住咗元朗差唔多十年，就係未嚟過水尾村睇呢棵千年老樹，今次到訪真係大開眼界....老過我太婆！
去嘅途徑有好多，大家可以喺元朗(雞地)搭專線小巴601或錦田(錦上路鐵路站)搭專線小巴601B 去到水尾村落車就得，小巴係循環線，所以去或離開嘅時侯都可以隨時上車
總站落車就見到一個大魚塘
同埋水尾村村公所及天后古廟
唔駛問呀貴梗係人影都冇隻，不過你望向魚塘，卻見到有少量大叔喺度垂釣
面向魚塘向左一直行就會見到遊樂場，樹屋就喺隔離！
可惜樹屋依家已經禁止進入，大家只可以遠觀，唔可以好似以前咁見D人爬上去影結婚相
呢棵古樹真係滿佈樹根好利害！唔怪之得有千年古樹之稱
點解叫樹屋？因為佢真係形成咗一個樹窿
喺樹屋企附近都有好多古舊建築參觀
呢種古老木門，相信呢一代小朋友都幾難生活中見到，我哋都叫做細個喺鄉下仲見到同住喺呢D地方
破舊都可以變成一種美！
好在早到，離開時撞著一大班旅行團
之後我哋就行前幾步到錦田鄉村俱樂部玩番日LU...
Photo by CANON 5D Mark IV, Len | EF 24-70mm f2.8L II USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 同小朋友去玩得多，間唔中帶佢哋去認識吓香港名勝古跡都好好㗎，順便教佢哋要保育，愛護古老文物，例如自己...咁第時我哋倆老都唔驚俾佢哋遺棄
錦田樹屋 簡介
錦田樹屋 簡介
又名錦田樹屋，2004年列入《古樹名木冊》，因巨大的古樹包圍着一間逾400年歷史、於遷界令被荒廢的石屋而得名，外觀獨特。
地點
元朗錦田水尾村遊樂場側
交通
601 元朗鳳翔路 — 北圍村
服務時間 05:45 - 21:40
班次(分鐘) 每20分鐘一班
交通
601 元朗鳳翔路 — 北圍村
服務時間 05:45 - 21:40
班次(分鐘) 每20分鐘一班
601B 錦上路站 — 北圍村
服務時間 星期一至五 07:10 - 09:10/17:30 - 21:30 ; 星期六 17:30 - 21:30 ; 星期日及公眾假期 17:30 - 21:30
班次(分鐘) 每20分鐘一班
服務時間 星期一至五 07:10 - 09:10/17:30 - 21:30 ; 星期六 17:30 - 21:30 ; 星期日及公眾假期 17:30 - 21:30
班次(分鐘) 每20分鐘一班
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。