大家去海灘就玩得多，但係有冇諗過要去保衛這個海洋! 可能你從未污染過海灘唔關你事，但係所有塑膠製品都會為海洋帶來污染，所以今日帶小朋友來一起學習寓娛樂!
今日一早嘆過早餐，坐東鐵到大學站再轉272K巴士，10點就嚟到科學園報到! 雖然的確係有點眼瞓...仲有尋日先至得10度，真係好凍, 好在今日都有少少陽光
點咗名寄存包包換好大會T恤，準備去召集處起跑啦!
唔知係咪環境效應，換咗件衫再加上周圍朋友都係就咁短袖T出發，攪到我哋都唔覺太凍
出發前小朋友都去彩繪海洋生物喺隻手度打打氣先!
我哋著上藍色T代表「海洋動物」，我哋一陣唔止係跑步，原來係個障礙賽，跑跑下會有穿黑T的「海洋殺手」走出嚟抆走我哋腰上的彩帶，不過都會有「保育達人」喺度保護你!
途中都有好多垃圾造型哥哥姐姐陪小朋友影相!
途中設有飲水器俾大家補給，不過我哋只係參加3km的同樂組，一D都唔辛苦，仲跑得好舒服
大戰一觸即發，哥哥完全冇諗過要「保育達人」幫忙，自己一支箭穿過哂所有「海洋殺手」，其實人哋讓佢唔捉佢咋! 佢真係以為自己好醒
全程3km，我哋行咗一半就有個小小充氣迷宮俾小朋友玩一玩，然後再折返1.5km就完成啦
下半路程沿途有小遊戲，過咗關可以補給番D彩帶! 都係考考小朋友環保小常識
呀芊一頭霧水，人哋話咩就咩，佢都未分到咩係環保唔環保! 咩係天然唔天然
最後500m路程! 所有工作人員替我哋打氣加油，其實全程我哋似散步多過跑步，真係跑既冇幾多步，攪到我有少少慚愧, 哈哈~
原來就到終點時侯會有多一關! 今次D「海洋殺手」唔再留情，真係有心想搶走呀芊腰上彩帶! 攪到佢好驚驚! 但係又好開心
好嘢! 終於完成lu! 仲俾我哋撞到麥明詩，可以同佢影番張相好開心呀!
兩個跑都冇乜點跑過，扮到好似好攰咁....其實除咗跑步之外，今次大會仲設有好多個攤位活動，跑完之後仲可以留低喺度玩多陣先走
估唔到哥哥肯著件海馬裝扮隻黃GumGum海馬! 呢個POPs真係好攪笑，個個排住隊要影相
哥哥識得縮骨功，話要扮得十足十一隻海馬咁，完全見唔到佢個人
場內其他攤位都有好特色好特別! 見到呢個充氣大錦鯉，佢哋兩個就第一時間捐咗入去
原來全部都係用洗衣店袋去造成，實在太利害了!
透明窗口係用雨傘做的!
小小遊戲向小朋友傳達一點環保意識
仲有個巨大充氣彈床俾小朋友任彈! 唔駛排隊想玩就玩爽呀
佢哋兩個話知邊個窿打邊個窿，有得捐嚟捐去就已經好開心
佢哋啱啱捐出嚟就俾我野捕獲
仲有其他工作坊同小攤位
仲有講故事時間!
話說頭先完成跑步之後，歸遇腰帶時可以換取紀念品! 有運動襪，小食，Coupon同埋呢個雕刻木襟章! 巧靚靚
跟住最後兵分兩路，兩個小朋友參與這個小小藝術坊，在樹葉上塗畫
媽咪就自己去咗學整蜂蠟保鮮紙!
Photo by iPhone 7 Plus
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
呀劍評語: 雖然參加這個活動都不及親自落去海灘清潔來得直接，不過以有限的能力及空間去參加這活動，都可以讓小朋友從小就對環保有一點意識! 所以我哋大家一齊用少D「膠」保護海洋生態啦!
生態保衛賽 Run for Survival 簡介
美麗的海洋孕育無數獨特而多樣的物種，牠們在龐大複雜的生態網絡內各司其職，同時互相依賴，維持生態平衡。雖然香港在世界地圖上只是微小的一點，但我們的海洋卻擁有豐富的生物多樣性。不過，人為的污染和破壞嚴重影響海洋環境，海洋垃圾的問題不但威脅海洋動物的生命，更有科學研究反映其對人類產生巨大的影響！在生態保衛賽，你會化身為掙扎求存的「海洋動物」，克服重重海洋垃圾關卡，避開「海洋殺手」的追捕，奮力逃奔至賽事終點！茫茫大海之中，你只可倚靠「保育達人」為你擊退殺手，以及尋找「動物救援中心」補充能量！怒海之中，你又能否穿越海洋垃圾迷陣，安全生還？
日期
2017年2月26日(已完結)
時間
09:00 – 14:00
網址
www.opcf.org.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。