今日唔Shopping唔Playhouse，要嚟個健康好去處，到南華會嘅全民運動同樂日玩番日
一年一度嘅全民運動同樂日，上一年錯過咗，今年終於有機會嚟！你諗到嘅運動，幾乎都有，可以一次過俾小朋友認識同接觸唔同嘅運動，雖然係蜻蜓點水式咁玩，但係都好開心
入到門口每個小朋友都可以拎一張攤位遊戲咭，同埋獲一包椰子朱古力奶....難飲都爆炸！
今日天氣非常好，唔會太熱太曬，就算排隊玩攤位都唔會好辛苦，時間尚算早所以都唔算太多人，每個攤位大約排5-10分鐘就有得玩
當然我同媽咪分工全作，一人排一條隊，可以盡量俾小朋友玩到多D唔同運動
排排吓隊發現有好多Bubble吹過嚟，原來大會放咗部吹泡泡機喺度....又可以俾班小朋友排住隊都有得玩
好爽呀好大風....
遊戲咭可以一次過睇哂每項運動攤位嘅位置，好方便就可以去到想玩的運動攤位，當你完成一項運動義工就會蓋一個印章落去此項運動，儲齊唔同數量嘅蓋印就可以換領唔同級數嘅獎品
哥哥妹妹先嚟玩欖球，攬住個波衝埋去...
到雞手鴨腳嘅妹妹出發啦
乒乓波呢樣小學雞入玩運動一定唔少得
之後我哋就排隊打Golf，哥哥絕對有經驗，佢哋自動自覺走去排隊！
好可惜兩個都打唔入洞，唯有去玩第二樣運動啦！嚟到呢邊有劍擊玩，篤完假人之後就嚟一個真正比試
由哥哥大戰呀妹，今次真係攞正牌小朋友齊打交，打之前望吓其他小朋友打成點先
跟住我哋再繼續玩咗好多個大大小小嘅攤位，不知不覺就好快蓋滿印章
哥哥好利害，居然可以射中個波...不過人哋射爆佢就射到漏氣...
玩咗短短兩粒鐘，已經夠哂皮！仲拎住一大袋戰利品好開心
之後我哋就上咗去2樓嘅一間餐廳Inn side out食個超豐富嘅下午茶
上到嚟個環境超級正！估唔到唔係太多人...想坐邊都得
本Menu勁大本，唔知要睇幾耐先落到Order
室外環境可以望番落去成個球場View，超爽！望住好多人排長龍玩攤位...心諗好在我哋早咗嚟，如果唔係依家唔知排幾耐先玩到一樣運動
我哋叫咗碟蝦多士，即叫即炸無得嘆，好好味呀！$128
之後因為太大風我哋轉咗入去室內坐，呢個什菌Pizza餅薄餡靚 $130
茄醬肉丸意粉 Spaghetti and Meat $115
足料忌廉湯 Soup-Clam Bowl $50
輕輕鬆鬆過了一個下午，真係寫意又自在！
Photo by CANON 5D Mark IV, Len | EF 24-70mm f2.8L II USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 一次過滿足哂所有運動慾望，最啱我哋呢D又忙又懶嘅人，哈哈！而且可以俾小朋友接觸多種唔同類型嘅運動，真係一個好好的親子活動！
地點
銅鑼灣加路連山道88號南華會草地球場
日期
11月20日(星期日)
時間
11:00-15:00
免費入場
銅鑼灣加路連山道88號南華會草地球場
日期
11月20日(星期日)
時間
11:00-15:00
免費入場
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。