繼上次嚟鶴藪村呢度插秧之後, 今日終於到收割的日子啦, 呢一個收割活動係同上次個綠田園基金會插秧同一個package!
今日天氣好好, 本來已經入咗冬分, 但係早上既時侯真係萬里無雲熱到彈起,
我哋起初都係著哂風褸, 但係跟住都已經熱到著短袖衫!
我哋同上次一樣先由元朗搭276P去到上水, 不過今次我就直接係上水搭的士入去,
上次傻咗仲走去搭多一個站落粉嶺先轉的士, 其實錢都係差唔多!
今次都係同上次一樣, 成個活動分開上下2Part,
不過今次前半我哋整糯米糍, 叔叔教我哋先去磨糯米, 比起上次磨芝麻, 容易D, 唔駛一陣間就磨到溶哂! 不過要磨到傑韃韃都有D難
磨完之後我哋叔叔就幫我哋拎落去蒸,蒸既時侯我哋要磨埋花生同加糖加椰絲撈埋佢,
蒸完出嚟Hysan即刻想食落口,自己親手整既嘢唔駛叫都特別開胃!
攪掂哂之後下半場就梗係去收割稻米啦, 好攪笑地我哋去番上次插秧個塊田,
我哋特登揀番同一個位置, 收割番我哋插秧個一堆禾,
起初我都諗好唔好俾佢自己拎住把鐮刀自己割, 因為都幾利, 如果唔小心就出事,
不過頭一兩下我睇住佢, 都割得幾好, 應該唔會整到自己, 於是我就放心俾佢自己慢慢割, 玩得好開心,
不過其他朋友如果第日你有機會去, 你都係要小心睇住自己小朋友收割, 話哂都有一定危險性!
我地應該係割得最快同最多,之後就要排隊等打禾,
呢部機叫做禾打機,只要將成捆禾放入機度,另一邊隻腳就不停踩去推動個大滾筒,好快就將所有殼粒打咗出嚟,
之後就可以將剩番既禾乾草捆埋佢變做稻草人!
今次冇上次咁論盡,只係需要洗洗腳就得, D泥都半濕半乾, 踩落去個陣都會成隻腳掌陷入泥裡面!
最後離開既時侯如果驚捷唔到的士, 就沿住廁所個方向繼續行落去, 穿過人哋2個屋企就會見到有個小巴站, 個度冇一個小巴站牌, 不過好多張櫈放咗係度, 一見到就知道!
呀劍評分: 8分
呀劍評語: 可以咁RAW我就俾高分, 叔叔今次專業D, 起碼佢教人整糯米糍個陣都會顧住大家, 識得叫D小朋友企後D唔好遮住其他人, 俾大家都見到
呀劍貼士:
1/ 最緊要帶齊毛巾防曬, 帶多1-2套衫褲替換!
2/ 廁所都係農場STYLE污糟D, 唔方便帶BB去
3/ 今次係收割, 都唔駛著水鞋, 到時除鞋就OK
呀劍貼士:
1/ 最緊要帶齊毛巾防曬, 帶多1-2套衫褲替換!
2/ 廁所都係農場STYLE污糟D, 唔方便帶BB去
3/ 今次係收割, 都唔駛著水鞋, 到時除鞋就OK
綠田園基金簡介
綠田園基金園內所提供的活動大致有三個系列：有機耕種系列、綠色飲食系列和生態漫遊系列。
地址
粉嶺鶴藪村 18 號綠田園基金
交通
專線小巴15-20分鐘
電話
2669 0737
電話
2669 0737
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。