親子戶外

【親子好去處】元朗 錦田 四排石村 Hello Kitty 有機薈低碳農莊

18 Aug, 14

今日都真係好熱,但係我哋都選擇咗去Hello Kitty農莊,因為上星期見到人哋share咗係facebook所以再上網睇吓資料,跟住發現真係好易去,所以就入去望吓!




Shutter Speed | 1/2000 s
Aperture | f/5.6
ISO/Film | 100

簡單嚟講呢度係一個普通農場+一隻Hello Kitty POPS咁大把,

當然佢仲有好多指示牌同埋配件印有Hello Kitty,

所以如果睇到呢度既朋友,如果你一心希望搵d好多嘢玩好多疏果採摘好多動物好RAW既農場,而且又唔鍾意Hello Kitty,咁你可以唔駛再睇落去啦!

去睇吓我其他BLOG介紹啦!



當然我唔係踩話呢度好差,只不過唔係上述要求朋友值得去既地方,對於我呢d到此一遊影靚相既朋友,都尚算OK㗎!

我哋由朗屏西鐵站出發,搭咗2個站到錦上路就落車,連Hysan都唔相信問「咁快就到?」

跟住喺A出口穿過停車場,橫過條公路

(因為冇紅綠燈,所以大家過呢條馬路一定要小心,以為架車係好遠嚟緊有排都未到,其實唔駛一秒鐘就到車瓜你!) 

然後你會見到條行人隧道,穿過之後立即轉左行條小路,就會到!

其實有個Banner指示你轉左,不過好多人都睇唔到,尤其當你湊住1中2件!




入場既時侯個呀姨會扭你買套票,套票$110就包埋2個小工作坊,就咁一張飛就口$30,

於是第一次嚟就梗係要俾佢搵吓水架喇,我哋2大就買入場券, 1細就買套票,

幸好大人陪佢玩唔駛買工作坊既飛,我哋揀咗一個做紙燈籠,一個做毛毛戒指,

另外係呢個售票區有d免費盆栽券可以任拎,其實就係俾你可以簡單種植小盆栽拎番屋企,

總之係咪都拎咗先,咁唔駛一陣先番出嚟入口拎!





我哋一入到去首先搵個位做咗防蚊措施先,其實一入去就係條橋,連接住餐廳同精品店,

我哋個日去都多人,不過都唔係好多人坐係度食嘢,緊接住餐廳就係餵羊既地方,當然都要買$10草俾佢地餵吓...

我喺度諗不如我都收錢俾人幫我餵呀仔呀女食飯









之後我哋望吓時間其實夠鐘去玩工作坊,佢其實總共有4個唔同既工作坊分別在4個唔同既區域進行,每個鐘1節,

當時2:30要即係去整紙燈籠,個陣仲未夠鐘,我哋一邊等就順便排隊拎小丑哥哥扭的汽球,

起初我覺得工作坊都係呃人多,但係原來都幾認真,真係好似上緊堂咁!



















同時間我同妹妹去後面種植盆栽,即係我頭先講要係入口拎個張券仔,

其實姐姐只係將一個已完成的泥土連樹苗放進紙杯,紙杯就要芊芊去畫畫設計,跟住就完成架啦!

不過之後要拎住周圍走好唔方便,所以大家可以臨走前先嚟玩這個會好d,





住我哋就沿路行去今次主要景點,

因為我哋未夠1個鐘就完成咗,距離3:30毛毛戒指工作坊仲有20分鐘,所以係度影相,唔太多人排隊,都係2﹣3個,跟住影完冇人排又再影吓!

Hello Kitty隔離裝咗好多玩具生果,芊芊拎咗一個紅辣椒,唔肯放番落去,超攪笑!







之後我哋去番餐廳食D嘢,雖然唔係平,一個熱狗餐連嘢飲都成$55,不過又真係好食喎,

杯西瓜汁都OK喎,之後太熱我自己再ORDER杯凍咖啡,都OK喎!

唔係個d開杯熱咖啡跟住落重冰等佢溶哂變凍啡個隻喎!

抖完之後媽咪陪Hysan去整毛毛戒指,我同芊芊周圍行吓,佢就係度執石仔掉!

其實呢度一入嚟都有張紙俾小朋友每去到一個track point可以蓋印,呢度就擺明俾你蓋齊,都唔駛話有咩tasks要做或者要去搵,不過蓋完之後冇特別嘢,所以嘥氣!









最後再望吓d羊(因為我唔俾佢嘥錢買草),去埋個小遊樂場玩差唔多5:30就番屋企lu!






Photo by CANON 5D Mark III, Len | EF 35mm f/1.4L USM

呀劍評分: 6分

呀劍評語: 因為佢太容易去,好方便,嘢食貴但都好食,所以俾番少少分佢,如果好鍾意 Hello Kitty的朋友就直情俾10分啦!一句講哂,見人見至,各有所好!但半日都已經夠玩了


呀劍貼士: 呢度有嘢食有嘢飲唔駛買定飽嚟都得,但係如果係嚟休息抖下,呢度就唔掂,因為多人,唔會靜,節目好緊湊(如果你有報工作坊)!但係如果你冇報工作坊又唔知入嚟做乜,可能就係為咗同Kitty農夫影張相就算!同入咗Harbour City影POPS冇分別, 都冇咩貼士可言,商業都咁周圍google都搵到佢d介紹,仲多過我10倍!


Hello Kitty 有機薈低碳農莊簡介

Hello Kitty有機薈低碳農莊的前身「有機薈農莊」已經營運了一段時間,現在有了這位年過40但魅力依然的萬人迷Hello Kitty加盟,突然人氣急升,吸引大人小朋友及怕曬怕辛苦的女士們一起來go green。農莊分為五個區:農地、羊舍、燒烤場、商店及Café。每個角落都有Hello Kitty的蹤影。(OEM介紹)

地址

元朗錦田四排石村

交通

1. 錦上路站下車,A出口步行約3﹣5分鐘至農場。
2. 小巴及巴士(但係有港鐵都廢事講啦)

電話

5579 2178

網址

http://www.gogreenlife.com.hk/

(以上資料更新至文章當日)




RELATED POST