【澳門親子遊】Venetian Macao Open 威尼斯人澳門高爾夫球公開賽 @澳門巴黎人 The Parisian

今次有機會嚟到澳門撞啱有個高爾夫球公開賽，所以就搭酒店專車嚟到球場，知道今次大會仲安排咗親子玩樂專區，所以帶埋佢哋嚟玩番個晏晝！

之前喺香港粉嶺都試過參與一次，不過嗰次就人山人海好多，今次人唔多，可以喺現場慢慢行，享受一下。雖然未見到球場，剩係附近嘅環境已經覺得好舒服！

真係好大好大個高爾夫球場，佢哋兩個見到大草地即刻想跑入去，場裡面仲有兩隻狗，起初我以為佢哋係守住個場唔俾人入去，後尾先發現原來佢哋係負責執波嘅

行咗十幾分鐘落到去另一高球場，波就唔睇住啦(因為同時間正在進行比賽)，我哋即刻去咗玩先

由幾位姐姐負責，有攤位遊戲，桌上遊戲同埋面部彩繪！

芊芊好開心畫咗個Elsa喺隻手臂度！之後姐姐見冇咩其他小朋友，再幫佢畫埋Anna喺另一隻手度㖭！

有三架好靚嘅綿羊仔放咗喺度俾人影相！

有個小小嘅瀡滑梯設施，啱哂芊芊玩！

之後我哋參加咗個高爾夫球親子班

首先有前公開賽選手Sam Brazel為我哋示範一下

球場對住個海，所有波都係直接打出去個海度！佢好利害，想個波去幾遠有幾遠，去幾高有幾高

然後仲有Cao Yi親自教路(唔好意思其實我唔識佢)，做埋兩個小朋友嘅私人教練，一對一咁教佢哋打波

嘩真係好有姿勢！

芊芊都好有台型

芊芊經訓練後，真係幾勁喎！起碼打到個波先啦，你睇佢目光幾有殺氣(其實係對住日落夕陽好「殘」眼)

哥哥呢兩下都真係大板有眼，但係亮點係...兩個姿勢都係揮桿完成，但係個波仲喺度

兩個一路揮桿打咗成個日落，真係好舒服好自在！

最後仲有靚仔車我哋番上去入口轉酒店專車離開，真係五星級享受呀！

落咗車先見到原來彩繪姐姐畫埋個小白送俾芊芊！超開心

Photo by CANON 5D Mark III, Len | EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 兩個小朋友無論室內室外，都接觸過好多次高爾夫球！佢哋都好喜愛這項運動，今次嚟到澳門又有機會玩，所以特別開心！

《Venetian Macao Open》 簡介

為了讓球迷可以好好現場觀賞世界級球星在「威尼斯人澳門高爾夫球公開賽」的賽事，今年在澳門高爾夫球鄉村俱樂部設有一家大小的活動與公眾同樂。由於去年的「兒童天地」深受歡迎，因此今年我們繼續為小孩及家長提供一系列的節目，令他們可以感受到比賽以外的樂趣。當中包括多個互動桌上遊戲、面部彩繪，以及高爾夫球入門訓練班，讓他們可以初次體驗高爾夫球的樂趣。一小時的入門訓練班由今天比賽的球手Sam Brazel 及曹一負責教導小朋友。

地點

澳門路環黑沙馬路1918號澳門高爾夫鄉村俱樂部

電話
(853) 2887 1188

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。