【親子好去處】九龍城賈炳達道公園＋九龍寨城公園展覽館 (上)

一直都想嚟九龍寨城公園逛逛, 今日終於就啱時間嚟到, 嚟個九龍城一天遊!

我哋先在太子道東近警察遊樂會乘搭12A巴士去到福佬村道落車, 然後向公園方向行大約10分鐘

見到KCP九龍城廣場同Aeon就到啦! 公園就喺隔離噢!

其實九龍寨城公園就喺賈炳達道公園裡面, 所以去一個地方就可以滿足兩個願望!

一場嚟到梗係要喺門口影番張相先! 呢條柱唔知有幾多年歷史噢

賈炳達道公園同一般公園相約, 仲有一個緩跑徑同埋單車徑

開始玩之前先同小朋友去個洗手間先! 但係原來公園大到有3個洗手間咁多

沿路行上少少斜坡見到有些岩石特色的裝置! 行上去呢條天橋居高臨下望風景先

另一邊亦有幾個用小石堆砌的景點, 我驟眼睇覺得好似係英文字咁, 唔知有咩意思呢?

除咗石橋外仲有一個岩石拱門!

最近有朋友送咗兩部搖控車俾我, 我收埋咗幾個月, 今日終於大排用場, 送咗俾佢哋兩個

公園地方好大, 人又唔多, 鍾意點玩都得!

見到九龍寨城公園入口, 雖然未行完賈炳達道公園, 但係都行到嚟呢度就順便入去行吓!

一入到去已經被整個充滿中國色彩的環境包圍住!

沿途見到的建築物全都是亭台樓閣

整個九龍寨城公園有6個出入口, 分別係乾門、北門、艮門、東門、巽門、南門

我哋行行下去到乾門, 見到指示牌說明某些行為是禁止的, 「嚴禁賭博」的圖示好攪笑! 連「天九牌」都有!

園內一草一木一磚一瓦都充滿特別, 就連坑渠蓋都咁靚!

唔講唔知道下圖是香港拍的, 感覺也蠻像國內風景!

佢哋兩個一邊搖控住架車一邊繼續行!

因為今朝落過一陣雨所以樹蔭下的地方都是濕濕的

行行下仲俾我哋發現到小蛙蛙!!!!真係細到隻手指尾咁

圍住公園的這道磚牆實在很美, 忍唔住都要同佢哋影番張相!! 但係手上既搖控車真係同個境格格不入, 哈哈哈!

每一道出入口都刻有該門的名字! 「乾門」「艮門」...請問個「艮」字點讀!?

過咗「艮門」又見到一個洗手間, 但係呢個超有中國建築特色! 全係瓦片屋頂

唔怪之得咁多人鍾意嚟呢度影Cosplay! 同荔枝角公園相比, 我更喜歡這裡!

未知係咪多咗瓦片剩下, 所以設計者還利用了它們! 很讚

呢個地方叫「童樂苑」但係大家唔好誤會, 並唔係真係有遊樂設施

呢支大炮唔知有幾多年歷史?! (應該有寫上只是我沒有留意)

呢座叫「邀山樓」但係上層是禁止上去的!

另一邊從外看的角度更似古裝景

居然呢度有部人力車! 但係我諗我哋既下一代係唔會明白當年生活有幾艱難, 可能連部車都拎唔起, 何況要載人!

見到小橋流水真係即刻要吟番首詩!

這裡放有十二生肖石像, 每一個都好特別, 有的好寫實像真, 有的只係表達咗那生肖個意境特色

我最鍾意係羊, 除咗因為我自己係屬羊之外, 佢沒有模擬羊的真實狀態去造這像!

這裡有個方向座標, 每個方向都有簡單介紹, 但係最攪笑係會講埋「有巴士站往尖沙咀和香港」等字眼....即刻好冇Feel

穿過「童樂苑」就見到九龍寨城公園展覽館, 估唔到裡面都有驚喜!!!

Photo by CANON 5D Mark III, Len | EF 24-70mm f2.8L USM

呀劍評分: 9分

呀劍評語: 賈炳達道公園跟九龍寨城公園都十分大, 行足大半日! 有時侯想慢活一點可以嚟呢度休息吓散吓步都係不錯選擇!

賈炳達道公園簡介
公園內設有洗手間其他設施包括1條單車徑、1個兒童遊樂場、1個長者健身站、1個7人硬地足球場、4個籃球場和2個排球場

賈炳達道公園地址
九龍城賈炳達道

賈炳達道公園開放時間
每日24小時開放

九龍寨城公園簡介
九龍寨城公園的原址是九龍寨城，是香港近代歷史其中一個最重要的遺蹟。遊覽其中，除了可以好好欣賞美景，還能緬懷上世紀的老香港風貌。

九龍寨城公園地址
九龍九龍城東正道

九龍寨城公園開放時間
每日上午六時半至晚上十一時

九龍寨城公園展覽館開放時間
每日上午十時至下午六時 (逢星期三休館)

電話
2716 9962

電郵
[email protected]

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。