【親子好去處】黃竹坑配水庫休憇花園 Wong Chuk Hang Service Reservoir Rest Garden 黃竹坑食水配水庫

香港其實有好多個配水庫，當中有許多都係休憩花園，設有遊樂設施或大草地，今日嚟到其中一個位於黃竹坑的配水庫

由南朗山道山腳出發，行大約10分鐘就會見到配水庫入口，圖為配水庫入口向山腳方向影

由大鐵閘鐵絲網望入去見到配水庫路牌，隔離就係休憇花園入口

花園沒有啥甚麼特別地方，只係有少許坐位及公廁

如果想行埋上配水庫頂層就可以轉右經過藍色鐵閘向山上行

一個"Z"形的斜路，大約行5分鐘就會行到上去頂層

經過一條樓梯上到"Z"另一段

向前行再見到另一條樓梯

轉左再上埋呢段樓梯就到，可惜呢度又係唔俾帶狗入內

園內就只有一個有蓋涼亭同埋緩跑徑，周圍地方都有少部份係草地同埋老友記健體設施

兩個細路話咁快就已經踩單車同Scooter走咗lu...

一路都見到好多好靚嘅花同植物

喺頂層可以望番去深灣，見到好多遊艇，而且秋天上到嚟又有涼風吹住真係幾舒服㗎！

喺園中間位置有個涼亭佈滿樹籐，感覺都幾靚㗎

呢個方向見唔到樓景，真係好似去咗天空之城咁

呢度真係可以話係隱世花園，秋高氣爽上到嚟野餐踩吓單車，一個人都冇真係好似包咗場咁，不過唯一冇咁方便都係同其他配水庫一樣，就係去洗手間！如果大家要方便就唯有落番去休憇花園的公廁了，一來一回大約10分鐘！

成條緩跑徑變咗佢哋踩單車玩Scooter嘅跑道！最後無限loop玩咗好幾個圈先肯走

Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 當大家諗住同一家人去大草地野餐，只係諗到佐敦谷同維園，其實香港有好多配水庫又方便又少人，適合大家去野餐踢波踩單車！黃竹坑配水庫好處真係幾乎冇人好似包咗場咁，缺點同好多配水庫一樣，去洗手間比較不方便！

地點

香港香港仔黃竹坑配水庫頂

設施
緩跑徑

配套設施
花園內設有長者健體設施

開放時間
每日24小時開放

查詢電話
2555 0103

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。