聽過「百樂生命之園」好耐，今天終於約埋一班老朋友幾個家庭一同到此一遊，我們參加了園地的愛竉親子團，以小狗做生命教育的日營
百樂生命之園位於橫台山芝麻嶺，如果乘搭西鐵到錦上路可以轉乘專線小巴608(總站落車再步行大約10分鐘)或者的士($30-40) 就可以到達
由錦田公路轉入山路後一直有指示，所以絕對放心好易去到
門口的招牌也被樹葉完全遮蓋了
門口有一鐵閘，只要自己開閘進入便可
這農莊佔地不算十分大，不過都五臟俱全，但有點不太方便，就是沒有地方可以放下自己的行李包包自在地玩
入口附近就有個龜池及魚池
另一邊是個有蓋地方，可以在這裡小休一下
職員跟我介紹這個是他們新建的BBQ爐，但還在測試階段未正式開放租用
看見農莊這幾隻米奇卡通及花鼠明星，覺得有點像去了國內A貨樂園，哈哈!
芊芊特別鍾意花鼠，我哋都集齊4集成日不斷睇完又睇!
農莊都有少量動物(有羊有兔)供大家餵飼
大家冇睇錯，真的是駱駝，不過係假既! 真既邊得嚟咁大隻...
農莊係有提供宿營房間，沿這走廊行好似進入了歐陸小鎮!
這走廊中放置了一鋼琴，哥哥都走埋去露兩手!
但房間內沒有洗手間，只係有床單被舖及簡單小枱連鏡子
再直入到較空曠位置，有個小陽台可以在這戶外地方吹吹風!
或另外一邊較高的觀星臺，相信晚上在這裡望着天空應該可以正到一個點
走到上觀星臺可以望向下面的小小泳池，只招待入營留夜的朋友
觀星臺這裡同樣有好幾枱餐桌
向內望就是我們一陣間看小狗表演的地方
向草坪看就是留宿紮營的朋友
睇嚟尋晚喺度有過營火會
這一邊也有兩隻大駱駝做打卡位
穿過一家大細的營地，有個小繩網陣及攀爬設施，這個毋須預約可免費任玩
除咗個繩網陣行入D仲有其他好玩又原始的設施
我好鍾意呢個用大油桶及水管砌成的騎馬仔韆鞦
又有用木頭重新上油的騎馬仔韆鞦玩
玩兩玩就差唔多節目開始，今日我哋參加的活動是愛寵親子團
打頭炮先有小狗表演及互動遊戲，主持人佳哥哥先介紹他們的3隻小狗
有朱古力、綿花糖同埋芝麻糕，三隻都係好可愛的貴婦狗
先抱住狗狗俾每個小朋友輪流摸摸
佢哋兩個成日都希望屋企可以養番隻狗狗，不過可惜照顧你哋兩個已經令我哋好忙，希望將來屋企空間大D，大家都深思熟慮後，先至去領養一隻! 因為每隻動物都係生命，唔可以因為隨便鍾意同佢玩就話要養
雖然同佢哋點解釋，佢哋都唔會明白，所以依家就帶佢哋多D出嚟同狗狗玩就補番數
睇完表演又同狗狗玩完之後，就到親子比賽!
然後就可以餵小動物食嘢! 不過每個小朋友只可以獲派少量飼料，唔駛幾分鐘就已經將手上飼料餵完(如果揀咗餵兔仔，就冇得餵羊了....)
兩個都好鍾意兔仔，所以都不約而同一齊向職員攞些紅蘿蔔去餵
望住小朋友餵動物真係好開心，因為呢刻鐘幾咁頑皮的小朋友，你都會覺得佢哋好有愛心! 哈哈~
然後再向職員攞飼料，他們只派小朋友魚糧龜糧，我哋就只好過去魚池餵鯉魚
哥哥餵魚姿勢好似放緊飛鏢!
餵完小動物之後，轉個頭過嚟見到3隻貴婦狗乖乖的坐在櫈上俾大家合照，佢哋好開心! 當狗狗係公仔咁攬住!
