正所謂遠在天邊近在眼前, 住喺元朗想睇紅葉, 就梗係去大棠啦! 住喺度咁多年都一直冇去, 因為怕多人, 但始始於要去一次! 所以今日去飲個靚茶之後我哋就出發, 我哋搭的士去到閘口, 然後開始落車行, 因為車唔俾入, 由閘口行到去真係紅葉既地方都差唔多用1個鐘頭, 呀妹落咗車都仲瞓緊!
\
我哋去到第一個指示牌, 原來成日話去元朗睇紅葉,
其實呢個地方有個咁靚既名, 「楓葉林」即刻叫Hysan同個牌影番幅相
沿路行點解一路都未見到紅葉, 開始有D心急...
香港人就係咁,我都要學習慢慢享受欣賞先得,
跟住老婆見到D得意既花就教Hysan,呢D花叫做雞蛋花,因為佢好似荷包蛋!
Hysan係度扮熊貓食竹葉!
終於到咗紅葉的地方啦!呀妹都瞓醒啦
呢個時侯原來都仲係好早,所以都係黃多過紅!
行咗咁耐要坐低休息吓食個包補充體力
最後回程個陣落咗去郊野公園燒烤場度影吓相睇吓人哋玩搖控車,跟住就行番落去閘口,
去到閘口因為唔多的士,所以要再行多15分鐘度落去搭巴士,咁啱呢排有冰雪節,所以有專車送番去西鐵站!
Photo by CANON 5D Mark III, Len | EF 35mm f/1.4L USM
呀劍評分: 7分
呀劍評語: 其實如果唔係紅葉, 都真係同一個普通郊野公園冇分別, 不過去接觸大自然本身就已經好好, 可以加分!
大棠紅葉簡介
元朗大棠/大欖郊野公園到吉慶橋是傳統的晨運行山熱點，全程石屎路-容易行、空氣好。近年冬天(約11-12月~)更多了些觀賞紅葉的愛好者遠道而來，假期相當熱鬧，欣賞自然美景、行行山運運動、呼吸清新空氣、十分健康！
地址
大棠山道
交通
1.西鐵朗屏站(B2出口) 再轉乘 K66接駁巴士(巴士站-見地圖..詳情 ) 到大棠山道 路口(大棠山路站)落車
2.小巴: 元朗-千色廣場 停車場入口斜對面(紅棉圍) 乘大棠紅頂小巴 到大棠山道 路口落車
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。