今日參加咗一個有意義又健康既活動, 就係「麥當勞愛心童樂日 兒童愛心馬拉松」可以帶兩個小朋友嚟一齊做吓運動, 強身健體!
呢個愛心馬拉松分為上中下午三個時段, 我哋被FamilyGo邀請出席第二個時段
早上11:00去到銅鑼灣時代廣場出口步行至馬場
沿路已經見到好多參加第一時段既朋友陸續離開
我哋在公眾入口進入馬場! 已經見到好多人準備中!
我哋先去報到處登記同埋拎T恤
前幾日天氣都好差, 但係今日天公造美, 仲要好好天好曬!!
希望你哋兩個今日可以跑完全程, 特別係呀妹唔駛人抱啦
大會好有心思用咗四粒膠釘Hold實號碼布喺T恤度, 代替以往一直用扣針, 以防有危險!
我見個個都將號碼布釘喺身前! 但係媽咪覺得怪怪的, 話咁樣咪會遮住今次活動個圖案囉, 所以我哋釘咗係背脊度!
今次大會仲送咗對麥當勞叔叔紅白間條襪俾每一位參賽者!
因為太曬我哋坐咗係看台上面安頓好! 而台上面又有樂隊表演, 兩個少爺小姐就坐喺度慢慢睇, 我哋就同佢哋換衫著襪
場內其實有個充氣設施俾小朋友報名玩, 同埋有個顏面彩繪畫個M字喺你塊面度
不過我哋都冇參加, 只係等開幕典禮開始同埋起跑!
大會仲連埋T恤一次過派發埋今次馬拉松既證書!
開幕典禮就快開始, 我哋安排自己坐喺台前第一行,
跟住司儀先請麥當勞叔叔上台教在場小朋友一齊做熱身運動
哥哥都一齊要拉吓筋, 如果唔係跑起上嚟就好易抽筋!
今次個舞台造型好靚! 襯冇人喺度上面同Hysan影番張相先
難得見到麥當勞叔叔冇嘢做, 即刻叫哥哥過去邀請麥當勞叔叔一齊合照先
我哋自己一家人都嚟番張合照先! 大會送咗兩張餐券俾我哋, 媽咪叫咗份麥樂雞餐同埋芝士漢堡餐一齊食
芊芊最鍾意食薯條, 今日咁開心就破例一次俾佢食多幾條啦!
到咗11:30開幕典禮終於開始, 先有麥當勞叔叔陪埋容祖兒上台
跟住其他的商台DJ都一齊上台, 包括林海峰, 葛文輝, 森美小儀, 少爺占Donald等...
祖兒話要同全場大家一齊原地跑20秒！
兩邊高層都上埋台, 正式宣佈麥當勞愛心童樂日 兒童愛心馬拉松正式開始!
兩個超大汽球一齊爆開, 飛出好多好多個小小的心型汽球仔
森美手拎住兩個心型汽球仔, 哥哥走咗去台前, 佢都送咗俾哥哥, 哥哥就梗係要分享一個俾芊芊啦
最後同埋贊助機構合照, 我哋就正式去起跑線準備
佢哋分咗三批參加者起跑! 我哋就係起步之前又嚟一張合照!
頭先既樂隊亦喺起點替所有參加者打打氣
其實所謂既跑步, 因為太多人既原故, 我哋都係行多過跑! 只係間唔中跑幾步!
因為真係都幾曬, 所以芊芊行行吓都攰起上嚟要人抱, 連影相都唔識笑!
沿途仲有D姐姐幫手打氣! 鼓勵參加者繼續努力!!!
我哋圍住整個馬場步行咗一個圈! 差唔多去番看台終點
整個過程只係大約半小時就行完全程, 我哋終於番到終點啦....
番到台前座位上飲吓水抖一抖! 依家個舞台冇哂人, 可以隨時上去影吓相
媽咪建議我哋一齊伸對腳出嚟影吓對紅白間條襪!
佢哋兩隻馬騮抖完之後即刻又變番超精神, 去到展板同每一個角色影相!
仲擺到唔同Pose! 小朋友回復體力真係快, 明明頭先仲攰到冇哂力
Photo by CANON 5D Mark III, Len | EF 24-70mm f2.8L USM
呀劍評語: 今日出嚟做吓運動跑吓步, 又可以咁近見到容祖兒! 都幾開心, 仲可以教到兩個小朋友「日行一善」!
兒童愛心馬拉松 簡介
今年踏入20周年的「香港麥當勞叔叔之家TM」，多年來為病患兒童及其家人，在治療期間提供溫暖的臨時家園。「麥當勞愛心童樂日TM」的重點項目「兒童愛心馬拉松」將於3月27日舉行，以此為「麥當勞叔叔之家慈善基金®」籌款，讓更多有需要家庭受惠。各位小朋友和家人，齊來大踏步，讓愛心跑起來！
地址
兒童愛心馬拉松 簡介
今年踏入20周年的「香港麥當勞叔叔之家TM」，多年來為病患兒童及其家人，在治療期間提供溫暖的臨時家園。「麥當勞愛心童樂日TM」的重點項目「兒童愛心馬拉松」將於3月27日舉行，以此為「麥當勞叔叔之家慈善基金®」籌款，讓更多有需要家庭受惠。各位小朋友和家人，齊來大踏步，讓愛心跑起來！
地址
跑馬地馬場
日期
27/3/2016（星期日）
時間
12noon - 12:30p.m.
網頁
http://www.mcdonalds.com.hk/ch/social-responsibility/kidathon.html
27/3/2016（星期日）
時間
12noon - 12:30p.m.
網頁
http://www.mcdonalds.com.hk/ch/social-responsibility/kidathon.html
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。