收賣佬夜冷舖唔少得啦
行到過嚟南山邨兒童遊樂場都要俾佢哋放放電吧
佢哋好鍾意玩呢個氹氹轉，一見到就即刻跳上去轉
邊轉邊要俾我影相，Timing都幾夾喎
影咗2-3張開始見頭暈啦! 哈哈~
妹妹頂唔住啦...點知原來哥哥仲暈過佢
今次專登嚟搵搵傳說中的人肉飛行棋，其實佢就位於南山邨南泰樓(內街)，如果你由於南山邨兒童遊樂場一路直行就會見到!
兩個一於堅嚟舖飛行棋
起初仲諗緊邊度搵骰仔，原來旁邊有塊旋轉板，可以俾小朋友轉數字睇吓行幾多步
真係冇做馬，兩個居然叮噹馬頭，都係差一步就贏!!!!
未知邊個贏之前不如影番張相代表友誼第一先啦!
最後妹妹贏咗! 哥哥真係幾有風度呀, 開始唔再計較贏輸
之後我哋行番入去南山邨，見到有得打機，兩個就跑埋去睇(因為我唔俾玩，喔!喔!喔!)
如果相中的遊戲機你都玩過，證明你都老喇....(有幾多款你玩過呀?)
嘩! 「Metal Slug」呀，細個覺得好難玩，試過入$2玩唔夠一分鐘就die咗! 自此之後都唔敢玩了
最後媽咪在排檔執平貨，我就同佢哋上嚟攀架坐吓吹吹風! 嘩，真係每次上到嚟都係有一班年青人喺度，呢度真係變咗旅遊景點
臨走前我哋落番去搵咗間果汁店飲番杯鮮榨橙+菠蘿汁! 超美味
Photo by CANON 5D Mark IV, Len | EF 24-70mm f/2.8L USM
呀劍評語: 慶幸香港仲有些地方可以懷舊一番，每日番工放工成條街都嘈到爆，間唔中放假行到嚟舊區，清清靜靜人又少，慢活一個下午真係好舒服!
石硤尾 南山村 簡介
南山村是新長型設計的公共屋村，興建於1975年。南山村夾於石硤尾大坑東、西兩村之間，是擁有30多年歷史的舊式公共屋村。由南山村遙望，可見到城市大學。再望遠一點，便是獅子山。南山村最熱門的拍攝位是位於街市上蓋的舊式兒童遊樂場，另外都有好多相當出名的小食檔同大排檔
南山村是新長型設計的公共屋村，興建於1975年。南山村夾於石硤尾大坑東、西兩村之間，是擁有30多年歷史的舊式公共屋村。由南山村遙望，可見到城市大學。再望遠一點，便是獅子山。南山村最熱門的拍攝位是位於街市上蓋的舊式兒童遊樂場，另外都有好多相當出名的小食檔同大排檔
地址
南山村夾於石硤尾大坑東、西兩村之間
交通
石硤尾港鐵站B2出步行約5分鐘即可到達
南山村夾於石硤尾大坑東、西兩村之間
交通
石硤尾港鐵站B2出步行約5分鐘即可到達
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。