今日Boxing Day, 一家人又唔想匿埋喺屋企, 但又唔想去太遠! 見好耐冇踩過單車, 所以就揀咗去九龍灣公園個單車場玩!
因為我哋有私家單車, 所以我哋拎埋單車就咁樓下搭的士$63落車
單車公園門口已經見到租單車既地方!
呢度既單車都幾新! 我就冇走去問價錢點租法, 因為我哋帶咗自己單車嚟!
單車場既設計係一個"8"字加一條長幾十米既直路!
喺門口都有一個小小圓形單車徑俾初學朋友
當我想拎出相機預備同佢哋邊踩邊影既時侯
同類事件再一次發生喺我身上, 就係冇哂電...
所以今日全程iPhone攪掂!
我哋先喺圓形單車徑度熱吓身先! 呢度既單車都會比較慢, 踩得安全D!
踩到一半會發現圓形中心有個小斜坡, 俾小朋友可以衝落斜刺激一下!
熱身完我哋正式踩上去個"8"字
哥哥對上斜都仲係有少少困難, 有個D要教佢"S"字上斜!
妹妹反而一開始就上"8"字單車橋...但係仲係好懶要人推, 自己唔肯踩!
呀哥一支箭咁我已經追唔到佢喇!
呢條路其他D小朋友都踩得幾變態, 各位真係要睇住自己小朋友
呢度有個暫緩區, 哥哥每次踩完一個圈就會嚟呢度抖一抖!
繼續上斜!!!!!
芊芊轉咗踩Scooter! 一樣係咁懶
哥哥轉咗踩Scooter就自如得多喇!
我哋踩完單車之後就過條馬路去隔離個兒童遊樂場玩!
個場都OK大! 同天水圍天瑞對面差唔多大!
呢條瀡滑梯算係我遇見過最斜, 超過45度!!!
芊芊對旋轉瀡滑梯真係情有獨種!
最後差唔多5點我哋就走番過對面馬路截的士番屋企lu (好方便即刻就有的士)
Photo by CANON 5D Mark III, Len | EF 24-70mm f/2.8L USM
呀劍評語: 唯一缺點公園裡面冇一個小賣部, 附近都冇7仔或餐廳, 所以要買定少少嘢食嚟玩!
九龍灣公園 簡介
踏單車是一項有益身心的運動，康樂及文化事務署為市民提供一個合適的場地，其轄下的九龍灣公園設有一個設計新穎的單車場，對踏單車人士確是一處理想的練習場地。單車場於2005年3月底啟用，毗鄰麗晶花園，設有一條不銹鋼單車橋。單車場劃定初學者練習區，並有單車租賃服務。九龍灣公園的其他設施包括七人人造草地足場球、十一人天然草地足球場暨欖球場、兒童遊樂場、太極園及卵石徑。
地址
九龍灣啟禮道18號
開放時間
單車徑：上午7時至晚上11時
交通
於九龍灣港鐵站轉乘專線小巴 51M 號或步行15分鐘
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。