【親子好去處】中環香港摩天輪 HKOW The Hong Kong Observation Wheel 母親節特別優惠

一年一度呀劍家最盛大既日子 - 母親節(其次係媽咪生日) 我哋一家喺香港摩天輪過咗一個又溫馨又深刻既"毛民"

我哋離開咗灣仔海旁之後, 忽然有個提議! 雖然我哋下一站係中環摩天輪

但係我建議一齊搭船到尖咀碼頭再即刻搭番去中環碼頭! 我估計咁樣仲快過我又會展踏車或行過去, 慳水慳力!

兩個小朋友有得搭船好開心, 無端端好似多咗個節目咁!

我哋落到船見到好大好靚既摩天輪! 撞啱今日天氣好好, 嚟到時差唔多黃昏入夜, 個天呈現紫藍色! 真係好靚

正值今日係母親節有免費優惠, 所有媽咪坐摩天輪都唔駛錢! 另外我之前一直都Keep有3張免費飛, 所以今晚我哋一家四口嚟坐霸王輪

媽咪啱啱換嗰張飛同我嗰三張唔同樣!

連售票處都好似一架摩天輪咁樣!

可惜Leon尋晚已經係尾場, 如果唔係可能夜少少可以一邊坐摩天輪一邊喺核心外圍聽黎明

最估唔到一樣嘢, 本來仲有打算過唔嚟, 因為驚好多人要排好耐隊!

點知我哋嚟到既時侯6:30度, 居然得小貓三四隻, 唔駛10分鐘就到我哋上去

入去之前望上去摩天輪....得一個字「嘩.....」!

廂裡有冷氣好安全好舒適! 兩個嘢睇住摩天輪慢慢升上去超興奮!

接近入夜睇到窗外景色真係好靚! 夕陽無限好

整個旅程會轉3個圈! 第1同第3個圈都轉吓停吓, 因為其他廂要上客!

望出去維港真係好寫意, 唔怪知得成日有人話「希望時間就停住喺呢一刻」啦!

叫佢哋兩個坐喺門邊同維港影張相, 哥哥膽細到死, 影張相坐喺度半秒都話好驚!

哥哥拎住我部大機(好重)同我哋兩個影相...又影得幾好喎! (話時話我同媽咪都好少一齊影相, 有機會要影番多D先得)

喺摩天輪上面都差唔多有20分鐘, 轉埋最後一個圈lu...

好靚既鹹蛋黃日落呀...(雖然見唔正個蛋黃, 只係見到蛋花)

影呢張相我成個人都瞓咗喺地下, 但係好攪笑佢哋兩個都跟住我踎低咗影

Photo by CANON 5D Mark III, Len | EF 24-70mm f2.8L USM

呀劍評分: 10分

呀劍評語: 母親節好"匙V"的節目! 一直以為冇咩特別,原來上到去真係會好興奮好開心! 摩天輪令到呢個母親節好難忘好深刻

香港摩天輪 簡介

香港摩天輪特別推出母親節優惠，使大家可以在維港兩岸美景環抱下，與母親及家人享受溫馨愉快的摩天輪之旅。子女凡於母親節當日與母親一起登上香港摩天輪，其母親便可獲享免費摩天輪門票乙張。免費門票優惠只限於2016年5月8日（星期日）母親節當日適用。

地址

香港中環民光街33號(公眾碼頭九號十號對出)

開放時間
上午10時至晚上11時 (星期一至日及公眾假期)
*截止售票時間為晚上10時45分

網頁
http://www.hkow.hk/zh/tickets-prices

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。