最近因為搬咗嚟石硤尾附近，所以都周圍行吓希望搵番D地方可以俾小朋友閒時落街玩吓，今日發現到呢個兒童遊樂場都覺得幾特別可以同大家分享吓
呢個遊樂場冇名架喎!! 位於石硤尾邨 美賢樓 及 美笙樓之間
雖然都係一般的瀡滑梯但係個設計都同平時屋邨見開的唔同
反而用咗沉沉既藍綠色為主
上面仲有多個望遠鏡玩具俾小朋友玩!
設施感覺上都蠻新淨!
喺側邊有個好似風帆既設施好得意
芊芊好鍾意坐喺度用手轉轉轉個小鏍漩槳
其實成架風帆都可以轉, 不過好難轉!!
要噴番少少WD40先得 ^.^
再過隔離見到呢個繩網陣都好特別
有得爬嚟爬去Hysan梗係好開心啦!
因為平時喺屋企爬床俾我鬧到飛起!
呢度唔算多人! 所以玩得好自在好暢快
芊芊就爬唔到啦, 因為太高囉! 唯有坐喺度望住哥哥玩啦
呢條梯好得意上上吓會扭曲咗
所以都唔容易爬!
芊芊自己發揮創意搵嘢嚟玩
呢張綠色搖搖櫈瞓喺度搖嚟搖都幾好玩
不過好跣囉...
一坐上吓就跣咗落嚟 (見下圖)
哥哥跳戰繩網要爬過去完成佢! 加油
最後芊芊都係番過隔離瀡滑梯冇你咁好氣!
呢度都仲有其他少少悠閒設施
仲有呢個話大唔大話細唔細既圓型廣場仔
喺周圍地方唔多既時侯呢個廣場仔用嚟踩吓單車都唔錯!
Photo by CANON 5D Mark III, Len | EF 24-70mm f/2.8L IS II USM
(節錄於兩次行程)
呀劍評分: 6分
呀劍評語: 以普通屋邨遊樂場嚟講都唔算差架啦! 始終巿區好難可以好似新界地方咁! 如果可以多番D飲水機之類配套設施及洗手間會比較好!
石硤尾邨 兒童遊樂場 簡介
暫時未有
地址
九龍石硤尾窩仔街石硤尾邨美賢樓美笙樓之間
開放時間
24小時
24小時
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。