【親子好去處】石硤尾南山邨 Nam Shan Estate

今日真係可以話熱到癲咗！我估打隻蛋落條街度都可以煎熟佢！我哋今日要去哥哥學校度處理一些事情，所以順便去咗探一探南山村

因為Hysan要去上英文課，所以今日帶咗妹妹一齊出街

今朝一早在樓下有架大金冷氣機Promotion的貨車泊在路邊，

有職員哥哥正行出來派汽球，

唔執輸的芊芊當然要一個，老遠見到就已經嗌「我要Orange!」

Photo by iPhone 5s

媽咪正在處理學校事情的時侯，我就同芊芊出去操場度玩汽球

仲有細個成日見人玩, 但係自己唔明有咩好玩既跳飛機

攪掂之後見仲有少少時間，我哋就行咗過去學校附近既南山村！

好幾年前曾經嚟過同朋友私影，

今日再嚟呢度已經風光不再，因為有好多嘢都俾政府拆走哂

Photo by iPhone 5s

我哋行咗10分鐘度就入到村內，在村口的幾檔大排檔都冇咩人

入到去裡面好多舖頭都拉咗閘，以前見到的好多遊戲機，夾公仔機都放埋咗一邊！

雖然仲有間馳名的「品香樓」但係未到夜晚都仲係好少人

我哋行咗上去平台，最多朋友上嚟影相既地方

唯一令我意外的都唔少人，KEEP住有2-3個人係度影相，

我同芊芊梗係都影番幾張，不過最可惜既係以前放係度既2張乒乓波枱都冇埋

之後我見多人，我哋就落去食個下午茶先，去咗「品香樓」隔離間南豐餐室，

食咗件占醬多同豬扒蛋通粉，呀芊食咗大半碗通粉

最好飲係杯凍話梅七！真係無得頂

顧女心切, 所以裝咗俾佢先記得影番張相! ^.^

之後我哋諗住去搵鐵皮SIR滑梯，

原來已經又被拆了，唉！點解會咁架

Photo by iPhone 5s

南豐餐廳對面有個報紙檔, 用嚟做影相景都幾Colorful架!

媽咪買咗支bubble，超多個㝫！好勁

芊芊自己俾錢買bubble!

行過望落樓下仲有街巿!

最後好無奈咁上番去頭先個平台度，因為頭先怕阻住人私影所以好快走咗

以為d bubble好流，原來都唔係，好多波波！

不過流係流在支棍，芊芊一拎上手就斷咗個handle！

Photo by CANON 5D Mark III, Len | EF 35mm f/1.4L USM

其實冇咩點跑，但係都成身汗，最後整理好就離開咗今日的南山村，

昔日的南山村唔會再番嚟喇！>.<

呀劍評分: 4分

呀劍評語: 咁低分唔係南山村既錯，而係拆走南山村特色政府既錯！本來好多人會為咗鐵皮滑梯慕名而來，依家冇咗不特止，連平台既乒乓波枱都冇埋！

石硤尾南山村簡介
南山村是新長型設計的公共屋村，興建於1975年。南山村夾於石硤尾大坑東、西兩村之間，是擁有30多年歷史的舊式公共屋村。由南山村遙望，可見到城市大學。再望遠一點，便是獅子山。南山村最熱門的拍攝位是位於街市上蓋的舊式兒童遊樂場，另外都有好多相當出名的小食檔同大排檔

地址
南山村夾於石硤尾大坑東、西兩村之間

交通
石硤尾港鐵站B2出步行約5分鐘即可到達

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。