圖書館＋餐廳＝有得諗喎！今日嚟到太子一家集士多、餐廳及圖書館於一身的地方，以後又多個好去處啦！
呢個叫做「壹樓共同社」位於砵蘭街的儷凱酒店，只要太子港鐵站C出口行幾分鐘就到
頭先所講的圖書館「長頸鹿繪本館」同埋餐廳「SHY Dance Cafe」，仲有一間士多「家家士多」
入到酒店按一字樓就是了
𨋢門一打開就會見到壹樓共同社個招牌
由多個不同團體及商戶組成
門口仲放住呢架咁靚靚嘅單車！
入到嚟空間話大唔大話細唔細，大概有千多呎地方，左邊一個大書架的地方就係「長頸戈難心
呢個書架真係超大！呢度放住唔同種類嘅親子圖書，原來定期會跟不同的出版社合作，放出該出版社的圖書在這裡供大家閱讀及寄賣
哥哥揀番本好啱自己嘅圖書「愛哭公主」哈哈...佢呢個自嘲真係攪笑
太高嘅書連我都拎唔到...只可以望望而已
不過咁多書要睇哂都怕且要大半日
呢家出版社大部份書籍都由韓國改篇，芊芊就揀了呢本「我種了高麗菜」
繪本館都有規矩㗎：1. 愛惜書本；2. 拿一本書書；3. 坐下來；4. 閱讀
但係呢個芊芊一見到繪本館的斜台設計，就掛住瀡滑梯多過想睇書...
館內四圍有些QRcode，內含各個書本及插畫的影片介紹
呢個畫面幾咁溫馨！(但實情係媽咪喺度拎住圖書講故事，哥哥只係留意書中插畫，妹妹只忙着瀡滑梯，冇人理媽咪講的故事)
到哥哥都瀡埋一份，究竟你哋當呢度係圖書館定係遊樂場！？
介紹完繪本館，就要講吓呢間「家家士多」！
「家家士多」主要夥拍韓國最大的消費者合作社iCOOP KOREA，引入公平、健康優質的日常食用品
主要消售的都是些日常食品，就算食即食麵同午餐肉都要食得健康
佢仲有其他福袋同產品
我最愛嘅公仔麵呀！有好多唔同味嘅韓國麵呀，有辣有唔辣...
仲有其他公平貿易產品放喺度寄賣
每樣產品都標着幾個價錢，除咗原價仲有「支持者」同埋「同行者」
「支持者」即係會員，交咗會費全年就可以享用「同行者」價購物，「支持者」是股東形式，全年付$10,000儲值額，除了可以「支持者」價格購物，每年餘下的款項將以慈善形式捐予給團體幫助低收入家庭到「家家士多」以平價買嘢
最後要介紹SHY Dance Cafe，可能有部份朋友會聽過同去過，其實喺觀塘有另一間總店，老闆就係前大台藝員伍文生, 亦係堅記老闆的女婿!
在這裡只得一個細小廚房及幾張枱櫈
也有一個小小的露天空間
店內食品價格算為中等，話平一定唔算平，話貴都唔算太貴，佢哋馳名嘅蛋牛治同蛋包飯一定要試一試
除咗menu的菜單，都有不定期小食及限定推介，本來今日想試個軟骨餃子，但係賣哂！
先嚟一個蛋包飯，雞蛋煎得滑滑，撈埋個飯食簡直一流，件照燒雞扒都好鬆軟，皮脆肉滑！
蛋牛治就用上鮮牛再加上「家家士多」的韓國牌子午餐肉，感覺唔油；加埋芝士，食到好多層口感
再加多個兒童飛碟餐連蘋果汁俾小朋友，但係佢哋喺隔離「長頸鹿繪本館」睇緊書，都唔得閒過嚟食嘢
至於公仔麵都好有特色，連埋個煎Pan上枱，真係好韓式呀！
兩隻嘢終於肯番過嚟食嘢！
一個扮鬼
一個扮馬
正正經經影番幅相咪好囉
呢杯奇異果＋香蕉味特飲就麻麻地...完全感受唔到，味道淡得好勢利，香蕉味勁弱雞，雖然有奇異果味，但係好似飲緊奇異果水咁...
最後哥哥又過番去繼續睇書，我就自自在在喺度嘆
芊芊食得太慢...仲喺度「損」緊件雞翼
最後我都買咗少少戰利品番屋企嘆！
呢度亦有提供deliveroo外賣服務
小貼士：提提各位，原來店裡有張leaflet含3張＄5 Coupon，而且可以即時用！我食完先發現....
WiFi服務都有㗎！各位爸爸媽媽同仔女Enjoy完閱讀時間先好自己玩電話呀！
Photo by CANON 5D Mark IV, Len | EF 24-70mm f2.8L II USM
呀劍評分: 10分
呀劍評語: 一個親子秘密基地，可以一邊睇書一邊食嘢，做媽媽的仲可以Shopping！簡直就係食買玩集中地！
地址
家家士多 簡介
家家⼠多為香港註冊的非牟利組織，是一家推動良心消費運動 (ethical consumerism) 和合作運動 (cooperative movement) 的社會企業。
長頸鹿繪本館 簡介
－是孩子找好書，共讀好書的樂園。
－是大人享受閱讀童書及研習繪本應用的基地；
－是推動香港親子讀書會文化的大本營。
長頸鹿繪本館 簡介
－是孩子找好書，共讀好書的樂園。
－是大人享受閱讀童書及研習繪本應用的基地；
－是推動香港親子讀書會文化的大本營。
開放時間
星期一至日 10:00-19:00 (長頸鹿繪本館)
星期一至日 11:00-20:00 (家家⼠多)
星期一至日 07:00-21:00 (SHY Dance Cafe)(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。