親子遊樂

【親子好去處】通州街公園

03 May, 17

住咗深水埗咁耐都唔知道原來有個咁大既通州街公園喺附近,不過我都唔太建議大家嚟,因為...

通州街公園就喺玉石巿場隔一條馬路對面



呢個公園唔係太近港鐵站,所以一定係少D人


公園咁大所以一定有幾個波地


近港灣豪庭千色店入口有個小賣部


公園內設施都好足夠







在打韆鞦區可以望見對面玉石巿場




打咗大半個鐘韆鞦之後,我哋就再周圍行吓,好似石硤尾公園咁,有個兩層高的通道圍住置中的瀑布小涼亭








天氣好熱,真係有個小瀑布感覺涼爽D




咦,原來呢度都有個勒杜鵑花隧道,不過就短咗D! 哈~ ~






公園裡面既樹都唔後生喇





再向裡面往前行仲有小橋流水,有D似荔枝角公園嶺南之風,一個人都冇都幾舒服



開始要講吓點解唔建議大家嚟,因為一邊行一邊會見到好多露宿者的地盤,可能就係少人的關係,政府又監管不力 (仲會聞到有少少臭味)


呢個湖唔知係污糟定.....點解咁黃既? (我諗緊可能係露宿者每朝喺度刷牙洗面)


呢個似亭非亭係乜東東,坐喺裡面都係無遮無掩




行到公園的盡頭,一個迴旋處沿路轉番出去



不過公園都有可取地方,好多唔同植物種咗喺度(不過帶住小朋友就要小心D唔好似佢哋周圍跑)






D水真係好黃喎....




公園的另一邊都有兒童玩樂設施















中途都見到有其他家庭嚟散步,都唔係真係咁得人驚既...(不過有件梗恐怖的事要同大家分享)







就係呢個公廁,如果人有三急,大家千祈要忍一忍,情願過去對面千色商場。

因為我同哥哥去廁所既時侯,見到有一兩個道友喺度打針,嚇死我呀!!!!! 仲見到有一兩滴血喺裡面(唔係話歧視,因為佢可以去其他地方慢慢攪,所以真係要小心,如果不幸被感染就大件事)



之後我哋就急急腳快D離開呢度,入去千色嘆冷氣Shopping好過





Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 4分

呀劍評語: 冇必要真係唔好去! 始終太多道友同露宿者,建議大家到南昌公園會比較好!

地址
深水埗通州街,鄰近南昌邨同埋港灣豪庭



設施

足球、籃球及網球場,亦有一個室內運動場。公園入面有人工湖同埋廊橋等等園景設施,當中公園中間嘅廣場係一個由八角形迴廊包圍嘅水池。



開放時間

07:00-23:00

(以上資料更新至文章當日)




RELATED POST