正所謂「秋高氣爽」最適合不過就係行山，但係如果夏天都想行山的話，都唔係冇可能。今日我就揀咗去行鷹巢山，由起步到完成完段路程都有樹蔭，真係無得頂。
又可以同親戚一齊去街街真係好開心，因為佢哋又帶咗佢哋的狗狗出嚟玩，Hysan哥同芊芊知道可以拖住佢哋行山，不知期待咗呢日幾耐。
我哋由深水埗搭81號巴士，到石利貝水塘落車，只係10分鐘！
行上橋過對面就已經係自然教育徑入口
有條小捷徑可以好快就行到去鷹巢山自然教育徑起點
遠遠看見的就是起點
沿路行過嚟已經遇上好幾隻馬騮
不過大家都記住要小心D，雖然馬騮仔佢哋都見慣見熟，但係始終有D後生仔對人仲係好陌生，特別塊面好紅卜卜嗰幾隻，唔知佢好嬲定係飲大咗...見我拎起相機就發惡，唔知係咪以為我要開槍。
起步影番張相先！
一起步入到裡面已經被四周的樹木包圍住。
沿途都好平坦，就算上斜，斜度都唔大。這段路是麥理浩徑的第五段，所以邊行邊見到一些有關麥徑的標距柱。
每隔一段距離，都會發現有一段關於旁邊的植物的簡介，同小朋友一路行再同佢哋介紹一下沿途植物，俾佢哋知這道植物都有好多唔同種類。
這裡可以遠眺九龍水塘
到這裡來個U Turn彎，繼續向上行
進入鷹巢山自然教育徑前半段的中部，平坦得來帶小許上落
這裡有個小竹林
沿路有許多大大小小的石頭
這段路的樹都較高，搵個角度影相都幾靚
光合作用都有介紹，重溫一下小學雞科學堂
跟小朋友可以留意下身邊的植物
這兩塊大石比較特別，要小心D跨過去
來到這裡有個小休區
只有一張長櫈可以坐低休息一陣
呢度都係馬騮仔佢哋喺度搵食嘅地方
由M114段行到M111段
沿數十級樓梯行上去
終於來到中段的涼亭了
兩個仍然有氣有力，可以睇得出這段行山徑真係適合一家大細
在涼亭這裡可以遠望
在這涼亭的後面，可通往畢架山頂，不過如果覺得自己小朋友未必咁有耐力，就唔好揀這段路行，可能一來一回也要2-3小時
都係坐喺度抖下玩下狗狗仲好
抖完繼續下一半路程
主要落山路程，不過間中也有少許上斜位
到這裡有個分岔路，向左就落蘇屋邨，向右就繼續向九龍水塘／畢架山進發(即回到起點)
行到教育徑的後半段，這個位置比較開揚，大部份都可以睇到九龍中部，好似龍翔道、石硤尾、九龍塘等。
如果天氣好D能見度高的話，就連港島太平山、柏架山、渣甸山、畢拿山都可以見到。
行行下見到蚯蚓又要玩下佢
到這裡又有一個位可以直落蘇屋邨，頭先若果Miss咗，呢度可以再有機會
這個位置就更加開揚，一於喺度影吓相，享受一下。
邊拖住狗狗落山，行咗2-3個鐘都唔覺得攰(其實如果一直步行的話可以1.5小時完成)
再欣賞下沿途的岩石
最後一個開揚景點位置
很暖心地放了兩張長櫈俾大家抖抖
去到越接近山腳，開始遇見許多馬騮
將要完成整個行程，在這裡有個小小草坪
我哋又喺度Hea咗陣
今日天氣真的不錯，也不算太熱，有點涼風！
又發現有趣的植物
芊芊又繼續玩狗！
返回起點！
沿琵琶山道下山
再返回大埔公路
Photo by CANON 5D Mark IV, Len | EF 24-70mm f/2.8L USM
路線簡介
路線位於俗稱「馬騮山」的石梨貝水塘附近，為到該處的遊人提供一條容易行走，具教育意義及林蔭處處的行山徑，除路徑的全段均有不同植物的介紹外，後半段還可欣賞到九龍中西部的景致。
起點交通
巴士路線72(長沙灣至太和)、81(禾輋至佐敦渡華路)、86B(顯徑至美孚)。
終點交通
跟起點一樣
注意事項
儘量不要穿著太鮮色衣物、露出膠袋或食物，免招猴子襲擊。
路線
環繞鷹巢山順時針行走一圈
長度
來回約 3.2 公里
難度
★
需時
約兩小時
長度
來回約 3.2 公里
難度
★
需時
約兩小時
巴士路線72(長沙灣至太和)、81(禾輋至佐敦渡華路)、86B(顯徑至美孚)。
終點交通
跟起點一樣
注意事項
儘量不要穿著太鮮色衣物、露出膠袋或食物，免招猴子襲擊。
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。