【親子好去處】旺角本地漁農美食迎春嘉年華 @花墟公園

雞年未到就已經有年宵行，原來呢個「本地漁農美食迎春嘉年華」已經舉行第十一屆啦！今日我先知佢嘅存在，喔喔喔...喔！

原來每年都在花墟公園舉行，今年搬到過嚟附近，再懶都要同兩個傻佬行兩步過嚟趁墟啦！

唔知做乜兩個喺度扮呀叉

我哋6點幾嚟到，好可惜原來個嘉年華只係到8點，所以我哋得番少少時間食買玩！

知道日頭嚟嘅時侯仲有攤位遊戲同好多影相位，所以下年要搵個機會日頭嚟！如果頭一兩日嚟仲有入場通勝派

起初以為呢個場好細，原來可以超大，分開濕乾貨兩邊

雖然個場叫「漁農美食」但係其實等於一個迷你工展會

超多試食攤位，幾乎每一檔都走過去試，真係慳番一餐都得！

吸塵機都有...

成千蚊個針板都有...問你怕未！

椰子煲雞湯都有得飲，仲飲咗兩大杯(同平時喺屋企飲嘅份量差唔多...哈哈哈)

又飲又食咗咁多，值得買嘅都真係要買番D嘢番屋企

呢度雖然唔夠維園工展會咁大，但係佢攤檔嘅格局好好行，而且唔會太多人先至係王道，行得舒服又輕鬆，包保唔駛同人逼！

$5 一塊，雖然我自己都整到，但係買塊俾佢哋兩個開心吓！

仲有士多啤梨乾、秋葵乾同無花果乾，$100 3款

我想要個魷魚公仔多D囉

跟住我要極力推介嘅呢個冰鎮龍鬚糖

$15一盒，俾我講價講到$12(其實我都係隨口噏點知老闆又肯喎)

原來雪凍咗嘅龍鬚糖係咁好食，外面凍冰冰，但係裡面仍然係好鬆化

另外一邊有好多農場攤檔，賣住好多花同埋蔬菜，當嚟呢度買餸都仲得！

仲有好多影相位！

臨走前買咗串冰糖葫蘆芊芊食，老實講，我食過咁多次，呢串真係堅好食！出年一定要再嚟

Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 一個本地漁農業的大日子，可以喺度認識好多農場負責人，同佢哋吹吹水，幫佢哋買吓嘢，難得香港仲有呢一班默默耕耘嘅熱心人，所以實在值得支持。再者喺度行真係開心過行花巿，又唔逼又多嘢睇多試食！

本地漁農美食迎春嘉年華 簡介

本地漁農美食迎春嘉年華進入第十一屆。是項活動由本地漁農美食迎春嘉年華籌委會、蔬菜統營處和魚類統營處舉辦，集合有機/優質漁農產品及全港美食的嘉年華會，以推廣本地的優質漁農美食，讓市民欣賞本地漁農業界的努力和成就為目的。今年的主題為促進漁農業技術現代化及提升產品質素，主要展覽包括模擬本地菜場和養魚場的漁農展區。

日期
30/12/2016-2/1/2017

時間
上午十時至晚上八時

地址

旺角花墟公園

免費入場

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。