好開心一次過集齊Upixel三款包包產品，又玩得又用得，仲可以設計出一個屬於自己的包包，人哋小朋友生日送俾佢做生日禮物都幾好
Carousell 旋轉拍賣 這個 APPS 好早已經聽過，不過一直都沒有太大衝動要去安裝試用，因為覺得不大可信。
其實自己早幾年前都有同朋友一起寫了一個APPS就係讓人上載東西去交換及買賣，形式跟Carousell 很相似，不過知道唔容易運作，因為跟我之前沒使用這APPS的原因一樣，害怕會有不老實賣家以假貨騙財!
即使不是假貨，也很擔心貨品的質量，又要現場Check貨呢樣嗰樣好麻煩!
另外我也很怕交收，相約好對方時又害怕他遲到或無到，如果咁麻煩我都係情願自己在街外買算數!
以上我提及的問題係咪都係大家曾經擔心過的，令大家跟我一樣都唔會打算裝這個 APPS
直至前一陣子任天堂推出了新遊戲機，見到有朋友用 Carousell 買咗番嚟，而且仲平過巿價，亦沒有出現任何不愉快事件，交收得很順利，我就奇怪一問，原來他交易咁多次都冇試過我擔心的問題。
結果我都試裝個 APPS 然後用吓....
安裝了 Carousell ，先看看整個交易流程，當然先揀選自己想要的貨品，但係揀咗之後一定要睇埋賣家有冇正評(因為原來每一次交易後買賣雙方都可以互相評價，所以如果係有賣家唔老實一定會有唔少負評)
一個好容易瀏覽的介面，先睇睇新遊戲機賣幾錢先，直接選擇該項類別「遊戲機」，然後再以 Keyword 搜尋就會快更多
搵係搵到，不過見到價錢咁貴都係退而求其次，不如搵個復黑迷你版玩吓! 揀啱之後即刻可以同賣家inbox，可能收到訊息有特別提示關係，賣家都好快就收到，所以絕對唔會有send咗訊息要等幾日先收到賣家訊息的情形
當然有咩問題都要問清楚啦，仲有可以自己出價，我C9心態梗係會講價啦，正所謂平得一蚊得一蚊。
不過好快俾媽咪知道咗，就唔俾我買遊戲機，話會毒到小朋友冇心機溫書，所以就放棄咗...以為唔會有機會再買嘢，點知俾我撳撳吓發現「玩具 & 卡類遊戲」內頁有好多Lego買，一睇睇咗成粒鐘，同埋問咗媽咪攞正牌買啦!
最近見小朋友都乖，而且默書又擺100分，於是我就先叫小朋友睇吓有邊款 Lego 鍾意，叫佢哋睇啱就全部按心心(即我的收藏)，然後我最後決定買邊盒!
芊芊見到任何嘢都話鍾意，短短幾分鐘就撳咗幾十款Lego!
芊芊話要全部買哂! 小朋友既世界真係開心
當我再一次同賣家講價，我唔係太知呢件Angry Bird Lego本身巿價賣幾錢，所以我先去網上搵搵，知道幾多錢後先再出價!
賣家出價 $350，我就試吓膽粗粗叫價 $280，居然話咁快賣家即刻OK! 我自己都好突然，心諗唔知係咪A貨
然後就好快咁約埋交收日期地點。
跟住陸陸續續再買了好多其他款玩具，有D明碼實價壓唔低價，不過有幾盒都可以講到平幾十蚊，真係好開心! (不過一日未交一日都唔知道係真抵定假抵)，好快就買咗1.2.3.4......哈哈~
在此提一提大家，只要大家開動這功能，讓 APPS 提示你有新訊息，就唔驚會 Missed 咗
到咗第二朝到哥哥揀禮物，哥哥就生性好多，識得見到有D好貴，成千蚊Lego就唔會揀，所以睇咗咁耐都只係收藏咗2-3樣! (之後覺得自己好唔抵...)
呢兩日佢哋都揀好哂心頭好，我就坐低好好咁篩選，揀D適合佢哋玩的Lego，又唔會太貴！
最後我買買埋埋差唔多用咗$1000多D，分別同4-5個買家交收
等我逐一介紹吓我嘅戰利品，呢兩塊 Lego Classic Board 同埋下面另外兩塊 Lego City Board，都係來自同一個買家，我都係揀中咗件貨品睇番先知係同一個人
Lego Classic Board 賣家開價 $95/塊，結果都講唔到價，不過佢見我再幫襯佢買埋 Lego City Board(開價 $80/塊)，就總共平咗 $10 俾我
交收時才知道賣家本身在深水埗都有一樓上舖專賣各式各樣的 Lego，我哋傾咗兩句，仲應承下次上佢舖頭慢慢睇(到時老闆話會俾個折我 ^.^)
另外呢盒 Angry Birds Lego，上文都有提過，賣家開價 $350，我試吓叫價 $280，居然即刻OK成交! 心諗唔知係咪A貨，點知到交收時，原來賣家係位太太，佢話買咗但呀女冇開過唔玩，所以佢平放番出嚟唔想嘥！嘩咁我真心執到平嘢，超興奮。
真係盒盒都係全新，甚至有D仲保存得好好。呢一盒 Lego Classic Creative Supplement，賣家都係唔肯講價，最後 $170 成交。到交收時見到賣家，原來佢盒 Lego 係冒險樂園贏番嚟，我同佢就傾得最耐，因為我都好有興趣知道佢玩咩贏。同佢傾完先知原來去玩冒險樂園有咁多秘技，真係唔單止買到正貨，仲識到個朋友。
賣呢盒 Lego Frozen Elsa Castle 俾我的賣家，原來佢係 Lego 迷，屋企儲了太多 Lego，所以某部份都要放番出嚟清一清，呢一盒 Lego 我當日一拎上手，全係用保鮮紙包住，自己本以為係二手俾人呃，跟住賣家話因為咁樣可以保護紙盒保持新淨。
買咗咁多嘢，都發現我之前擔心的問題，全部都冇出現。而且講價交易過程比我想像中容易順利。所有賣家為了獲得正評都非常準時，甚至有一位擔心自己遲到，每隔幾分鐘就向我報到。有幾位賣家都十分 Nice，仲留低埋聯絡做咗朋友仔！我覺得大家都可以放一萬個心去用。
既然試過買嘢，不如手多多又試吓做賣家。其實我仲有一個唔用 Carousell 的原因，就係做賣家放嘢上去賣，好驚好複雜的程序，除咗 Upload 相唔知有幾多個步驟先可以完成。
但係其實唔算真係咁煩，首先
1. 上載貨品相片(可一次選多張)；
2. 選擇分類；
3. 商品名稱(可選擇性加上敍述)；
4. 當然最緊要係價錢；
5. 交收方式
就係咁多啦！其實都真係好方便
其實如果喜愛Carousell的朋友，唔單止買嘢可以慳錢，仲可以賣走屋企唔需要既嘢賺番錢!
Post 咗喇！(我好最意 Carousell 的文字方式同我一樣咁口語)
就係咁簡單，少少步驟就已經將商品上載見街，不過如果你想多D人見到，就要打廣告啦！
未試過用 Carousell 的朋友，可以下載落手機玩玩，試吓佢！
Carousell旋轉拍賣：https://hk.carousell.com
心郁郁想下載就 Click 依度：http://caro.sl/shopwithme_kim
喺6月14號前下載，就可以去埋我Facebook參加抽獎㖭！
Photo by CANON 5D Mark IV, Len | EF 24-70mm f/2.8L USM
呀劍評分: 8分
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。