最後再番去有蓋空地進行彈彈小馬比賽，哥哥仲贏得比賽! (不過其實係因為佢係最大嗰個)
洗手間旁邊養了兩隻鸚鵡，不斷同人傾計好攪笑
這邊有塊大黑板，小朋友可以盡情在這裡塗鴉
這個士多提供簡單小食及飲品
完成上午的活動，我哋中午有個DIY午餐活動，大家都集合這裡一起自製壽司
雖然材料簡單，但係小朋友都玩得開心，仲大啖大啖咁食自己製作的壽司
自己整的特別好味，你睇呀妹食得幾大啖！
哥哥都一樣食得好滋味
食完之後，妹妹又搵到個搖搖櫈坐吓嘆世界
午餐過後，下午有一連串的付費活動，每項價錢都唔算太貴，除咗彩泥膠畫之外，其他都係$15(一張遊戲券)玩一次，大家也可以買套票$40/3張
我哋就買咗$120，總共9張遊戲券
啱啱食完飯先來個輕鬆靜態的活動-彩泥膠畫，在活動室外有塊大黑板俾小朋友塗鴉
除咗彩泥膠畫之外，仲有DIY竉物匙扣
同埋DIY小沙樽
彩泥膠畫有好多各款圖板可以選擇
芊芊揀咗隻雞！好攪笑
哥哥就揀咗隻柯柏文
彩泥原來都係些染上色的發寶膠，不過我覺得在農莊玩，來些大自然的活動比較好，用這些淘寶貨仔用嚟賺錢，而且很不環保我就唔係太鍾意囉
不過小朋友都一樣好專心去製作自己的畫作，仲有一樣好就係呢間房有冷氣，出面咁熱喺度嘆下冷氣都好，哈哈～
我哋去玩小孩馬仔，其實呢個遊戲都係一個幾可以Keep Fit的運動，坐一下先至郁一郁隻馬仔
兩隻馬仔對頭撞啦！
KISS~~
雖然有限時，但係職員見冇咩人玩都好鬆手，俾佢哋玩多一陣
兩個來一個比賽，當然勝負好明顯而分(從來都唔會讓妹妹的哥哥贏了)
好在輸開輸慣的妹妹都冇介意，一樣玩得咁開心！
隔離仲有個吹氣彈床，兩個一上到去就好似瘋子咁
見到自己小朋友玩得咁開心，真係幾辛苦都抵番哂
傻頭傻腦的哥哥玩到自己撞咗埋去個吹氣屋度
不過小朋友玩的時侯，大人最好在旁看着，因為個吹氣床四邊都幾矮，所以我都擔心佢哋玩得太癲跌咗出街
之後我哋再玩釣玩具魚，個釣魚池非常大，仲有好多唔同款的海洋生物
特別呢個哥哥玩的時侯都要照顧住，因為佢為咗釣隻海龜，爬到個身好出差D就跌咗落個池
妹妹自己成功釣到魚好開心！
千奇百趣，青蛙同龜都有得釣！玩玩吓仲見到有Bear Bear釣
兩個釣到成籃都係，滿一滿！不過最後都要倒番哂落去，過咗一下癮便算！
其實園內仲有好多其他免費設施，都係廢物利用重新再建設的，這些我就最喜歡
原來這裡都有個吊橋同埋樹屋，不過這些活動日營就冇得玩，要宿營先有
不過行上去影吓相都OK的
仲有條吊橋聽到好多蛙蛙叫，不過只係聽到聲就睇唔到
佢哋好比心機搵，但係唔係咁易俾你哋搵到啦！
之後我哋玩番朝早玩過的小遊戲便離開了
Photo by CANON 5D Mark IV, Len | EF 24-70mm f/2.8L USM
呀劍評語: 欣賞其生命教育的意義，用小狗表演引起小朋友的注意，讓他們認識生活可以好簡單同時人生應該要認定一位主人。不過有少少失望係得咁少汪汪狗，另外DIY午餐也稍為普通 (當然不是因為味道問題，而係覺得可以再多一點創意，讓小朋友參與更多一點)，下午的工作坊都極為不環保，這是我不太認同的！
地點
元朗橫台山芝麻嶺一號
親子露營活動
成人＄380
小童2-11＄280
*露營及日用品自備費用
愛寵親子團
成人$128
2-11歲$108
早上全包活動+diy 午餐
節目內容：
10:30-11:00 小狗表演及互動遊戲
11:00-12:00 親親小貓狗，親子比賽及餵食小動物
12:00-13:00 午餐及飲品一份
13:00-15:00 玩免費設施、check point 遊戲或自費活動
還有其他不定期活動，詳情請留意官方專頁或電話查詢
查詢電話
2471 6969 / 6042 8775
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。