今日去咗石硤尾街巿上面個平台玩，真係可以話係沙漠中嘅綠洲呀！因為自從搬咗嚟石硤尾之後，我哋都好少踩單! 但係俾我發現咗呢個又大又少人嘅地方，終於可以俾佢哋兩個踩番夠本
其實喺附近都搵到少少地方係可以踩到單車嘅
不過始終都比較危險
因為地方唔大而且又好多人
對於踩兩個碌嘅哥哥嚟講
真係比較危險，唔係驚佢撞親自己，最驚佢撞親人
我哋沿住窩仔街同巴域街交界嘅天橋
直接行咗上去石硤尾街巿個熟食平台
上邊無錯係有幾個大排檔，不過仲有個好大嘅公園
我哋上咗天穚之後就係平台最尾尾呢個住踩番入去
呢度只係一個公厠同埋好多居民喺度掠衫嘅地方
不過呢度都間唔中會有一兩個人行
所以都唔鼓勵大家喺度呢踩
再行入去就係大排檔嘅位置
因為呢度係露天同埋向住西面嘅關係
大家最好4-6點呢段時間嚟，如果唔係就會超曬！
Hysan話要番轉頭帶媽咪過嚟...
過到嚟呢邊見到一個大公園
有好多唔同嘅遊玩設施
雖然唔多人但係始終係邨入面嘅平台位置
都會有人出出入入，一定要睇住小朋友同埋叫佢唔可以踩太快
想踩快d一陣話你知有個好地方
一見到爬架佢就即刻落車走去扮馬騮啦又
另外一邊有個瀡滑梯
呢度始終都係屋邨
所以設施都難免俾d夜青用筆或者塗改液畫花哂
最難得係仲有買少見少嘅氹氹轉
如果想盡情d踩單車的話
呢度有個大空地話細都唔算細
足夠俾小朋友喺度踩嚟踩去！
因為正常情況底下巿民都唔會行過呢度
芊芊就好斯文咁慢慢踩
口裡就叫住「快d快d！加油加油！」超攪笑
踩踩吓見到幾隻鴿
對照住側邊嘅馬路影咗呢張相
真係好似石屎森林裡面嘅一片綠洲
以下圖片因為佢一邊玩我一邊伸手去攪佢
所以佢發我脾氣.....
鼓起泡腮！
睇住呢兩隻嘢真係遲早有一次就跌一鑊金嘅
成日做埋哂d危險動作
都係過番嚟呢度玩d斯文d嘅遊戲啦
媽咪同佢哋玩猜情尋上一級嘅遊戲
Photo by CANON 5D Mark III, Len | EF 24-70mm f/2.8L IS II USM
呀劍評分: 8分
呀劍評語: 我俾8分係因為佢夠珍貴, 係巿區裡面都真係比較難搵到咁大個空地既兒童遊樂場, 等小朋友都可以落樓下就可以盡情咁踩單車喇!
地址
石硤尾石硤尾邨商場平台
開放時間
24小時
24小時
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。