帶住小朋友除咗可以戶外活動，逛逛商場，遊戲室玩玩等，其實都可以同佢們去接觸D藝術氣息，但係今日去嘅唔係藝術館，而係喺香港嘅薩凡納藝術設計大學
上一站>>CLICK HERE!
【親子好去處】深水埗 李鄭屋漢墓博物館 Lee Cheng Uk Han Tomb Museum
薩凡納藝術設計大學呢個名大家都一定好陌生
其實如果我唔係住喺附近我都未必會知道有呢個地方
早排曾經經過呢度，一路都以為佢係裁判法院
無錯雖然佢真係叫北九龍裁判法院
但係原來佢早喺2010年就成立了這間大學
一入到嚟哥哥已經拎住部相機周圍影
呢度嘅畫好吸引佢，佢覺全部都畫得好靚！
有D畫真係好藝術(即係好似亂畫咁)
哥哥就問我「係咪亂畫都可以好靚㗎？」
就算張梳化都真係靚過人...唔知可唔可以買番屋企haha
我哋入到右手邊第一個房間，呢度設定咗為資料中心
如果有諗過入嚟讀書嘅話就一定要入嚟問問啦
牆上放咗好多好靚嘅摺紙藝術(我好驚芊芊用手去搣爛佢)
有芊芊最鍾意嘅蛙蛙藝術品放咗喺度！
我哋開始上去二樓繼續睇吓有咩睇！
樓梯之間就見到呢幅咁大嘅相框
上面全部係由唔同嘅雜誌報紙剪落嚟嘅英文字母
估唔到一上到二樓就有兩個好好嘅哥哥手捧住小食請我哋食
仲有橙汁咖啡飲tim! 咁啱佢哋兩個又好肚餓
所以我哋先坐低慢慢享受茶點！
佢哋兩個拎完又拎真係一D都唔客氣
攪到我哋好似D強國人咁！
哥哥見到呢張馬騮騎喺隻豬呢幅畫
就覺得好似係佢自己騎咗上我度咁.......(無言)
真係每一個角落都充滿藝術！連呢張櫈都有型過人
轉個彎嚟到完全另外一個唔同嘅空間！
坐咗喺度一陣突然有個外國姐姐過嚟搵我哋話我哋知三樓有個welcome presentation!
點知入到嚟原來係個大法庭！
真係好靚呀！同埋原來以前嘅法院真係咁嘅樣！
好簡單嘅設計好似無記嗰D場景咁
聽完個簡介會(大約15分鐘)之後我哋又出番嚟繼續睇
我哋去到每一個課室參觀！
時裝設計
錄音室
3D動畫
嘩全部都用WACOM Mon㗎！
三樓一上到嚟會見到呢匹駿馬！
我哋之後就咗入去一個以前係監倉嘅地方！
旁邊係拍攝場地，哥哥問我點解呢度係綠色嘅？！
我就解釋俾佢知咩叫褪地！番到屋企試俾佢睇
之後我哋又返番入去法庭裡面周圍影相！
兩個最鍾意唔係企上台上面扮法官！反而最鍾意走入去個犯人欄度扮賊
哥哥行咗上去扮法官大人！如果有埋個搥仔就好！
之後發現原來喺後門有電梯可以上埋四樓同五樓
就連電梯位都唔放過擺滿藝術品
嘩又有蛙蛙...芊芊點會唔過去同佢影相呀！
四及五樓都係其他課室
我同媽咪最鍾意呢張魷魚鬚
最後我哋參加咗基礎課程嘅工作坊
老師教我哋設計一個裝飾相框
枱上面有哂所有唔同嘅美術材料
只要你諗到就可以拎嚟用！
最後我哋經過二樓，佢哋兩個就去問叔叔拎嘢食喇...
真係每一轉都唔同嘢食，呢轉去到食甜品喇！
最後我哋落到地下準備離開
沿路都仲有其他畫展出
原來係出口前係一排嘅監倉
我諗以前審犯嗰陣D犯就係要喺度拘留
最後梗係要同個靚靚招牌影番張相啦！
停車場校舍入口
你估呢幅係畫定係相？
呀劍評分: 10分
呀劍評語: 呢度俾我感覺好舒服，唔會因為好多鬼佬就覺得好拘緊，因為每位職員同學生都好Nice，同埋因為呢度都未係好多人知，所以今日嚟都好少人，而且好多嘢睇，讚讚讚！
SCAD 薩凡納藝術設計大學 簡介
SCAD 香港分校於2010年9月成立 ， 座落深水埗前北九龍裁判法院 ， 學校為其進行大規模的保育 ， 細心保存其歷史及文化價值 ，於2011年獲頒聯合國教科文組織亞太區文化遺產保護獎榮譽獎。
地址
香港九龍深水埗大埔道292號前北九龍裁判法院
公眾導賞時間
古蹟導賞可供公眾報名，週一至週五，上午10:30及下午3:30 ，及特定之週六上午10:30及下午12:30。
SCAD(香港) 開放日
2016年2月20日(星期六) 上午10時至下午4時
2016年5月7日(星期六) 上午10時至下午4時
免費參觀
深水埗站D2出口: 可沿桂林街轉大埔道步行至校舍
九巴81號或72號
網址
http://scad.edu.hk/
電話SCAD(香港) 開放日
2016年2月20日(星期六) 上午10時至下午4時
2016年5月7日(星期六) 上午10時至下午4時
免費參觀
交通
九巴81號或72號
網址
http://scad.edu.hk/
2253 8044
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。