【荃灣3大隱世泳灘】海美灣 X 麗都灣 X 汀九灣

酷熱天氣警告又嚟啦! 想去沙灘又唔想同人逼, 不如考慮吓D少人去既細泳灘, 今次推介3個荃灣隱世泳灘俾大家!

呀劍一家都去過哂3個泳灘, 大家不妨參考吓我以下介紹, 最尾睇睇我為3個泳灘作出既比較圖表, 再決定今個Weekend去邊度玩水啦

海美灣泳灘 Hoi Mei Wan Beach

由深井出發先介紹海美灣, 泳灘入口就在機場核心計劃展覽中心旁邊, 從泳灘指示牌側沿樓梯落大概3-5分鐘便可到達

泳灘面積不大, 沙灘與海之間距離很短, 沙質屬一般, 水尚算清, 但隨着時間會有少許垃圾飄過來(但職員十分勤力地清理, 每隔一陣就會用網撈起飄浮物)

遠景夾在汀九橋及青馬大橋中間

洗手間更衣室都十分就腳很方便, 但欠缺小食亭士多之類, 如要買飲料要上去中心撳汽水機

海美灣泳灘簡介

海美灣位於新界荃灣區汀九和深井交界，雙仙灣側，在機場核心計劃展覽中心之下。沙面上有大石，為自然沙灘。設施包括3個燒烤爐、更衣室、淋浴設備、洗手間和泳屋。

海美灣泳灘水質更新
http://www.beachwq.gov.hk/tc/p_mawan.aspx?YX_MID=10

地址

香港新界深井青山公路十一又四分三咪

░░░░░░░░░░░░░░░░░░░░░░░░░░░░░░░░░░░░░░░░░░░░░░░

麗都灣泳灘 Lido Beach

跟住講吓麗都灣, 坐落汀九橋右側, 入住帝景酒店的旅客只需步行5分鐘就可以到達! 三個泳灘之中最大, 泳客也比較多

算唔上水清沙幼, 但係沙質尚算幼細少沙石

沙灘較傾斜水位較深, 行出一段已經腳掂唔到地!

周不時有飛機經過, 而且感覺比起汀九灣更近

面向整條青馬大橋, 真係好好View!

仲可以見到咁大隻水母!!!

註：其實在麗都灣隔離不遠仲有一個泳灘叫「更生灣」不過實在太小而且跟麗都灣只是數步距離, 所以不在此詳盡介紹!

麗都灣泳灘簡介

是位於香港新界荃灣汀九橋西面第一個泳灘，約於1975年開始開放予公眾游泳。它是唯一在荃灣區有沙灘排球場的泳灘，曾有「新界淺水灣」之稱。「Lido」是英文的固有詞，有泳灘的意思，中文名稱則音譯為「麗都」。

麗都灣泳灘水質更新
http://www.beachwq.gov.hk/tc/p_mawan.aspx?YX_MID=12

地址

香港新界深井青山公路十一咪半

░░░░░░░░░░░░░░░░░░░░░░░░░░░░░░░░░░░░░░░░░░░░░░░

汀九灣泳灘 Ting Kau Beach

最後要介紹一吓汀九灣泳灘, 泳灘坐落在汀九村內, 要行樓梯穿過小屋才能到達, 同麗都灣一樣坐落於汀九橋下靠左

其實有幾條路都可以行落泳灘，不過比較易認係沿住汀九村個路牌，一直行樓梯落去，經過村公所行多兩步就會見到大海，左邊係個石灘，右邊就係泳灘位置

三個之中唯一一個有草地的泳灘, 雖然面積不大, 但係可以在草地上紮營也是不錯的選擇

同麗都灣泳灘一樣有個好壯觀嘅汀九橋靚景，而且仲有個兒童遊樂場喺附近(不過有少少污糟)

泳灘後設有兒童遊樂場

大家可以在指示牌上睇到當日水質評級

今日D水質都唔錯, 好清唔污糟

不過洗手間有D遠，起碼行番1-2分鐘，這一邊比較多石頭, 如帶小朋友盡量避免在這裡玩

在洗手間附近有個船家喺度租船俾人撑艇仔，$100可以玩到5:30pm，如果朝早嚟就可以$150玩成日！(但係大家請留意係無牌經營㗎！所以一切後果自負)

沙灘比較面積比較小, 沙灘與海之間距離很短, 但因為人少關係所以也十分足夠玩!

駐場救生員會撑艇出動, 留意海面安全

跟住我發現原來有間士多喺村裡，就去幫襯咗罐寶礦力($12)俾佢哋飲番補充吓體力！士多係婆婆開，只係一個雪榚櫃同家用雪櫃，婆婆掛住玩牌都唔得閒理我，所有嘢都係自助

汀九灣泳灘 簡介

汀九灣是香港一個位於維多利亞港都會區西北端的公眾泳灘，為荃灣區中與近水灣唯二可以「在維港範圍游泳」的政府刊憲泳灘，設施：兒童遊樂場、村屋、坐廁

汀九灣泳灘水質更新
http://www.beachwq.gov.hk/tc/p_mawan.aspx?YX_MID=13

地址

汀九灣泳灘鄰近青山公路，在深井以東，青山公路11咪

░░░░░░░░░░░░░░░░░░░░░░░░░░░░░░░░░░░░░░░░░░░░░░░

海美灣 X 麗都灣 X 汀九灣呀劍比較圖表

░░░░░░░░░░░░░░░░░░░░░░░░░░░░░░░░░░░░░░░░░░░░░░░

以上泳灘其他資訊

開放時間
24小時

救生員當值時間
4月至5月 / 9月至10月 : 上午9時至下午6時
6月至8月: 上午9時至下午6時 (周一至五); 上午8時至下午7時 (周六、日和公眾假期)
*11月至3月救生服務暫停

費用
免費入場

交通

-九龍新界巴士

53 元朗（東） ↔ 荃灣西站

234B 荃灣西鐵路站 ↔ 浪翠園

-新界專線小巴

96 豪景花園 ↔ 荃灣（海壩街）

96C 碧堤半島 ↺ 荃灣站

96M 豪景花園 ↔ 荃灣站

96S 海美灣 → 荃灣站只限星期六、日及公眾假期服務

302 豪景花園 ↔ 葵芳站

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。