵的士走, 真係攰到...

上一站>>CLICK HERE!
[親子旅遊] 澳門 Macau DAY3 澳門科學館



呀劍評分: 6分

呀劍評語: 其實幾好玩, 不過路程太遠, 走既時侯要識call的士, 同埋如果係真草或者個地方環境再Raw D會比較好! 如果再加D其他配套會更好, 例如有D小食亭或者有專線小巴接載人會好D, 不過免費任玩係幾好既

地址
氹仔天文台斜路

開放時間
星期二至五:14:30 - 17:30;
星期六、日及公眾假期:10:30 - 17:30,逢星期一休息
另外,瞭望台、觀景亭、兒童遊樂區、燒烤區、圓形廣場和綠蔭長廊都是定點活動的好地方。

交通
巴士26、36、AP1、MT1、MT2、N2號到機場
無巴士直達,可乘巴士往機場,過天橋經中國大酒店到天文台斜路,再往上走200公尺便到。


(以上資料更新至文章當日)




RELATED POST