【親子好去處】西九文化區西九海濱長廊 West Kowloon Waterfront Promenade

今日天氣唔好, 我哋去咗奧海城同圓方行街, 但係結果多咗個景點, 就係西九海濱長廊啦! 話說呢日夜晚約咗公公婆婆一家在圓方食晚飯, 所以就沿住東涌線向九龍站出發

原本我哋都打定輸數會落雨, 所以先在奧海城落車, 食個下午茶同睇吓有咩行

之後我哋見到冇再落雨, 仲有少少太陽咁, 於是我哋就博吓, 去西九海濱長廊

離開咗奧運站, 搭多一個站到九龍

一出九龍站向左行去機鐵個邊, 你就會見到有間Baleno, 沿路跟住指示就行出機鐵站!

一出機鐵站見到架新的士, Hysan即刻想同佢影番張相!

過咗一條短短馬路後再向住天橋方向行(切記忍耐個盞勁耐都轉綠公仔的紅綠燈>.<), 行行吓我同呀仔介紹全港最高的建築物ICC! 佢見到最頂頂個幾層插咗入雲度覺得好新奇!

之後過馬路到西隧前巴士站就會見到天橋, 上到去就會見到西隧口, 好多車喺我哋腳下行過!

行到過對面之後, 就已經見到西九海濱長廊入口喇! 佢哋兩個見到大海同咁多船都興奮起來!

落咗橋之後在入口隔離, 有個租單車的地方SmartBike, 大人細路Size都有, 小童車$20/hr, 大人要買$50智能咭(有$40餘值), 好似八達通咁用, 因為今日落雨地濕, 所以我哋就冇踩啦!

沿路再行會見到個碼頭, 再轉彎就行入去海濱長廊, 佢哋見到水氹就好興奮, 即刻要過去踩

今日我早有預備, 帶哂水鞋同多套衫就係諗住俾佢哋嚟呢度玩個夠! Daddy開到聲, 佢哋攞正牌當然踩番夠本, 成身濕哂!

再轉個彎就見到好大既海景同草地, Hysan盡情又跑又跳! 平時喺屋企做唔到既動作通通做齊

Hysan準備要用佢最大力去踩呢個大水氹!

頭先一路都影唔哂既ICC, 呢個位終於可以連人帶埋揀嘢入哂鏡!

Hysan身後係一個好大既圓形單車場

估唔到呢度都有得打千秋! 哥哥仲未識自己越打越高!

當然唔少得呢個千秋迷芊芊都要玩埋一份啦!

行到嚟最出呢個位置喇, 可以坐喺海濱休息吓

當然要同景點影番張相!

呢度有多部汽水機俾人買飲品, 呢包375都係$6.5 (7-11賣緊$7.9 >.<)

兩兄妹係度拈花惹草!

最後我哋夠鐘要番去會合公公婆婆佢哋, 見到個地盤圍版又幾靚, 又影番幾張相先, 最後毋須沿路回頭走, 只要繼續往前走, 向西九大戲棚方向行, 便可回到圓方及ICC!

Photo by CANON 5D Mark III, Len | EF 35mm f/1.4L USM

呀劍評分: 8分

呀劍評語: 如一個好悠閒好適合一家大細散步郊遊的好地方,又可以租單車踩, 又方便去,去完可以過去圓方食晚飯,真係好舒服!

西九海濱長廊簡介

是一處位於香港西九龍填海區南面的海濱長廊，長1.8公里，從該處可以望向港島西及維多利亞港。西九龍海濱長廊分為東、西兩個入口，東面入口在西區海底隧道九龍收費站之行政大樓東面，柯士甸道西的西端，港鐵九龍站的西南方，西面入口在西區海底隧道收費廣場之巴士站（往九龍方向）側。

地址

香港九龍尖沙咀柯士甸道西與雅翔道交界

開放時間
上午6時至晚上11時

費用
免費入場

交通

西鐵綫柯士甸站D2出口（步行約15分鐘）

東涌綫/機場快綫九龍站

電話

2302 1279

網頁
www.westkowloon.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。