親子戶外

【親子好去處】奧海公園 Olympian Park

06 Apr, 17

一個鮮為人知的公共空間休憩公園,大家起初都以為係私人屋苑內的地方,原來係一個開心Share嘅公園,一家大細如果逛逛商場想搵D嘢玩,就可以穿過商場直達這裡放放電。


在商場一樓,沿住右邊的路穿過多間食肆,最終會看見一扶手樓梯直上




這裡便是奧海公園,相當易去及方便!


記住這裡是公眾休憩用地,唔好再以為係私人地方唔敢上嚟啦!


公園地方不大,看見有3個瀡滑梯設施,每個都有其特色


雖然地方不大,但係如果呢度人少少都幾夠玩架!


呀芊嚟玩玩個獨木橋先!唔好以為好容易,呢條獨木橋會搖搖下,真係大人企上去都未必企得穩!




其中一條滑梯壞咗正在維修中,那條滑梯是水管型的,對小朋友嚟講都幾好玩㗎,希望快D可以維修好啦

另外第二條係波浪型一邊波浪密D,另一邊就疏D


芊芊上去滑落嚟嗰陣,都幾斜幾快㗎!




玩玩吓發現咗一樣嘢,當我同呀芊行咗上去設施上再望番落地面


原來左面右面中間加埋係一個奧運標誌




呀芊一於好少理,玩埋第三個瀡滑梯,呢個比較普通,係一般的旋轉式滑梯



不過呢個呀芊玩完又玩,停唔到!!仲要專登調轉個身咁瀡



公園的另一邊係一大個綠化區,一大片圓形空地,但太可惜係呢度咩都唔俾,冇得踩單車,又冇得玩板車,就連搖控車都唔俾玩...只有一個噴水池


旁邊都有塊小空地


大家唔方便經由商場出入,都可以選擇由海泓道方向進出




呢個公園除咗頭先發現嘅奧運標記之外,花園內都有好幾個木製的運動姿勢雕像


但係最無癮的就係只可遠觀,又唔可以行埋去!



從以下這個方向直走,就是文章開頭介紹的公園,這個圓形廣場都很大,不能玩單車之類的活動真係好嘥!





唯有望下噴水池,欣賞吓風景啦!都可以玩吓番皂泡(如果記得帶)



Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 7分

呀劍評語: 公園的確人唔多,加上噴水池廣場那邊地方夠大,只是甚麼活動也禁止進行就比較可惜罷了!

開放時間

早上6時至晚上10時

地點

海庭道18號奧海城二期

免費入場


查詢電話

2273 4333

(以上資料更新至文章當日)




RELATED POST