是次由綠腳丫舉辦的《一起尋找小叮電車讀書會》活動，反應非常熱烈，我們參加這一場已經係第74場。起點由銅鑼灣富豪酒店對出開始，一直「叮」到屈地街車廠總站。大人小朋友在叮叮上一起邊聽故事邊看風景，都算是一個不錯的體驗。
我哋好聽話，在正式開始前30分鐘已到達，不過唔單止電車因交通情況延遲到達，就連負責人都遲到，結果我哋足足等咗45分鐘先可以上到叮叮！
不過等叮叮中途，俾我哋遇上了懷舊旅遊電車，都算多咗一個景點！即刻同架電車影咗幾張相，心諗如果今次係坐呢架就好...
果然係做遊客生意，大人$95，小童$65，都只係由銅鑼灣去西港城站。不過原來唔駛預約，只要隨時喺總站俾錢上車就得！
我哋架叮叮120號終於到啦
係最傳統細細個2毫子就搭到嗰架叮叮，當然內外都翻新過，但係都保留所有舊式的設施
今次讀書會就係同大小朋友一齊喺叮叮上睇呢本《電車小叮在哪裡》，可以當日或之前預先購買，一本$30大洋！
喺車尾上車見到呢兩盞燈已經好有集體回憶啦
一上車我哋就直接去咗上層霸個頭位，準備聽Van仔車EE講故仔！
老實講：Van仔車EE講故事有D悶...兩兄妹聽咗一陣已經打哂呵欠
不過好在書的內容會有唔少香港景色，所以大人都乘機可以同小朋友講解，叫佢哋睇完書即刻睇睇外面的真實情景
好在半路中途又再有番心機聽故仔
哥哥 一睇見書的景象就會問我「呢個係咩？喺邊度見到？」
呢架仲老過呀爺嘅電車，已經唔會再可以喺街上見到喇
哥哥一見到中銀就大叫「嘩！喺呢棟啦...」望住本書指住書裡面的中銀大廈 (其實都唔係第一次見，但係可以keep住呢份童真都不錯)
最後去到金鐘段，我見周圍的小朋友都幾乎瞓著...(可能加上坐叮叮吹住一陣陣風太舒服)
最後去到屈地街，我哋都好準時一個鐘頭內完成整個行程。
然後落車前，當然要喺車廂裡面打吓咭啦 (都唔知幾時先再有機會可以見番呢架兒時叮叮)
其實呢盞燈真係好靚，我想屋企放番幾盞！
呢張喺下層嘅木製長椅，真係好經典，簡直人坐落去冬暖夏涼！(除非啱啱有人坐完起身)
仲記得細個鍾意喺車尾度扮開電車
仲有最經典的呢個隱秘位置，細細個就最鍾意坐喺呢度，好似一個私人小天地！
最後都要同叮叮講拜拜啦！(留意後記...)
