今日係警察學院開放日，第一次接觸呢個地方
第一次見到咁多警察，第一次近距離睇槍戰爆炸...
但係我相信只係部份有問題，特別係姓朱嗰個同埋柒警！
所以當我知道有呢個活動嘅時侯就早一個星期晨咁早起身同媽咪出去排隊攞飛
因為派飛地方好近我，喺深水埗警署門外，所以天時地利人和嘅配合之下就去拎喇
每人只可以拎兩張所以我同媽咪加埋就拎咗4張，啱啱好一家四口去
好快過咗一個星期，我哋如常去完教會，之後食個快晏
跟住就直接打的到黃竹坑，60幾蚊落車！
不過芊芊就喊得好慘，因為佢好怕搭的士(空間少嘅車佢都會好驚)
Anyway, 落咗車去到門口了...
警察哥哥好有禮貌同熱心幫我搬士的車
入到嚟都唔知去邊先！因為得3個鐘，所以即刻拎個地圖出嚟睇吓去邊度好先
但係行行吓見到靚仔警察哥哥同靚女警察姐姐，就叫哥哥埋去影番張相
跟住又見到一個唔同制服嘅警察哥哥
又撞到多一個80年代嘅警察叔叔
呢度擺放咗好多警隊唔同嘅裝備同海陸工具
第一個見到嘅攤位放咗好多警隊裝備，包括上年喺金鐘錯用嘅煙霧彈！
呢支槍有四磅重，哥哥拎上手都差D唔夠力
嗱嗱嗱...煙霧彈同橡膠子彈呀！
呢架我相信係好多年前嘅警隊電單車
唔知D人唔留意定係真係冇興趣，所以冇人圍住佢影...
之後見到個體育館，入去望吓係咩先
嘩，原來有攀石有打拳同划船機等...
哥哥一見到有個大沙包就走埋去打
好在我喝住佢...如果唔係個大沙包就反彈撞倒佢
跟住見到呢個就安全好多，任佢點打都唔驚會有危險
攀石就冇玩喇，因為條隊比較長，唔想嘥時間排隊！
排咗10分鐘度好快就到哥哥
媽咪起初以為係小朋友對戰...(傻的嗎)
其實只係小朋友對住哥哥姐姐教練買落Pad度！
你個哥哥喺度扮斯文...平時打落我度幾咁大力！
成個過程都係姐姐叫佢打幾吓1-2分鐘度，跟住俾我同佢影番張相就算數
幾好幾好！最緊要係唔駛排好耐又人人有得玩吓
跟住那邊廂媽咪排定隊玩划艇機(其實都係4-5個排，唔係太多人！)
一開始大家都好用力划，但係好快就冇咩力
對住個大Mon睇到邊個依家領先
芊芊就只係喺度食花生！最後賽果就係哥哥包尾，媽咪好似係第三...
咁係因為5個人參賽有兩個係小朋友
我哋番出去外面見到有兩隻狗仔(其實都唔算仔，都幾大隻)
哥哥都唔驚走埋去同佢哋影相！佢哋好乖好聽話
跟住大家都嚟到大操場，因為將會有大匯演
有樂隊，各款警車，步操，警犬...最期待及壓軸就係飛虎隊表演
終於到飛虎隊出場啦！先有一班扮賊嘅人飛車甩哂尾咁出場
跟住捉走咗一個現場觀眾劫咗上車
然後有直昇機落咗兩個SDU再喺隔離咗Building天台度游繩4個落嚟
好刺激呀，跟住又爆破又槍戰...如果細個D嘅BB真係俾D聲嚇死
完咗匯演之後剩番唔夠半個鐘
我哋行行企企影吓相都差唔多！
最後先有機會嚟呢個大草地，我哋都冇時間玩其他攤位遊戲啦
只係玩咗一次射籃球！
同大直昇機影番張相！
最後梗係要同身後嘅海洋公園站港鐵影番張靚相啦！
下一站>>CLICK HERE!
【飲飲食食】感 5enses Korean BBQ Restaurant
Photo by CANON 5D Mark III, Len | EF 24-70mm f/2.8L USM
呀劍評語: 只係時間太短囉...除非我拎埋朝早時段一嘅飛，如果唔係得3個鐘真係玩唔哂！
香港警察學院開放日 簡介
香港警察學院將於2016年1月10日（星期日）舉行開放日，慶祝學院成立十周年，並讓市民更了解警察的訓練和工作。香港警察學院位於香港仔黃竹坑海洋公園道18號，開放日有兩段參觀時間，分別為上午九時至中午十二時和下午一時至四時，市民須憑票入場。
地址
香港仔黃竹坑海洋公園道18號
時間
時段1：上午九時至中午十二時
時段2：下午一時至四時l
時段2：下午一時至四時l
費用
全免
門票索取：於2016年1月2日上午九時至中午十二時在灣仔警署報案室外和深水埗警署門外免費派發(請留意下次開放日期及細則)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。