【親子好去處】中環中環夏誌SummerFest @中環海濱活動空間Central Harbourfront

嚟到中環海濱活動空間唔係要睇明蝠俠！而係參加集合親子、藝術、消閒、娛樂、設計和運動等主題於一身的活動－「中環夏誌」，仲要費用全免。

「中環夏誌」在暑假期間舉行了多類不同活動，包括近距離欣賞世界級藝術家的雕塑品、參加射擊遊戲、玩吹泡泡、做瑜珈等25項活動

入口旁邊就設有一個小涼亭，全用竹棚建造，就好像一個大戲棚舞台

不過哥哥瞓落去就話唔係太舒服～

嘩乜傢伙有張乒乓波枱放喺中間，咁樣露天打番兩板真係超爽喎！仲要勁殺波都唔怕出界接唔到

「等我捉番盤棋先！」

另一邊見到好多支砰砰槍，不過可惜全部都釘住咗拎唔到出嚟玩！

呢邊有個園圃，種植住各種不同的植物！今日星期一幾乎一個人影都冇

仲有個小小的小食亭！唔係假日所以都冇開店！

仲有好多不同造型嘅雕塑，哥哥見到D雕塑冇著衫就話好醜怪呀！(唔知邊個平時成日講埋哂D核突嘢哩！)

嚟到個舞台前面，哥哥忍唔住要跳番畢業禮隻舞，但係呢隻舞係妹妹㗎喎...

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 7分

呀劍評語: 空間好大好大，如果同小朋友經過開俾佢入嚟亂跑亂跳實在不錯，不過假日就可能比較多人，當然人多就自然活動都多，大家都可以參考吓官網睇吓至到八月中仲有咩活動舉行！

中環夏誌SummerFest 簡介

「中環夏誌」係中環海濱活動空間為香港巿民帶嚟嘅全新戶外體驗，由世界級藝術家嘅雕塑展，到一連串親子、藝術、消閒、娛樂、設計同運動等嘅主題活動，全部免費參加。大家仲可以嚟野餐、種植、曬太陽、發呆......總之用自己方式享受維港海傍、中環核心的開放空間。

地點
中環海濱活動空間

日期
2016年6月3日至8月21日

時間
上午9時至晚上9時

費用

免費入場

網頁
www.cvm.com.hk/tc

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。