【親子好去處】天水圍龍園

今日我哋時間唔多, 選擇咗去天水圍一個叫「龍園」的地方，今朝我哋係樂湖站出發, 因為帶呀仔去飛髮! 同媽咪芊芊會合之後我哋穿過賞湖個公園, 打算再穿過埋天水圍公園去到銀座，點知剩係在這兩個公園都磨咗成大半個鐘! 都仲未去到我哋今日打算去的龍園!

佢哋兩個沿路見到好多跌咗落地既樹葉同埋花, 就不斷咁執, 執咗成袋...小朋友真係容易滿足

有陣時真係唔駛諗去邊, 其實只要爸爸媽媽喺佢哋身邊, 佢哋好容易就覺得好開心!

兩兄妹將執番嚟既樹葉放落去個保鮮袋度! (呀媽咪又會隨身帶住個保鮮袋既?)

好唔容易我哋嚟到天水圍公園, 但係佢哋一見到個遊樂場, 又要過去跑吓放吓電!

擾攘咗成個鐘, 我哋終於行到嚟龍園! 比我想像中大

我起初以為只係一個地方細小富有中國傳統特色的建築!

今日嚟幾乎冇人, 只有2母子係度散步影相! 呢一度本來起嚟為咗附近既居民, 俾佢哋有個休憩既地方(實情係為咗當年呢邊既樓盤做勢)

地方算寬敞, 小朋友可以周圍咁走嚟走去!

例牌有一個大魚池睇吓錦鯉/ 龜/ 青蛙(聽到叫睇唔到)

途中經過自動灑水器, 兩個又要企得近又要驚佢噴, 這就是童年! 哈哈

見到有隻蛙蛙石像, 呀芊想爬上去, 但係俾呀哥搶先, 攪到呀妹喊, 哥哥就錫番佢....

呀妹換片中, 哥哥玩吓「獨木橋」!

最後去番門口影呢條咁靚既龍柱!! 哥哥爬上去我都驚佢會整爛...

門前的大石碑

由銀座行過嚟龍園可以行過這條行人隧道! 佢哋可以行入地底覺得好新奇!

Photo by CANON 5D Mark III, Len | EF 35mm f/1.4L USM

呀劍評分: 6.5分

呀劍評語: 如果個別對這個地方評分好像有點不公平, 因為地方不算大, 規模比不上九龍寨城公園、荔枝角公園，又或南蓮園池等, 但是這裡人小, 環境還真的很舒服! 若行程配合其他景點也是一個不錯的選擇

龍園簡介

龍園位於嘉湖山莊嘅美湖／麗湖／景湖嘅中間, 的設計佈局以江南園林為藍本，是天水圍區內的一個特色景點，也是個適合到來休閒放鬆的地方，公園環境優美，深受居民歡迎。
於2007年4月啟用，位於天水圍新市鎮東面，由天龍路旁的三塊地段組成，共佔地1.98公頃。園內設計佈局以江南園林為藍本，有亭台樓榭、假山疊石、小橋流水等，外圍是高聳的住宅大廈。中式遊廊貫通園林各處，遊廊的兩端是涼亭；園林的中央是人工池塘，養有錦鯉、種有荷蓮，每逢夏季均見荷蓮盛開。另設有多座石雕、磚雕及康樂設施。

地址

元朗天水圍天龍路

開放時間
上午7時至晚上11時

費用
免費入場

交通

-輕鐵銀座站

電話

2478 4342

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。