從小培養小朋友閱讀興趣好重要，因為閱讀可以訓練小朋友的主動性，i 乜 i 物唔係唔好，不過睇得太多就會懶，因為用的時侯都係處於被動狀態。近期我好鍾意睇芥子園出版既雜誌，有冇朋友細細個已經睇過《紅蘋果》? 如果可以跟小朋友一起來個親子共讀，效果仲好!
芥子園最為人熟識的幾本兒童雜誌分別係《小小紅蘋果》(1983年9月創刊)、《白羚羊》(1985年9月創刊)、《砵砵車》(1993年1月創刊)、 《小熊貓》(2015年8月創刊) ，和英語雜誌《I Love English》(2000年2月創刊)。 大部份在80's年代已經創刊，我自己就睇過《紅蘋果》同埋《砵砵車》
其後再出版埋英語兒童雜誌：《StoryBox》、《AdventureBox》及《DiscoveryBox》
估唔到細細個睇的兒童圖刊到今日自己下一代都可以有機會睇到
《StoryBox》讓孩子透過閱讀長篇精彩插圖故事、認識各種動物、探索自然生態及科學、玩遊戲、看漫畫，輕鬆學習英語。每期圖畫故事由著名國際兒童文學作家創作。(適合3-6歲)
《小小紅蘋果》專為就讀幼稚園的孩子而設！讓爸媽陪伴子女透過說故事、講解科學知識、玩遊戲和看漫畫，助孩子建立良好的閱讀習慣。(適合3-7歲)
《紅蘋果》培養孩子自主閱讀能力，每期透過多元化的內容，包括兒童文學故事、生活常識、科學和幽默連載漫畫滿足孩子好奇心、激發創作。(適合6-10歲)
你知唔知第一期創刊號係幾時出版？原來係1977年，今年已經係40週年啦
有睇過創刊號的朋友依家都變咗人哋公公婆婆或者爺爺嫲嫲喇
哎吔，最討厭嘅情況又出現，都唔知點解有咁多本係都係一齊揀同一本，係咪想找「屎」！
可能因為大大本，封面圖畫又得意，結果兩個都各自揀咗本《小小紅蘋果》睇
每期均有一個小故事起首，故事頁數也佔了半本《小小紅蘋果》雜誌
其後還有小單元故事，分別是《小俠森森》、《愛莉諾》、《小白熊康康》，不定期加上填色小故事、小世界大百科或小遊戲等等
芊芊對住書內插畫一路講故事講不停，是一個好好訓練他說故事的才能
相反哥哥識字多，就可以完整睇哂成個故事。不過最吸引佢都係後面的互動小遊戲
就連書背都仲有四格漫畫
《StoryBox》分為4大部份 - 1) Storytime; 2) Discovery; 3) Adventures; 4) Games
每期Storytime都會有一個小故事，我好鍾意佢既故事好天馬行空，從故事可以培養到小朋友的創意思維
在Discovery，其中一部份提到「毛織品是如何造成的？」 妹妹都曾經問過羊毛點樣剪出嚟做成我哋依家著喺身既冷衫，雖然佢英文程度未可以解讀所有文字，不過可以同佢一齊伴讀，簡單的一個個步驟解釋俾佢知還是可以的!
在Discovery另外一部份介紹老虎，哥哥見到呢幾版就最興奮
佢研究緊究竟隻老虎係真定假...(因為實在畫得太靚太似)
有陣時仲會有好多常識自然科學的主題，好似其中一期講述火山爆發的形成，以前當哥哥問我點解香港D山又唔會爆炸，我都真係唔識答。不過依家有《StoryBox》用得意有趣插畫去解答佢啦
Adventures就再有4個簡單短故事
其實內容真係超豐富，最後Games section仲有好多小遊戲玩如例填生字、找錯處、數字連線及填色等
最後要講這本《紅蘋果》，原來有我咁老已有40週年! 細細本容易帶埋出街睇
同樣除咗小故事外都有好多關於文學、自然科學、生活常識、有趣漫畫及小遊戲等
介紹根菜類的蔬菜，教懂小朋友番薯、紅菜頭、紅蘿蔔等蔬菜都係同根一起埋在泥土中吸取水分
每期仲會教你畫公仔
兩兄妹最鍾意就係玩這個尋找動植景物遊戲，從左圖中找出右頁上各種動物
超有挑戰性，就連我自己都玩埋一份，同佢哋鬥快搵出動物昆蟲
仲有其他生活小知識，解答了好多小朋友都沒想過的問題，就好似貓的生活習性原來係好得意，滿足哂充滿好奇的他們，一邊睇一邊話「吓! 乜原來係咁架?」哈 ~ ~
仲有眼球的構造!!
大家可以選擇訂購其中一本試讀一下，慢慢就會同我一樣咁鍾意芥子園的兒童雜誌
除此之外，大家仲可以下載 Living Images APPS，只要對住雜誌封面一SCAN就可以有語音伴讀小故事!
唔單止有得睇仲有得聽! 可以學埋正確英語及普通話發音
Photo by CANON 5D Mark IV, Len | EF 24-70mm f/2.8L USM
呀劍評分: 10分
芥子園 Bayard 簡介
芥子園出版社有限公司Bayard Presse Asia是著名法國巴亞兒童出版社Bayard Jeunesse的香港分社，於1977年創辦至今已超過30年。本社出版的中英文兒童讀物，長期以來，以其領先的教育出版理念、優質的多元內容、益智與趣味並重的特色，全面照顧和滿足到孩子身心成長所需。故此一直得到香港孩子喜愛及家長，老師和專家的推崇。
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。