【親子好去處】元朗逢吉鄉開心農場 Happy Farm

最近上網見到有個農場, 見到有農耕體驗, 所以嚟望吓，呢個農場個名叫「開心農場」個名簡單得嚟又幾可愛, 所以就膽粗粗電話預約完就去望吓!

因為近近哋所以就咁係樓下搭的士去, 都係$5-60,

落到車覺得呢度好靜, 好唔似平時一般去既農場, 見到有個木閘, 先影番張相

跟住就自己開門行入去, 經過幾個稻草人仔, 行到入去一個屋企的前園, 見到有個老婆婆坐在係度抖涼!

原來佢哋係自家經營, 農場亦係佢哋既屋企,

因為我之前已經電話聯絡咗農場主人, 佢咁啱去咗元朗買月餅所以要遲D先番到嚟,

因為佢係自家經營, 所以前去這個農場都要事先預約, 如果少人, 佢有D工作坊都唔會開班,

佢主要係租農場出去俾人體驗農耕, 我哋自己周圍行吓影吓相

彎彎的白色茄子! 好靚呀....ALL E C!

見到有個鋤頭又要拎起試吓, 食多D飯先啦細路

Shutter Speed | 1/200 s

Aperture | f/1.8

ISO/Film | 100

等到女主人一家番嚟啦, 感覺好隨意, 我哋嚟到都唔知可以做D咩,

佢又問番我有咩想做, 哈哈太攪笑, 我見到有2隻羊, 咪話不如餵吓羊先囉,

因為一個其他人都冇, 所以Hysan自己一個係羊欄度同羊玩, 黑色的羊叫芝麻榚, 白色的叫白糖,

女主人俾咗D草佢(成車), 餵到你唔想餵...

Shutter Speed | 1/200 s

Aperture | f/3.5

ISO/Film | 100

然後同Hysan去摘白色茄子同粟米, 因為我冇做好準備, 只係著短衫短褲嚟, Hysan俾好多蚊咬,

女主人俾咗佢女女D舊手袖舊長褲俾呀仔著, 感覺好窩心呀! 好似一家人咁!

跟住同埋佢呀女一齊出去摘, 呀女應該小三小四, 佢教Hysan點摘粟米, 然後又陪佢去磅茄子,

其實一切感覺都好隨意, 我都冇特別去睇幾多磅幾多錢, 女主人話幾多就幾多(事後佢發覺收多咗我$35, 佢都Whatsapp番我過番數俾我, 好誠實!)

最後我哋坐番係佢屋企前園休息, 姐姐拎出環保袋同顏料教Hysan設計環保袋,

Hysan就畫咗芝麻榚同白糖榚係度, 之後Hysan再落吓去玩吓沙同狗狗玩吓, 就差唔多要離開啦,

走既時侯去番落車點, 等咗10分鐘度就有綠VAN啦, 主人話逢20/40/00分每廿分鐘一班車!

Photo by CANON 5D Mark III, Len | EF 35mm f/1.4L USM

呀劍評分: 7分

呀劍評語: 由於係細農場, 自家經營, 特別溫暖窩心, 十分有人情味! 若下午來這裡感受一下大自然, 十分適合, 這裡沒有好豐富的節目, 但可以跟主人一家及其女兒玩, 覺得很舒服!

呀劍貼士: 他們也有售賣各類飲品, 不過其實如果你話肚餓, 相信主人都會為你預備些食物, 循例收番你少少錢(我估), 因為一個字, 太CASUAL了!

開心農場簡介
一個自家經營的農場, 主人一家就住在這裡, 用有機耕種方式, 可在這裡租賃農地自耕自足, 有農場主人幫你打理

地址
元朗新潭路逢吉鄉廣東水利

交通
鳳翔路(總站)或谷亭街乘搭綠色小巴603號往逢吉鄉廣東水利下車, 落車後要行5-10分鐘就會見到開心農場大Banner

電話
6895 0297

網址
http://www.happyfarmhk.com/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。