繼早上同Hysan去完收割之後 鶴藪村 綠田園基金會有機農場の收割
跟住再同老婆&芊芊會合去大埔的生活書院, 呢度只係之前在網上見過, 係一間舊學校, 咁啱今日有活動舉行, 我最深刻係佢有個彩虹大樓梯 (其實今次為影相多過個活動 :P)
我哋搭東鐵去到太和站跟住轉的士去, 其實行過去都得, 我估大約15-20分鐘度, 因為我哋推住BB車, 而且有條山路要上斜, 所以都係唔好煩!
首先入到學校門口, 有差唔多10檔既自家手工仔係度擺檔, 係一個叫「東涌好物」的團體去召集佢哋!
我幫親咗一檔即沖奶茶同埋佢既曲奇, 奶茶一般, 曲奇硬都牙都崩,
其實都係為咗支持吓佢哋, 我知道呢D小本經營, 嚟呢度都係想多D exposure, 其實可能佢哋出嚟擺檔個成本仲貴過佢賺到的!
然後行到出去有個籃球場, 有D lockers咁冇咩特別, 都係厠所位! 沿路望落去下邊先至係今次活動既主題, 巿集!
樓梯一落去就係傳說中既彩虹梯啦, 2個小朋友係度行嚟行去, 又上又落, 跳嚟跳去! 好開心, 之後再落去老婆就去行吓街, 睇睇每個巿集有咩手作嘢買咁
之後有隊樂隊嚟表演,佢哋2個就係度聽歌,就係咁歡渡埋呢個下午!
我哋走咗後沿住山路向下斜路走,跟住老婆又話個「慢駛」隻字好靚要我影相,一想影後面就有車上嚟!呀妹即刻大聲話「有車呀」一路嗌一路跑番上行人路,
最後都影唔到, 呢張已經係最靚....
Photo by CANON 5D Mark III, Len | EF 35mm f/1.4L USM
呀劍評分: 5分
呀劍評語: 只係一個手作巿集, 冇嘢做住係附近先好去! 除非你好似我只係想影吓條彩虹樓梯!
生活書院簡介
以生命教育、文化藝術及永續環境為方向， 從藝術創作引導、啟發及推動你的永續綠色生活
地址
新界大埔錦山178號生活書院（前佛教大光中學）
交通
可於港鐵太和站轉乘的士上山，方向指示錦儒路舊大光中學（生活書院位置），車費約＄20。 參加者亦能步行上山， 由太和站約步行20分鐘左右
電話
2638 0053
電話
2638 0053
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。