活動記敍過後都有一些覺得綠腳丫做得不夠的地方，所以在文末想講下，就當作溫馨提示吧！希望你們下次做得更好
這個活動在綠腳丫Facebook上有登出連結於網上報名，最初以為係免費活動，所以一直留意住活動報名情況。雖然後來知道原來每位雖要$70費用，而且要購買一本《電車小叮在哪裡》圖書，在讀書會進行時看，不過都唔係太貴，只係$30。
所以一家4口＋一本圖書Share睇，總共$280
以下你點我認為可以作出改善的地方：
1. 當我網上Google Form報名後，就收到Email確認叫我ATM入數交錢。不過入數後連Receipt回覆Email後，一直都收唔到佢哋嘅確認訊息(FB inbox都唔覆)，攪到我都唔知佢哋係咪真係收到我$280 (圖書$30是分開俾的)，又唔知係咪真係成功預留了活動當日的位置。下次應該在各位回覆入數紙時，負責人也需要回覆參加者已收到款項。
2. 直至活動前2星期，突然見自己被Add入Group，當我以為自己被確認時，突然admin話「邊個仲未俾錢好快D去入數」...(我心諗我點知你講緊邊個？我知道自己就入咗錢，但係我唔知主辦單位係咪收到我D錢，又唔知佢會唔會話未入錢嘅人係我)，之後我已經隨即回覆訊息，但係佢又消失於空氣中。若要提醒報名而未入數之朋友，應該私下傳送訊息。
3. 直至活動當日(因為佢冇再主動追我數，所以就當我應該成功入數)，活動時間是3:00，負責人提大家盡量早15-30分鐘到。當日我帶住小朋友課外班一落堂就即刻飛去銅鑼灣集合，但係當我2:30去到，已經見好多家長到了，然後又怕小朋友在電車一粒鐘有機會去厠所，所以我見負責人未到，就急急腳同佢哋兩個去哂厠所先，點知再一次番到去集合地點，仍然係所有家長們你眼望我眼。我Whatsapp群組傳訊息又冇回應，嗰一刻真係覺得感覺好差。最後差唔多2:50先見到負責人出現，亦即係今次替我哋講故事的姨姨「Van仔車EE」。作為負責人不應該遲到！>.<
最後因為電車交通誤差，最後我哋 3:15 先上車，大部份家庭都 2:30 到，即係足足呆等了45分鐘才上叮叮 T。T 我明白機構人手不足，又或者部份係義工，不過以上都係真實情況，是我個人感受，希望同大家分享。
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 6分
呀劍評語: 本來可以係一個好精采的讀書會，可惜在聯絡安排上處理得不太好，而且講故仔的也沒有善用材料，也講得不生動！除非是免費活動，否則以收費活動嚟講就只屬一般！
2017年10月21日 星期六
活動時間
15:00-16:00
地點
銅鑼灣 - 屈地街車廠
費用
$280 (每位 $70)
RELATED POST
06 Sep, 22
【好物推介】Novakid 輕鬆在家學英語 操作簡易無難度
仲記得幾年前疫情剛開始，我哋就推介過一個網上外語課程給哥哥，今次輪到芊芊，我哋選擇了Novakid，真係可以好輕鬆就在家學外語。
08 Feb, 22
【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機
向來都係我打理屋企家頭細務，吸塵簡直係我的生活日常，我都唔知點解只要隔日唔清潔，就已經成地都係頭毛同超級勁多塵。
27 Dec, 21
【好物推介】有片有圖有真相～真人實測 EMMAS澳美斯床褥評價！
人哋話床褥絕對唔可以慳，因為每日有三分一時間都陪住你，不過當然最好就係買到又平又正嘅床褥啦～點樣先真正知道張床褥好唔好瞓？好簡單，直接瞓上去試啦。
18 May, 20
【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING
搬屋～ 聽到呢兩個字，我就雞皮都起，因為知道好麻煩好多嘢攪，簡直係個惡夢。
15 Dec, 19
【好物分享】CADO 空氣清新機 給家庭一個健康生活 Cado Leaf 120
香港最近呢幾個月空氣都差咗好多，哥哥鼻敏感情況又嚴重咗，我哋一直都有留意坊間不同品牌的空氣清新機，最近發現這部 Cado Leaf 120 空氣清新機這部Cado Leaf 120 空氣清新機係來自日本喔～ 我個人認為日本出品一定不會差，當然我都唔會咁武斷，都要睇吓佢個spec～清新機有兩大設計特點，第一佢係360循環設計，可以有效阻隔空氣污染物包括：花粉、黴菌、病毒細菌、致敏原、VOCs、甲醛及 PM2.5 等有害物質及異味另外清新機設有藍光光觸媒濾網，係利用可見光將吸在活性碳中的有害物質分解為二氧化碳和水，延長濾芯使用壽命，真係好高科技呀～另外佢擁有AHAM美國家電產品協會所定的CADR潔淨空氣輸出率最高認證，被譽為世界最高標值的空氣清淨機，咁我就更加放心。