【親子好去處】觀塘海濱花園海濱長廊 Kwun Tong Promenade

觀塘海濱長廊大家都一定行過，原來佢依家一路係度擴建緊第二期工程，將原有的200米長廊申延多750米，嘩！唔怪之得我哋今日行極都未到啦

觀塘海濱花園 20.4.2012

上一站>>CLICK HERE!
【親子好去處】觀塘反轉天橋底一號場賽馬會社區藝術雙年展

話說我哋去完啓德郵輪碼頭同零炭天地之後，就沿住海皮行過去觀塘繞道，

跟住見到海旁，以為呢個就係海濱長廊的範圍，所以就行咗入去

呢道既草地好靚! Hysan即刻喺度碌地下同跳跳跳!

望出去大海, 感覺得自己好渺少!!

好似海旁係用玻璃做圍橺, 可以好直接咁望落個海度!

木板地下俾人感覺好舒服, 行起上嚟都比硬石屎地好!

沿住海濱花園行有好多好靚既建築!

沿路有些少設施，係俾老人家，俾年青人！我記得以前有個係俾小朋友玩的遊樂設施，

心裡諗唔通拆咗？

雖然呢個係俾老人家做運動的設施, 但係Hysan見咩都可以爬一餐

嚟到大草地, 梗係要影番輯邊跑邊影的相!

小朋友好可以好盡情咁跑, 因為佢哋可以跌落去好厚厚既草坪上面, 好舒服!

裡面冇咩人，只有小貓三兩隻，D草地好靚，Hysan都忍唔住係草地上面碌嚟碌去！

玩到好口渴, 附近又冇7仔或汽水機! 唯有飲住水機先

因為空間夠大, 做出既動作都特別誇張!

呢幾個塔可以行上去, 望到好靚既海景!

跟住沿路行吓睇吓嘢，行行去見到有水馬圍住，之後先發現原來自己入咗嚟海濱長廊的第二期地方，

跟住即刻出番去，經過反轉天橋底一號場，就見到原先的第一期海濱花園，

跟住發現呢度好多人，見到我所講的小朋友遊樂設施！

最後佢哋去到近海旁則的木塔，地下噴出好多霧氣！佢哋開心到不得了，走埋去俾嗰D霧氣噴

傻傻的Hysan唔知道嗰D其實係水氣，成個PAT PAT坐埋去，攪到個皮鼓濕哂！

嚟到近入口呢個位置仲勁!

明明知道有水氣噴出嚟, 但係玩到好似唔知咁,

當一有氣噴出既時侯即刻走格唔抖!

呀劍評分: 7分

呀劍評語: 其實這個雙年展總共有3個站，第1站在沙田公園，我最後都錯過咗，這是第2站，還有第3站將會在太古Artistree舉行，講真展覽內容唔算大，如果真係專誠到現場睇就有D嘥氣，如果過埋去隔離個海濱公園散步玩吓都OK

觀塘海濱花園 簡介

觀塘海濱花園(第一期)約200米長的海濱休憩空間，已於2010年開放給公眾使用。第二期計劃位於前觀塘公眾貨物裝卸區，會把現時的海濱長廊擴展多750米。將提供步道、涼亭、長椅及避雨亭、設有健身設施的露天場地、長者健身角、園景區、帶出該處歷史記憶的特色廢紙束及起重機塔樓、感官花園、小食亭、配以特殊燈光和音響效果的噴霧水景裝置以及其他附屬設施。工程已於2013年2月正式動工，在2014年12月大致完成，並計劃於2015年第二季投入服務，將為觀塘區提供額外3.4公頃的優質公眾休憩用地。

地址

九龍觀塘海濱道178號

開放時間
全日24小時

費用全免

交通

從港鐵觀塘站或牛頭角站步行約15分鐘
巴士：第11D、15A、15P、23、28A、74X、80、80P、80X、83X、93A、268C或269C號線
專線小巴：第103號線
渡輪：往來西灣河與觀塘之間的航線往來北角與觀塘之間的航線

電話

2341 4755

網頁
http://www.lcsd.gov.hk/tc/parks/ktp

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。