親子遊樂, 親子戶外

【親子好去處】馬鞍山 馬鞍山公園

26 Apr, 15

今日本來預測個天氣麻麻地, 點知咁好天! 加埋最近呀仔學識踩單車, 想帶佢多D去踩。所以就打算去唔同地方租吓單車踩, 有朋友介紹去馬鞍山公園踩, 所以就試吓去!


我哋星期日如常咁番教會主日, 不過因為今日去玩所以我哋早D番主日, 11點就完

我哋由元朗出發搭269D去沙田巿中心, 因為今日去馬鞍山, 所以我哋要喺城門隧道口轉乘40X

記住要喺入城門隊道之前喎, 我起初以為係過埋隧道先落車, 好在我見到個指示牌跟住講下一站係沙田巿中心, 所以即刻趕得切落車! 

跟住等咗差唔多10分鐘先至再上40X, 之後搭咗差唔多20分鐘就到馬鞍山, 我哋係海栢花園落車

對面就已經係馬鞍山廣場同馬鞍山鐵路站, 我哋食埋Lunch都差唔多2點就到公園玩!


一入到門口, 就已經好曬同好多人, 比我想像中的有出入

原來呢區都好旺好逼, 差唔多成個公園都係人, 門口側邊就係圖書館, 又撞啱有好多攤位遊戲! 

想踩單都真係冇咩位, 我哋首先去搵個草地settle down先

聽朋友講話有大草地, 我心目中以為係好似彭福及佐敦谷公園咁大

點知原來只係一D小山丘仔,仲有好多都俾工人姐姐坐哂


哥哥即刻話要打羽毛球, 因為佢都打得幾叻, 即刻要表演一下!



我哋打開最近喺AEON九折買的超平大帳幕, 小朋友已經好開心咁走入去, 當係自己小天地咁, 

不過因為真係太熱, 同埋佢哋已經想走出嚟玩, 我同Hysan就出去公園附近單車舖搵架單車租, 

1粒鐘$40; 2粒鐘就$60; $80就踩全日, 我租咗2個金鐘, 本來我都想租一架俾自己, 但係太貴所以唔租lu! 

因為公園路太窄又多人, 我同Hysan就踩咗出去海旁單車徑, 呢度勝在有個海旁, 如果唔係咁曬都真係幾舒服, 沿住海旁行可以行過去碼頭同埋海灘tim! 








踩咗廿分鐘度就同埋妹妹一齊睇海, 妹妹就踩住scooter, 






邊踩單車邊欣賞海景, 但係好熱囉!! 曬死人




我哋跟住去咗士多亭度買咗冰菠蘿食, 佢哋一邊食一邊入咗去迷宮玩!






哥哥終於成功突破了迷宮, 行到去中央了!


最後我哋搬咗個位去樹蔭下, 再踢吓波, 玩吓直升機, 休息吓傾吓計, 差唔多5點我哋就走啦! 小朋友一坐車就攰到瞓咗lu....




兩個一起感受大自然的舒適!




樂B跟哥哥玩得好開心! 一齊鬥飛得高!







妹妹見到隻已死去的甲蟲覺得好新奇!



Photo by Camera | CANON 5D Mark III, Len | EF 35mm f/1.4L USM

呀劍評分: 5分


呀劍評語: 一個連接海旁也不算大的公園, 而且空間感不及大埔海濱公園! 唯一優勝地方它接近碼頭, 是觀賞日落的好地方, 另外也接近大型商場及圖書館/泳池, 如果住喺附近來這裡也是不錯的! 不過租單車真的頗貴, 雖然相比沙田公園已經平! 

馬鞍山公園簡介
馬鞍山公園是香港新界沙田馬鞍山的一個公園,位於鞍駿街12號,佔地約5.5公頃,耗資約9600多萬港元建成,於1998年8月3日開幕,由康樂及文化事務署管理。公園位於馬鞍山市中心,登臨吐露港海濱,遠眺八仙嶺群峰。公園內的設施包括介紹馬鞍山採礦歷史的展覽場、迷宮式設計的花園、設計新穎的兒童遊樂場、鍛鍊身體的健身緩跑徑,還有卵石徑及適合長者使用的健身器材等。(這些設施其實都不值一提....) 

地址
新界沙田馬鞍山鞍駿街12號

開放時間

早上六時半至晚上十一時

費用

免費入場

交通
-馬鞍山綫馬鞍山站

-九龍新界巴士

40X 烏溪沙鐵路站 ↔ 葵涌邨
85M 錦英苑 ↺ 黃大仙
85X 馬鞍山市中心 ↔ 紅磡碼頭
86C 利安 ↔ 長沙灣
86K 錦英苑 ↔ 沙田鐵路站
86S 錦英苑 ↔ 沙田鐵路站 只限平日繁忙時間服務
87D 錦英苑 ↔ 紅磡鐵路站
87K 大學鐵路站 ↺ 錦英苑
89D 烏溪沙鐵路站 ↔ 藍田鐵路站 部份時段不經黃泥頭及廣源邨
99 恆安 ↔ 西貢
286M 馬鞍山市中心 ↺ 鑽石山鐵路站
885 沙田馬場 → 利安 只限沙田馬場賽馬日服務

-過海隧道巴士

680 利安 ↔ 金鐘(東)
680X 烏溪沙鐵路站 ↔ 中環(港澳碼頭) 只限平日繁忙時間服務
681 馬鞍山市中心 ↔ 中環(香港站)

-專線小巴新界專線小巴

26 馬鞍山(海柏花園) ↔ 香港教育學院
803 顯徑邨 ↔ 利安邨 於港鐵馬鞍山站有$0.5港鐵轉乘優惠
807A 大學站 ↔ 馬鞍山市中心(海栢花園)
807B 大學站 ↺ 黃竹灣 於港鐵烏溪沙站/馬鞍山站有$1.0港鐵轉乘優惠
807K 大學站 ↔ 井頭 於港鐵烏溪沙站/馬鞍山站有$1.0港鐵轉乘優惠
808 錦英苑 ↔ 威爾斯親王醫院
810 雅典居 ↔ 沙田市中心 於港鐵沙田站/大水坑站有$1.0港鐵轉乘優惠


(以上資料更新至文章當日)





RELATED POST