【親子好去處】油麻地油麻地戲院 Yau Ma Tei Theatre + 油麻地果欄 Yau Ma Tei Wholesale Fruit Market

早前在香港歷史探知館拎咗本小冊子睇，先知道原來喺油麻地有個2級歷史文物 - 油麻地戲院，於是就預約咗呢日嚟呢度參觀睇吓!

一早同哥哥食過老麥早餐後就搭港鐵3個站嚟到油麻地B出口

一行上地面望去斜對面已經見到戲院! (但係感覺隔離個公厠仲有過佢咁)

窩打老道6號

嘩! 1930年落成...仲大過我呀媽

正門已設有自動門進出

由於行人路好窄我拗盡腰先影到呢個角度(不過都仲係見唔哂成個「油麻地戲院」字)

入到院內右邊係售票處, 左邊係上演緊既大戲資訊同戲院簡史

今日一齊參加導賞既有6-7人, 除咗我同哥哥, 全部都係老人家......(滴汗)

在場職員派咗兩份場刊俾我哋, 係油麻地戲院既簡介同埋八和會館既小冊子(介紹嚟緊有咩大戲上演)

係影院門口放咗呢部古董舊放片機

(By the way 依家已經叫「劇院」)

導賞一開始就用咗差唔多廿分鐘去介紹油麻地戲院既歷史

對於跳跳紮既哥哥真係悶到飛天...

終於入到劇院內參觀

依家已經變咗一個舞台, 唔會再播放電影喇

哥哥嘗試聽姐姐講解, 但係都係同我講「我都唔知姐姐講D乜」

院內天花上面好多地方都保留番原有建築

就好似呢把吊扇, 但係導賞姐姐話從未見過佢有開過

舞台前面呢個位置係做大戲既時侯俾樂團喺呢度演奏

不過我估唔到咁細既空間都可以足夠佢哋演奏

哥哥悶到High High! 不過我又諗有D時侯要佢學習吓 ^.^ (其實我最失策係唔記得帶相機俾佢)

之後可以踩上個舞台, 影番落去座位度幾壯觀!

個舞台盡頭原來就已經係後台化粧間!

全程導賞大概40分鐘就完, 我哋出番去戲院門外兩條石柱

呢兩條石柱真係1930年的原裝石柱

哥哥眼利第一眼就望到同我講話有人樣

導賞姐姐話呢條柱上面既Face係叫笑像喊像(唔知係咪隨口蹹)

下面呢張相係哥哥影...heehee

原來導賞未完, 我哋行到對面馬路既紅磚屋(俗稱「窩8」,因為係窩打老道8號)

呢棟紅磚屋仲老.....1895年落成

入到裡面都好細, 而且有少少求其....好似個社區中心咁貼哂牆紙+2部冷氣....

就咁貼咗D相出嚟俾人睇! 呢個紅磚屋前身係配水庫, 因為當時未有九龍水塘

導賞姐姐話原來呢度曾經差D就要拆

不過臨拆既時侯, 外國建築師唔知喺邊度搵番紅磚屋兩張(出世紙)

證明到佢係過百年歷史, 所以先至獲得保留!

之後我哋就行樓梯去到上層

一樓係通去對外既小平台! (但係望住垃圾站同果欄)

跟住成個導賞真係完喇, Overrun咗少少...用咗 1 hr 15 mins

我叫哥哥影番張代表今日參觀油麻地戲院既心情....就係呢個樣喇Hahaha

跟住我見順路就同哥哥過埋去油麻地果欄行個圈

其實我都係第一次嚟油麻地果欄!

呢到頭幾檔生果檔見到D生果真係好靚好想食!

老細真係拎把刀批咗塊杮肉俾我食

跟住有隻車厘子老闆娘話係智利出產喎!

我買咗一磅....事實上係好食過普通嗰隻

不過價錢要$100/磅, 我覺得就唔係好值

之後帶咗番屋企同芊芊一齊食!

玩咗咁耐番到屋企都只不過係12:30

Photo by CANON 5D Mark III, Len | EF 24-70mm f/2.8L USM

呀劍評分: 4分

呀劍評語: 其實唔好話哥哥, 我都覺得悶...當然我知道參觀歷史文物唔會有幾好玩, 不過我覺得如果想提高巿民或其他人既興趣同參與, 我覺得要有番多少少互動設施或環節會好D! 例如導賞姐姐拎住大ipad邊行邊講, 有少少問答遊戲送精品等!

油麻地戲院 簡介

油麻地戲院於1930年落成，是市區碩果僅存的戰前戲院。建築物具有的特徵元素包括正門入口兩旁門柱、中式鈄(斜)屋頂和具裝飾藝術主義的正立面及山牆、支撐屋頂的鋼桁架及木檁條，以及原有舞台的拱門和側牆。油麻地戲院在1998年7月結束營業，同年獲古物諮詢委員會評為二級歷史建築。

紅磚屋 簡介
紅磚屋原為上海街舊抽水站的工程師辦公室，於1895年落成，是香港水務署現存最古老的抽水站建築物。抽水站於1911年停止運作，其不同部份的建築物分別被拆卸及改作其他用途，只有紅磚屋部份被保留，於2000年獲古物諮詢委員會評為一級歷史建築。建築物具有的特徵元素包括紅牆立面、鑄鐵雨水管、鑄鐵收水斗、拱形遊廊及花崗石構件。

地址

油麻地戲院：九龍窩打老道6號
油麻地戲院辦事處：九龍窩打老道8號紅磚屋1樓

開放時間

每日下午1時至晚上8時

免費參觀

交通

油麻地站B2出口

網址
http://www.lcsd.gov.hk/tc/ymtt/index.html

電話
2264 8108

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。