夜晚探險睇昆蟲對哥哥嚟講係佢暫時排第二最開心的活動，今晚我哋參加了海洋公園保育基金的夜深活動
我哋喺中環交易廣巴士站集合，一齊搭6號巴士去到黃泥涌
喺油站落車後沿樓梯行上去，跟住公路一直向陽明山莊方向行，眼見周圍好似係啱啱日出咁
經過雅栢苑再行多大約3分鐘就見到黃泥涌水塘同埋衞奕信徑的路牌
跟住再行多一陣就會見到陽明山莊，到咗大潭郊野公園入口啦！
領隊先跟大家講解所有要注意嘅地方，因為特別小朋友如果唔一開始同佢講清楚，就有機會破壞咗自然生態同埋影響其他團友嘅活動
我哋行咗冇幾耐，好快就已經發現第一隻小動物，小朋友都叫佢蛙蛙，其實係「黑眶蟾蜍」
佢哋好鍾意周街跳或者匿埋喺山坡去水管位置
你估呢隻係咩？係咪以為係蝴蝶呢？其實係飛蛾嚟㗎
導賞員跟我分享如何分辨蝴蝶同蛾
周不時都會發現甲蟲仔同其他昆蟲！哥哥載住盞頭燈，手拎住電筒成個探險家咁，四圍搵昆蟲，一發現就即刻話俾我同導賞員聽
不過好多時佢連發現普通到爆嘅昆蟲都好似搵到寶咁話俾人知～
俾我發現到竹節蟲呀！
呢隻個樣好似曱甴，如果喺屋企見到佢可能會唔覺意打死佢
有四大蛙之稱嘅其中一種蛙俾我哋發現啦
佢叫做「沼蛙」整個行程都只係見到呢隻咋！
知唔知咩叫金蟬脫殻！
原來呢隻就叫做「鼻涕蟲」，但係小朋友都係嗌佢做冇殻嘅蝸牛
第三款蛙俾我哋發現到，佢叫「大陸蛙」...唔係！係「大綠蛙」先啱
真係唔好彩啦，成日俾人以為佢嚟自國內咁唔受歡迎，其實4款蛙我覺得佢最靚仔
最後一種蛙我哋就搵唔到，就係有「性格歌㗋」之稱嘅「白頷樹蛙」，佢叫聲真係好似機關槍咁！
最後導賞員帶我哋去睇吓其他植物，呢度我覺得好似童話故事裡面嘅仙景咁，呢種植物必須在流水附近先可以發現！
蛙生，下次再嚟探探你啦！
Photo by CANON 5D Mark III, Len | EF 24-70mm f2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 大潭呢段路實在好易行，好適合小朋友行，同埋地點算方便，好快就可以落番巿區港鐵站，我哋去陽明山莊搭的士落番灣仔港鐵站都係30幾蚊，不過種類一定唔夠大埔滘嗰邊咁多
海洋公園保育基金 夜探大潭動物明星 簡介
海洋公園保育基金 夜探大潭動物明星 簡介
由導賞員帶領參加者到大潭郊野公園探尋一眾「黑夜動物明星」，包括有閃閃發光的螢火蟲、擁有 「性格歌喉」的各種蛙類等。在城市的咫尺，享受另一種夏日體驗！
3923 2323
網頁
http://www.oceanpark.com.hk/tc
地點
大潭郊野公園
日期
2016年7月30日
時間
19:30-21:00
費用
每位$90(會員)/$180(非會員)
電話日期
2016年7月30日
時間
19:30-21:00
費用
每位$90(會員)/$180(非會員)
3923 2323
網頁
http://www.oceanpark.com.hk/tc
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。