一個好神秘既兒童遊樂場! 如果唔係搵廁所都唔知道呢度有個隱世遊樂場...佢贏在唔係有好特別既設施, 而係贏在一個人都冇! 好似包場玩瀡滑梯咁!
呢個場位於石硤尾邨, 有好多唔同既通道入口可以去得到, 不過最方便就喺窩仔街石硤尾邨美亮樓下面停車場升降機進入
電梯按1字就可直接到達遊樂場!
地方好空曠闊敞足夠小朋友四圍跑, 就係都要小心!
每次嚟都唔係太多人, 主要都係住在這屋邨的小朋友落嚟玩! 但一般時侯都唔係太多人, 甚至一個人都冇!
喺度玩捉依因一流! 因為點跑都唔驚會撞到其他小朋友, 哈哈!
不過始終係屋邨遊樂場，遊樂設施上都難免俾人用塗改液塗鴉
玩到熱辣辣成身汗!
原來瀡滑梯底係一個小蝙蝠洞, 同埋有恐龍插圖
芊芊最興奮都係玩呢架小蜜蜂搖搖板!
小朋友最鍾意當然係企喺中間向高難度挑戰，不過太細的小朋友就唔好試啦, 一個唔覺意真係跌咗落地就慘豬啦
最後都逃唔過要同佢哋玩捉依因呢個遊戲! 真係少D體力都唔掂
哥哥嚟埋加入戰團捉埋一份!
一路都捉唔到我攪到氣咳!
俾個叻你! 冇放棄再嚟過
Photo by CANON 5D Mark IV, Len | EF 24-70mm f2.8L II USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 7分
呀劍評語: 唔講真係唔知有呢個遊樂場! 最好日頭嚟, 夜晚都幾暗, 唔駛同人逼既感覺真係好爽!
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。