「國泰航空/滙豐香港國際七人欖球賽」近年都已經Hit爆，每次攪親都好似以為係世界盃咁! 不過今年我都係第一次參與! 因為今年在大球場對面的印度遊樂會設有「滙豐七人欖球地帶」內有「滙豐欖球互動區」免費開放予公眾，所以帶埋芊芊嚟玩吓及感受一下氣氛! WOW
我同芊芊一直向大球場方向行入去，途中已經遇見好多外國人，佢哋一個二個都著到扮鬼扮馬好攪笑!
今日我哋一嚟到就俾我哋撞正著名樂隊Red Hot Chilli Pipers的現場表演
見到芊芊舉起"7"字手勢嗎?
這個欖球地帶都設有「滙豐欖球互動區」，有多個互動遊戲俾小朋友感受一下欖球的樂趣，我同芊芊都唔執輸，一於走去睇睇有咩玩先!
這個要在限時之內將欖球踢中目標鬥多分的小遊戲，對芊芊嚟講就當然有D難度，都係嘗試俾佢感受一下而已。
睇落去好易，但係因為個欖球橢圓形，一踢都唔知飛咗去邊，所以其實都真係幾難架!
頭幾腳芊芊都仲有踢得幾開心，但係踢踢吓見自己踢唔到，開始冇咩心機! 哈哈~
唔踢咁就影吓相啦! 當俾身邊的職員姐姐們抖一抖，佢哋都keep住執波俾波都好攰!
咁都有74分!!! 點計架? ^>^
跟住過隔離玩另一個遊戲先，嘩! 見到呢個名好利害喎「匯豐飛撲身影」但係點解英文係"Photo Experience"
聽吓姐姐介紹呢個遊戲點玩先
手拎住個欖球開始要落去海綿池度玩啦...
1......2......3.......我啋....我唏!!
我諗呀芊個樣同我一樣充滿咗疑問.....「就係咁咋?」
依家諗番個英文遊戲名係"Photo Experience"其實係咪講緊我? 原來個遊戲係俾我玩Hahaha!
最後一個欖球考驗，係一個時間挑戰賽。不過芊芊就唔係好夠膽入去玩啦，我哋企喺外面望吓其他小朋友玩就離開了
在「創意小部落」中有樣好啱芊芊玩既小遊戲，好簡單將個欖球掉落去個窿裡面，辛苦了板後執波的哥哥
另外有個小黑板可以塗鴉一番!
其實七人欖球賽除咗欣賞欖球之外，其實留意吓身邊D球迷都係一個Fashion Show幾過癮!
到芊芊最期待的面部彩繪，可能今日天氣有少少熱，同埋哥哥唔喺度，所以今次冇咩心情畫面，佢選擇咗只畫在手臂上
起初見到周邊的小朋友都係畫花畫國旗之類圖案，以為姐姐唔識畫其他公仔，好在輪到芊芊嗰陣，姐姐翻開圖案冊，有芊芊鍾意的Peppa Pig呀!
芊芊自己揀的Peppa Pig小天使圖案!
旁邊仲有小枱放着些砌圖、顏色筆及填色工作紙俾小朋友玩!
小朋友玩得開心，大朋友都同樣興奮，因為那邊廂賽事開始，超好氣氛!
我哋玩到咁上下就去到美食村醫醫肚!
又遇上超爆笑的球迷服飾
我哋叫咗好多嘢食慢慢喺度撐枱腳!
臨離開之前在美食村旁邊有個自拍區，突然有個咁本土色彩的彩虹村籃球架背景，BTW影番張入樽相先!
職員仲送我哋一隻吹氣手指指!
居然俾我哋遇上香港欖球代表隊吉祥物「衛比」，難得野生捕獲到佢梗係要同佢影番張相啦
Photo by CANON 5D Mark IV, Len | EF 24-70mm f/2.8L USM
呀劍評語: 一年一度盛事，卻係今年第一次參與。雖然我哋唔係去大球場欣賞賽事，只係喺「滙豐七人欖球地帶」都感受到超強氣氛，仲可以同小朋友喺互動內玩遊戲，而且係免費入場，算係一個不錯的下午節目!
滙豐七人欖球地帶 簡介
香港最大型、最刺激的體壇盛事「國泰航空/滙豐香港國際七人欖球賽2016 」將於4月8日正式揭開戰幔，欣賞精彩賽事的同時，各位欖球迷更要密切留意「滙豐七人欖球地帶」各項精彩活動！「滙豐七人欖球地帶」今年將於4月8日至10日期間，在香港大球場對面的印度遊樂會免費向公眾開放，讓公眾與滙豐一起近距離感受七人欖球狂熱！
地址
銅鑼灣掃桿埔加路連山道63號印度遊樂會（入口位於東院道）
開放時間(已完結)
4月8日 (星期五)：中午12時至全日賽事完結
4月9日 (星期六)：早上8時至全日賽事完結
4月10日 (星期日)：早上8時30分至全日賽事完結
免費入場(已完結)
香港最大型、最刺激的體壇盛事「國泰航空/滙豐香港國際七人欖球賽2016 」將於4月8日正式揭開戰幔，欣賞精彩賽事的同時，各位欖球迷更要密切留意「滙豐七人欖球地帶」各項精彩活動！「滙豐七人欖球地帶」今年將於4月8日至10日期間，在香港大球場對面的印度遊樂會免費向公眾開放，讓公眾與滙豐一起近距離感受七人欖球狂熱！
地址
銅鑼灣掃桿埔加路連山道63號印度遊樂會（入口位於東院道）
開放時間(已完結)
4月8日 (星期五)：中午12時至全日賽事完結
4月9日 (星期六)：早上8時至全日賽事完結
4月10日 (星期日)：早上8時30分至全日賽事完結
免費入場(已完結)
2996 2800
電郵
[email protected]
九龍, 免費活動, 公園玩樂, 油尖旺區,
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。