閱讀係我們從小就接觸的東西，家長都特別希望自己的小朋友能喜愛閱讀，因為從書中的故事可以學到很多不同知識，甚至人生觀及價值觀，知道在屯門有一繪本館開放，我哋就到此一遊看看書玩玩棋。
今次有機會到此一遊，就順便逛逛藍地大街，發現真係好有特色！大家只要搭西鐵到兆康站，然後轉輕鐵(任何一架)，只搭一個站便到藍地站了。
落車穿過對面月台，見到公廁再繼續直走出青山公路
見到「陳正記」再望去對面馬路就會見到「季季紅」招牌
直走進去便是藍地大街，呢條街真係好舊式，覺得自己好似番咗上大鄉下咁
雖然係舊，但係裡面的舖頭有舊有新，仲好有特色
呢間「木山士多」，估唔到係賣文具，撞啱今日冇開舖，如果唔係就可以重拾下兒時回憶
對面呢間「潘萬興」係真真正正的超級巿場，連百X惠X都要行埋一邊。
不過行埋去睇見到D玩具咁新潮就不是味兒
鹹魚菜乾我鍾意！
如果你唔係新界人，多數都唔識呢間老字號 「Lam Tei Grill」，在元朗有一家分店，但係呢家就係位於藍地的第一店，大家有機會真係要試試，超好味！
再行冇幾遠見到藍地街巿，街巿門前有呢棵怪樹，呢棵樹可以話係藍地地標，因為佢的樹根好特別打哂蛇餅咁，不過依家有欄杆圍住了。
呢度幾乎所有店舖的店名都係由右至左咁讀法
間唔中都會見到D新開舖頭
由頭先街頭一直行到尾，差唔多用咗10分鐘，終於行到「豫豐花園」，「百好繪本士多」就在眼前
士多外的壁畫是一班復康團體合力完成，真係畫得好靚！
百好繪本士多的前身其實是一家叫「英記」的單車舖，後轉為百好士多，但因業主掉空多年，一班家坊媽媽異口同聲的接手改為繪本館。理念很簡單，只希望透過這個平台，凝聚各路有心人，好似以前舊時，街坊鄰居一人煮一味餸，圍埋一齊食個飯。讓我們的下一代都可以重拾那些年的鄰里情。
但係大家都會問，百好繪本士多所舉行的活動都是免費的，即使收費也只是為補給水電等雜費或旨在輔助下次活動的運作，究竟他們是如何運作的呢？其實百好繪本士多一直都賴一班有心家庭出錢出力去協助運作，籌備活動跟大家分享。你可以話佢哋係傻，但係今時今日就係少了這班無私地付出時間金錢的人情味。
看着這個舊街道牌，就想起這裡從前經過的一點一滴，到今日這裡變成一家繪本館特別有意思，就好似圖書畫冊一樣記載了這裡的變遷。
連門口的舊鐵閘都係完整無缺，還是從前「英記單車」的標記
門口都放著些舊物再用的親子小玩意
因為今日負責的義工臨時有事，另一位義工媽媽剛剛趕到開門俾我哋
裡面全係紅酒箱砌成的書櫃，每一格都放了很多的繪本
地方不大，從這個角度看就想起舊時士多的模樣
我很喜歡這個書架跟小木櫈，整個感覺好似去咗台灣一樣
聽義工媽媽說，他們當中一位義工很喜歡木工，所以就砌了這個木頭車，裡面還放着許多美勞用品，可供小朋友玩玩自由創作。
不過佢哋兩個還是對書本未感興趣，因為有更好玩的小木頭
哥哥自動波咁好快就開始砌緊座城堡
剛好前一天有「讀書會」活動，希望下次有機會再來參加，因我們今天參加的是「桌遊會」
這裡大家都很隨意，雖然話活動2點開始，但係義工媽媽跟我們又沒有很正規的要開始，只要見到小朋友玩得開心，都不會被時間表所限制
這裡的圖書繪本跟擺放在這裡的一事一物都係大家捐贈出來的
這組木頭很可愛呀
我哋家有呢本繪本呀！
上次去酒店都睇過呢本「香港遊」呀
仲有其他小玩意
好攪笑呢度放咗架玩具輪椅同玩具BB，義工媽媽話佢受咗傷好可憐呀！
點知呢個呀芊一推，BB連人帶車炒鑊金，依家變得仲慘呀
咁細架單車都有，係用嚟擺定用嚟踩？
之後義工媽媽準備咗少少蕃茄仔同埋藍莓，同我兩小朋友分享。
及後多一對母子來到百好繪本士多，我們就正式開始「桌遊同樂日」啦！
有好多款唔同嘅桌遊，好嘢！有排玩啦
我哋先玩呢款 Mix & Match 的遊戲
狐狸先生分別頭、身、腳都著住唔同服飾，看看中間抽出的牌再鬥快搵番這個服飾配搭，考你眼明手快！
然後我哋拎出我哋帶嚟的桌遊，哥哥怕怕醜醜咁介紹咗玩法(當然要我再補充啦)
個個小朋友都玩得超興奮
我最鍾意玩係呢個炸彈呀！
玩法係抽一張牌，牌上的故事場景有餐廳、客廳、農場等等，然後一邊傳這個炸彈，一邊要講這場景中其中一樣東西，直至炸彈爆炸在誰手中為輸！
我哋加加埋埋玩咗差唔多6-7個桌遊，其實大家真係唔好俾小朋友玩咁多電話，一家人在家中玩玩桌遊過一個假日真的不錯
玩桌遊同樣可以鍛鍊腦筋！
唔好睇些遊戲好似好簡單，但係其實真係好考智慧，一唔留神就會輸俾小朋友
最後我哋再介紹大家玩一個小小的桌遊
玩過後再看看繪本就離開了，希望下次再有機會嚟玩。
當然臨走前都要同呢個咁靚嘅壁畫打張卡
我哋玩到大約4:00就沿藍地大街行番出去
見到咁多舊建築真係好想停低不停影相
我哋仲入咗門茶記食個下午茶餐先走
呢度最出名係「脆皮西多」喎，幾歹都試一試啦
西多外層再炸脆麵包糠，真係無得嘆！
Photo by CANON 5D Mark IV, Len | EF 24-70mm f/2.8L USM
呀劍評語: 簡簡單單的一個小確幸，一班熱心無私的媽媽們，發起創造這個小天地，一切都是為着我們的下一代，實在很值得去的一個地方，而且也影響到我要繼續堅持每晚跟小朋友說故事的習慣。
百好繪本士多 簡介
繪本是媒介，重點在聯繫 <百好繪本士多> 讓大家重括久違了的人情味 - 連人，種情，惜地。
= 繪本圖書館，玩具圖書館
= 繪本故事時間
= 繪本學堂
= 可舉辦各類讀書會
不賣汽水 賣故事 不賣香煙 賣人情
地點
藍地藍地大街及福亨村路交界
交通
西鐵兆康站轉乘輕鐵到藍地站落，至青山公路(藍地段)過馬路達對面藍地大街直入到盡頭
開放時間
不定時，請留意專頁資料更新
網址
www.facebook.com/picturebookstore
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。