難得今日冇媽咪同哥哥，得我同芊芊兩個拍住拖咁去玩！我帶佢學完跳舞搭西鐵，一於喺美孚出閘行行荔枝角公園
就係西鐵站出口一出就會見到呢個一開三嘅瀡滑梯，瀡落去嗰陣蛇腰咁瀡，真係可以媲美香港公園翻新過嗰條瀡滑梯！
一於喺度玩番夠本先返屋企
就係呢個"S"型彎位，瀡親都會超有快感
所以滑過番尋味，瀡咗幾廿轉！
再嚟多Round
仲有其他遊樂設施，跟住咩都玩D
呢個靚靚火車設施都算係荔枝角公園近西鐵站段嘅地標，小朋友個個都輪流喺度扮車長揸火車
「排咗咁耐終於到我啦！等我載住其他小朋友番元朗先！」
落番去地面估唔到又有一個
小朋友真係有無窮無盡嘅精力
韆鞦點少得呀！
睇佢玩個樣真係一D都唔似女仔。。。成個男仔頭
荔枝角公園好大，喺呢一邊設有一小賣部，大家可以喺度補給！不過其實便利店都係喺附近啫...
中國式嘅建築，小橋流水！咁靚嘅景梗係要同芊芊影多D靚相
荔枝角公園嘅招牌
周圍都係山山水水，真係好似走咗入去古裝片咁(如果唔係相下底嗰條燈柱穿崩嘅話)
擰番轉頭就見到美孚新邨，即刻由古裝片走番去時裝片
整個公園幾乎都係被美孚新邨包圍住
喺橋上同芊芊睇咗陣鯉魚！好寫意喎
我哋穿過美孚西鐵站，向嶺南之風出發
大家記住唔好喺公園範圍踩板同單車，要去番專屬場地先好踩
行行吓見到遍地花瓣，芊芊就停低話要執花瓣同埋樹枝
邊行邊執已經好滿足，其實呢度周圍都有好多好大嘅草地，如果唔想去遠的話，近近地喺呢度野餐都係一個唔錯嘅選擇
你睇吓！真係周圍都有大草地，而且又少人，唯一比較輸蝕嘅係冇靚靚嘅風景
好靚嘅花卉蝴蝶造型
行到嚟呢度可以見到多D家庭喺度野餐，因為有個遊戲場喺附近，所以呢頭食完嗰頭走去玩就最啱
呢度仲有個長者門球場，不過我就真係唔識玩，可能我第時老咗自然會識得玩
終於嚟到嶺南之風啦！其實古式建築真係"巧"靚㗎
呢度門原來有個名叫「美孚門」
行到入嚟腦海即刻浮現四個字「鳥語花香」我知道好多大台穿崩劇都係喺度取景
行上嚟居高臨下望哂成個嶺南之風，個View真係正
邊行邊執樹枝樹葉，芊芊當佢哋係寶，呢D就係天上嚟嘅恩典，對小朋友嚟講已經好滿足，唔駛要咩玩具
雖然呢度有個好靚嘅池塘，但係嚴禁玩遙控模型
影影吓相發現有隻鴿喺芊芊後面
依家D鴿真係唔驚人...行到咁近都唔會飛走
本來諗住嚇鴿嘅芊芊，點知俾隻鴿嚇番轉頭
八八卦卦喺度睇人耍太極
見到石春路又要試吓，係都要叫埋我落去，痛到我飛起...我身體真係都幾差吓
對芊芊嚟講好似健步如飛
離開咗嶺南之風出番嚟見到有個大天幕
難得見到咁得意嘅垃圾筒
呢一邊都有個小賣部
遊樂場一定唔少得啦！
個遊樂場仲係海盗船做主題
仲要有單車徑，其實喺荔枝角公園真係夠玩足一日
臨離開公園又見到一個小水池，芊芊話可以著件泳衣落水玩...其實呢個Idea都唔錯喎
Photo by CANON 5D Mark IV, Len | EF 24-70mm f2.8L II USM
想跟我去體驗其他活動，快D報名親子團，同埋留意專頁公佈詳情啦！
呀劍評語: 平時日日路經此地，卻沒有發現原來荔枝角公園係一個寶藏！又可以野餐又可以踩單車，其他配套不在話下，只係欠缺大自然景色，全部係樓景，不過計方便佢又贏哂！所以其實可能在你身邊附近隨時可以發掘到寶物！
荔枝角公園
荔枝角公園位於深水埗西，東為美孚一期，南接葵涌貨櫃碼頭路，西靠荔景山道，北則為荔灣道，交通四通八達，市民可乘地鐵、西鐵及巴士前往。荔枝角公園分為三期建造，總面積達17.65公頃，園內提供多項康體設施，而鄰近配套設施則有荔枝角公園游泳池、體育館及圖書館。
嶺南之風
「嶺南之風」是一個中式公園，於二零零零年十一月十一日正式開放給市民遊覽，每日的開放時間為上午七時正至下午十一時正。由於公園位處九龍荔枝角的填海區，而荔枝又是嶺南名果，故以傳統嶺南風格造園。全園面積達12 500平方米，水景面積約為2 600平方米，佔全園面積約百分之二十。 整個公園分為十個景區，園內的建築物皆環繞著中央水池向外伸延，以院落迴廊為布局。其建築藝術也是採用嶺南風格，如陶塑、瓦作、灰塑、石雕和木砌等，而假山石則以英德太湖石為主。此外，園內掛有多副對聯，撰聯人有梁啟超、劉華東、李文田、康有為等。公園由東門至橋廊屋檐，均綴以彩色光纖燈飾，令園景在月夜下更添嫵媚。園的內外廣植樹木，綠樹成蔭；此外，更有精緻的盆景擺設，供遊人欣賞。
荔枝角公園位於深水埗西，東為美孚一期，南接葵涌貨櫃碼頭路，西靠荔景山道，北則為荔灣道，交通四通八達，市民可乘地鐵、西鐵及巴士前往。荔枝角公園分為三期建造，總面積達17.65公頃，園內提供多項康體設施，而鄰近配套設施則有荔枝角公園游泳池、體育館及圖書館。
嶺南之風
「嶺南之風」是一個中式公園，於二零零零年十一月十一日正式開放給市民遊覽，每日的開放時間為上午七時正至下午十一時正。由於公園位處九龍荔枝角的填海區，而荔枝又是嶺南名果，故以傳統嶺南風格造園。全園面積達12 500平方米，水景面積約為2 600平方米，佔全園面積約百分之二十。 整個公園分為十個景區，園內的建築物皆環繞著中央水池向外伸延，以院落迴廊為布局。其建築藝術也是採用嶺南風格，如陶塑、瓦作、灰塑、石雕和木砌等，而假山石則以英德太湖石為主。此外，園內掛有多副對聯，撰聯人有梁啟超、劉華東、李文田、康有為等。公園由東門至橋廊屋檐，均綴以彩色光纖燈飾，令園景在月夜下更添嫵媚。園的內外廣植樹木，綠樹成蔭；此外，更有精緻的盆景擺設，供遊人欣賞。
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。