農曆新年就到啦! 今日冇咩時間嚟個短線遊
知道旺角新世紀個遊樂場裝修完, 所以就近近地行過去玩吓跳吓放吓電
途中經過細細既遊樂場, 呢度叫「白楊街兒童遊樂場」
因為佢四圍都係馬路好多車經過, 所以如非必要都唔會俾小朋友嚟呢個場玩!
不過我哋經過時見到有團體寫揮春, 所以就入去拎番張!
芊芊就一支箭跑咗入去玩!
媽咪就同哥哥排隊拎揮春!
跟住妹妹都走埋去睇吓, 伯伯就揀咗個「聰明伶俐」送俾芊芊
之後見佢哋咁興奮, 所以都俾佢哋喺度玩多陣!
咁細個場都已經玩到唔捨得走
其實好多時反而係父母唔捨得同小朋友喺咁細地方玩, 想要帶佢哋去更好的地方
但係對小朋友嚟講其實佢哋已經好開心lu
玩玩吓佢哋又爭起上嚟, 哥哥話芊芊唔跟佢節奏搖
芊芊又話哥哥逼住佢坐得唔舒服
唉! 真係煩死人, 但係又覺得好得意
好唔容易終於叫到佢哋走, 最終行到嚟新世紀個Food Court "FOOD OPERA"
個兒童遊樂場就喺外面!
遊樂場都算大, 不過佢係向橫發展既大! 一路行到最尾的地方都幾闊敞, 可以跑嚟跑去
今日都幾多人! 全程真係要跟住芊芊跟到實一實!
遊樂場既設施唔算好特別, 都係韆鞦瀡滑梯嗰幾味!
比較少見既算係呢個, 唔知咩名堂! 不過都幾過癮
哥哥唔知做咩事, 平時叫佢望鏡頭都苦瓜乾咁既樣
但係今日就捉住我不停叫我同佢影相
喺遊樂場既中間位置, 放咗個大Booth, 係「功夫熊貓3」一個小迷宮
哥哥幾乎同每一個角色都影張相, 跟住又同芊芊玩起伏匿匿!
行到去遊樂場尾尾既位置, 突然又放番一個俾BB玩既超小瀡滑梯
然後佢哋同其他小朋友玩起「追」上嚟!
最後因為太大風就俾佢哋玩多陣就走了
我哋喺商場裡面搵吓夜晚食乜嘢!
下一站>>CLICK HERE!
【飲飲食食】Mekiki no Ginji 目利きの銀次 Royal Grill @旺角新世紀廣場 MOKO
Photo by CANON 5D Mark III, Len | EF 24-70mm f2.8L USM
呀劍評語: 要喺商場裡面搵到咁大既露天平台兒童遊樂場, 都買少見少! 呢度可以任跑任跳! 而且佢設係Food Court隔離都幾方便!
新世紀廣場 簡介
新世紀廣場位於港鐵旺角東站上蓋，樓高七層，商場內匯聚各式商鋪及中西食肆，是年輕人及內地遊客的消閑購物熱點。商場亦設有多種娛樂設施，包括備有IMAX影院的電影院及大型戶外兒童遊樂場等。
地址
旺角太子道西 193 號 (港鐵旺角東站D出口)
營業時間
上午10 時至晚上10 時
電話
2397 0790
網址
https://www.moko.com.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。