多謝Coppertone®送上「Coppertone® 陽光學習手冊」俾我哋，可以同埋小朋友一齊喺陽光底下邊玩邊學!
夏天又嚟啦! 真係出街都隨時會曬傷，收到「Coppertone® 陽光學習手冊」一拆開箱，見到一大本粉虹靚靚的Boxset，原來本手冊咁大本，仲有隨「Coppertone® 陽光學習手冊」附送一支水寶寶嬰幼兒滋潤防曬噴霧乙支
上兩星期日日落雨，今個Weekend難得有咁猛太陽，一於帶埋本手冊出街同小朋友跟陽光玩遊戲
好鍾意佢的Slogan「曬住玩，笑住學」在太陽底下學習新鮮事
一拎本手冊出嚟見到陽光學院的校徽已經覺得好靚
「Coppertone® 陽光學習手冊」裡面咩都有，包括：「美術堂」、「科學堂」、「話劇堂」同「英文堂」等
今日真係曬到冇朋友，熱到兩個眼都掹唔大！
見朝早有少少時間，我哋先落去樓下先玩玩其中一課「日光科學課」
哥哥啱啱呢一年小一先至學識睇時間，不過就從來未接觸過咩叫日規(日晷)，當哥哥知道原來太陽的移動可以顯示到時間，實在覺得好利害!
然後開始思考點解用燈照會做唔到呢個效果，但係太陽就可以。這個「日光科學課」就令哥哥在科學知識上又增長多D!
唔單止哥哥，就連我都學咗唔少嘢，一條「考考你」的問題 - 「可不可以把這個日規帶到其他國家使用?」我仲以為真係可以...
妹妹仲理解緊點解本書會知道依家幾多點...? 哈~哈~
到咗下晝我帶住「Coppertone® 陽光學習手冊」同小朋友去咗屋企附近公園再上堂
今次我哋上「日光美術課」啦，需要水寶寶嬰幼兒滋潤防曬噴霧配合
先在哥哥呀芊手上噴上滋潤防曬噴霧
搓勻雙手後
將手印在書上的「小小手印成長記錄」
起初不是怎麼見到成效，印下去後需要在日光下曬4-5個小時才會更明顯
先去上下一課 - 「日光話劇課」，其實就係用手影模仿不同的動物造型
其實我只係識得扮雀仔，佢哋兩個仲叻過我
我哋一齊做手影然後叫對方估吓係邊隻動物，大家又估唔估到哥哥扮咩?
無錯! 就係兔仔
哥哥鍾意挑戰高難度，專登搵最難扮的動物嚟玩
妹妹! 呢個咩嚟架? 超攪笑!!
嘩! 哥哥呢個又係扮緊咩?
芊芊一路都做唔到，冇咩成功感，所以教佢扮番狗仔，即刻成功開心笑番!
再上番「日光英文課」，在日光下學習英文字母，究竟有幾多個英字母係對稱呢?
仲有「日光物理課」，係我最鍾意的一課，隨書附送一三稜鏡，利用太陽折射到書POPUP的彩虹上
真係好貼心好創新的設計，小朋友都好有興趣
哥哥覺得超級新奇，一直轉動三稜鏡希望可以將彩虹折射到咭紙上
不過好似唔係太明顯...原來都真係幾難
上咗咁多課真係要嚟個小息! 之後我哋就上「日光寫生課」，用陽光嚟寫生都真係好特別
利用書上的簡單圖案，放在太陽轉印紙上，就可曬出各款圖案
只需要曬4-5分鐘已經有一個好明顯的圖案印記
不過好快深藍色印記就會褪去，因為仲有一個步驟要做! 原來要再將轉印紙放到水裡去沖，印記就可以明顯的呈現出嚟
終於落堂啦! 我哋番到屋企再睇睇剛才的課堂成果
今日上「日光美術課」所做的手印，經過太陽多曬一曬，手印真的出來了!
另外沖過水的轉印紙，圖案更明顯!!
到咗第二朝，因為覺得尋日的「日光物理課」做得唔太好，所以今早再試多次，終於成功啦!
想知道點樣可以得到呢份咁正既「Coppertone® 陽光學習手冊」?
依家只需於Coppertone®陽光學院的Facebook活動網頁上登記成為Coppertone®陽光學員，每第10位登記成功的學員，即有機會贏取「Coppertone® 陽光學習手冊」乙本，都係嗰句 - 名額只限100位，先到先得，送完即止。
真係一本好有意義的小禮物，可以讓小朋友更認識陽光，太陽帶來的唔係只有「熱死人」，而係可以跟它玩遊戲! 如果大家去沙灘玩，都可以帶埋「Coppertone® 陽光學習手冊」邊玩邊學架!
Photo by CANON 5D Mark IV, Len | EF 24-70mm f/2.8L USM
呀劍評分: 10分
Coppertone®陽光學院 簡介
Coppertone®陽光學習手冊 曬住笑住親子樂
每年夏日，最令人期待Coppertone®與眾同樂，以不同的形式分享陽光下的歡樂。今年Coppertone®繼續送上驚喜，由2017年4月25日起，只需於Coppertone®陽光學院的Facebook活動網頁上登記成為Coppertone®陽光學員，每第10位登記成功的學員，即有機會贏取「Coppertone® 陽光學習手冊」乙本，名額只限100位，先到先得，送完即止。 手冊內容包羅萬有，包括：「美術堂」、「科學堂」、「話劇堂」同「英文堂」等，為父母子女提供親子活動，大人與小朋友一齊親親陽光，與此同時一邊玩樂一邊學習，發掘趣味吸收書本以外的知識。手冊內更附有水寶寶嬰幼兒滋潤防曬噴霧乙支，讓小朋友於陽光下有足夠的保護，一家大小玩得放心更開心，全情感受陽光燦爛的氣息。
(以上資料更新至文章當日)
Facebook專頁: 呀劍萬帥 kimfamilytravel
Blog網誌 : kimfamilytravel.blogspot.hk
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。